നിയോഗം 2 Dark World Part IX (മാലാഖയുടെ കാമുകൻ) 1514

ഞാൻ അവളെ കൊന്നിരുന്നു എങ്കിൽ അവളുടെ കുട്ടികൾക്ക് അമ്മ നഷ്ടപെടുമായിരുന്നു.. നിങ്ങൾക്ക് സഹോദരിയും.. പകരം ആകുമോ???

എന്നെ കാത്തു ഇരിക്കുന്ന ജീവനിൽ കൂടുതൽ സ്നേഹിക്കുന്ന രണ്ടുപേരെ അവിടെ വിട്ടിട്ടാണ് ഞാൻ ഇങ്ങോട്ട് വന്നത്.. ഞാൻ മരിച്ചിരുന്നു എങ്കിൽ അവർക്ക് വേറെ എന്നെ കൊടുക്കാൻ നിങ്ങൾക്ക് കഴിയുമോ? ഇല്ല.. എനിക്ക് സ്ഥാനം മനസ്സിൽ ആണ് വേണ്ടത്…

പിന്നെ.. ഇവരെ ഒക്കെ മക്കൾ ആയി കാണുന്ന ക്വീൻ എന്നെയും കൂടെ അങ്ങനെ കാണണം.. അത് മാത്രം ആണ് എന്റെ ആഗ്രഹം..”

ഞാൻ ഒരു പുഞ്ചിരിയോടെ അത് പറഞ്ഞു ക്വീനിന്റെ അടുത്ത് ചെന്ന് അവൾ ഊരി വച്ച കിരീടം എടുത്തു തിരിച്ചു അവളുടെ തലയിൽ തന്നെ വച്ചു..

അവൾ സ്നേഹത്തോടെ എന്റെ താടിയിൽ പിടിച്ചു കുലുക്കി… നെറ്റിയിൽ ഒരു ഉമ്മ തന്നു..

“ഇവർ ഒക്കെ എന്റെ പെൺകുട്ടികൾ ആണ്.. നീ എന്റെ ആൺകുട്ടിയും…”

അവൾ മെല്ലെ പറഞ്ഞു അവളുടെ കഴുത്തിൽ കിടന്ന ഒരു കരിംനീല രത്‌നം ഇട്ട മാല എന്റെ കഴുത്തിൽ ഇട്ടു തന്നു..

“നന്മ ഉള്ളവൻ ആണ് നീ… ശക്തനും.. അതാണ് ഒരു കൃതിരിൻ എന്നും.. “

അവൾ എന്റെ കവിളിൽ തലോടി എന്നെ കെട്ടിപിടിച്ചു..

എന്റെ കുട്ടികൾ വന്നു എന്റെ കയ്യിൽ പിടിച്ചപ്പോൾ ഞാൻ അവരെയും കുനിഞ്ഞു ചുംബിച്ചു..

ഞാൻ ഡെൽറ്റയുടെ നേരെ തിരിഞ്ഞു… അവൾ എന്നെ നോക്കി..

ഞാൻ അവൾക്ക് നേരെ കൈ നീട്ടിയപ്പോൾ അവൾ എന്റെ കയ്യിൽ പിടിച്ചു.. അവളുടെ കണ്ണിൽ ഇപ്പോൾ ദേഷ്യമോ പകയോ ഇല്ല..

ഉടനെ ട്രിനിറ്റി എന്റെ അടുത്ത് വന്നു..

“എന്റെ അഭിമാനം ആണ് നീ.., ഇവിടെ ഉള്ള എല്ലാ പെണ്ണുങ്ങളുടെയും.. മക്കളുടെയും..”

അവൾ എന്റെ നെറ്റിയിൽ നെറ്റി മുട്ടിച്ചു നിറഞ്ഞ കണ്ണുകളോടെ പറഞ്ഞു.. ഞാൻ അവളെ ചേർത്ത് പിടിച്ചു.

“റോഷൻ ജയിക്കാൻ ഉള്ള കാരണം എന്താണെന്നു അറിയാമോ?”

ക്വീൻ എല്ലാവരോടും ആയി ചോദിച്ചു.. ഞാനും ശ്രദ്ധിച്ചു..

“ഇത് കൃതിരിൻ ലോകം ആണ്.. അവന്റെ ശരീരത്തിലെ ശക്തി കൃതിരിൻ വർഗത്തിന് അനുഗ്രഹിച്ചു കിട്ടിയതും..

അവന്റെ ശക്തി പൂർണം ആയിരിക്കുന്നു..

ഒരു കൃതിരിൻ ആണിന് പോലും ഇതുപോലെ ഒരു പെണ്ണിനോട് എതിർത്ത് നില്ക്കാൻ ആകില്ല.. നിങ്ങൾക്ക് അഭിമാനിക്കാം.. നിങ്ങളുടെ കുട്ടികളുടെ പിതാവ് ഇവൻ ആണ്….”

ക്വീൻ ഉറക്കെ പറഞ്ഞപ്പോൾ മറ്റുള്ളവർ എന്നെ ആരാധനയോടെ നോക്കി.. അവർ അവരുടെ കുട്ടികളെ ചേർത്ത് പിടിച്ചു..
എനിക്കും ഇതൊക്കെ ഒരു സ്വപ്നം ആണോ എന്ന് തോന്നി..

എന്റെ കണ്ണുകളിൽ ഇരുട്ട് കയറി തുടങ്ങിയിരുന്നു.. ഉടനെ തന്നെ കിവെറ എന്നെ അവരുടെ മെഡിക്കൽ റൂമിലേക്ക് മാറ്റി… ഡെൽറ്റ എന്റെ കൈ പിടിച്ചു ഒപ്പം വന്നിരുന്നു..

***

Shoba Apartments, Kochi

“എന്താ ചേച്ചി എന്ത് പറ്റി??”

മീനു ആശങ്കയോടെ മെറിന്റെ അടുത്ത് ഇരുന്നു ചോദിച്ചു..

മെറിൻ വേഗം സാധാരണ നിലയിലേക്ക് വന്നു.. ഇവരെ പേടിപ്പിക്കൻ പാടില്ല..