നിയോഗം 2 Dark World Part IX (മാലാഖയുടെ കാമുകൻ) 1514

ഞാൻ ഒന്ന് ഉരുണ്ട്‌ മറിഞ്ഞു.. എന്നെ ചുറ്റിയ ആവൊനിയാക്കിനെ മറ്റു ആവൊനിയാക്ക് ഒന്ന് കടിച്ചപ്പോൾ അതിന്റെ പിടുത്തം അല്പം അയഞ്ഞു…

അത് തിരിഞ്ഞു ചീറ്റി.. ഇതോടെ എന്റെ രണ്ടു കയ്യും ഫ്രീ ആയി..

കത്തി വച്ച് ഞാൻ അതിന്റെ പുറത്തു കുറെ കുത്തു കുത്തി.. എന്നാൽ ഇരുമ്പിൽ കുത്തിയ അവസ്ഥ.. കത്തി തെന്നി പോകുന്നു..
ഇതിന്റെ കഴുത്തിൽ കുത്തിയാൽ മാത്രമേ ഇത് മരിക്കുകയുള്ളു.. പുറം തോൽ അതികഠിനം ആണ്.

ഞാൻ ഒന്ന് കൂടി കിടന്നു ഉരുണ്ടു.. കാലുകൾ ശക്തിക്ക് ചവുട്ടി.. കുതറി..

അതോടെ അത് എന്റെ ദേഹത്ത് നിന്നും അയഞ്ഞു..

ഉടനെ വായും പൊളിച്ചു അടുത്തത് എന്റെ മുഖത്തിനു തന്നെ കടിക്കാൻ വന്നത് ഞാൻ ഇടം കൈകൊണ്ടു അതിന്റെ തലയിൽ പിടിച്ചു പൊക്കി തടഞ്ഞു…

എന്റെ കൈപ്പത്തിയിൽ അത് കടിച്ചു..കൈ വിരലുകൾ അത് ചവച്ചു..

വിരലുകൾ അതിന്റെ പല്ലിന്റെ ഇടയിൽ പെട്ടപ്പോൾ ഞാൻ അലറി കരഞ്ഞു..

സഹിക്കാൻ കഴിയാത്ത വേദന.. ഞാൻ കൈ വലിക്കാൻ നോക്കിയപ്പോൾ അത് വിരലുകളിൽ കടി മുറുക്കി തല വലിച്ചു പൊക്കി പിടിച്ചു…

അതോടെ അതിന്റെ കഴുത്ത് എന്റെ മുൻപിൽ അനാവൃതം ആയതും ഞാൻ അതിന്റെ കഴുത്തിൽ നിമിഷ നേരം കൊണ്ട് മറു കൈ കത്തിയിൽ മുറുക്കി കുത്തി ഇറക്കി..

വല്ലാത്തൊരു കരച്ചിലോടെ അത് പിടുത്തം വിട്ടു പുറകോട്ട് മലച്ചു വെട്ടിപിടഞ്ഞു..

ഞാൻ കത്തി ഊരി എത്തി വലിഞ്ഞു വീണ്ടും അതിന്റെ കഴുത്തിൽ കുത്തി..

രണ്ടാമത് കുത്തു കൊടുത്തപ്പോഴേക്കും എന്നെ ആദ്യം ചുറ്റിയിരുന്ന ആവൊനിയാക്ക് എന്റെ വയറിൽ കടിച്ചിരുന്നു.. വയറിൽ അതിന്റെ പല്ലുകൾ ആഴ്ന്നു ഇറങ്ങി…

വേദന കൊണ്ട് അലറി ഞാൻ അതിന്റെ കണ്ണിൽ കത്തി കുത്തി കയറ്റിയപ്പോൾ അതും കടി വിട്ടു..

അതോടെ ഞാൻ അതിനെയും കൊണ്ട് ഒന്ന് വട്ടം കറങ്ങി അതിനെ നിലത്തു അമർത്തി പിടിച്ചു അതിന്റെ കഴുത്തിലേക്കും കത്തി ആഞ്ഞു കുത്തി കയറ്റി ഒരു തിരി തിരിച്ചു..

വല്ലാത്തൊരു കരച്ചിലോടെ അത് നിശ്ചലം ആയി..

ചാകാതെ കിടന്നതിനെ ഞാൻ വീണ്ടും കുത്തി മരണം ഉറപ്പാക്കി.. ദേഹം മൊത്തം ചോര.. വേദന… ഞാൻ വീണ്ടും അതിന്റെ കഴുത്തിൽ ആഞ്ഞു കുത്തി..

ഞാൻ തളർന്നു പുറകോട്ട് വീണു…

കുറച്ചു നിമിഷം അങ്ങനെ കിടന്ന ശേഷം ഞാൻ മെല്ലെ എണീറ്റ് ഇരുന്നു.. കൈ വിരലുകൾ കല്ലിൽ വച്ച് ചതച്ച അവസ്ഥ.. ചോര വല്ലാതെ ഒഴുകുന്നു..

ഉടനെ കാറ്റ് പോലെ പാഞ്ഞു വന്ന വണ്ടിയിൽ നിന്നും രണ്ടു പെണ്ണുങ്ങൾ ചാടി ഇറങ്ങി…

അവർ കണ്ടത് ചത്ത് കിടക്കുന്ന രണ്ടു ആവൊനിയാക്കും ചോരയിൽ കുളിച്ചു നിലത്ത് ഇരിക്കുന്ന എന്നെയും ആണ്..

കിവെറ വേറെ ഒരു ഭാഗത്തു നിന്നും ഓടി എന്റെ അടുത്ത് വന്നപ്പോൾ ഞാൻ എണീറ്റ് ഇരുന്നു.

“റോഷൻ.. രണ്ടെണ്ണം വന്നപ്പോൾ എന്തുകൊണ്ട് നീ വിസിൽ ഊതിയില്ല?”

അവൾ ആശങ്കയോടെ എന്റെ ദേഹത്ത് പിടിച്ചു..

“ആഹ്….!”

ഞാൻ വേദനകൊണ്ട് പുളഞ്ഞുപോയി..