നിയോഗം 2 Dark World Part IX (മാലാഖയുടെ കാമുകൻ) 1513

ഞാൻ പറഞ്ഞു നിർത്തിയപ്പോൾ അവൾ എന്നെ നോക്കി.. ഇപ്പോൾ അവളുടെ കണ്ണിൽ നിന്നും വന്ന ജലം സങ്കടത്തിന്റെ അല്ലായിരുന്നു..

ഞാൻ അവളുടെ കണ്ണുകൾ തുടച്ചു.

“ശരി.. എനിക്ക് ഇപ്പോൾ മനസിലായി.. സോറി.. ഞാൻ നിന്നെ സഹായിക്കേണ്ടതിനു പകരം… ആം സോറി..”

അവൾ കുറ്റബോധത്തോടെ പറഞ്ഞു.. അവൾ അൽപ സമയം മാറി ഒരു കല്ലിൽ പോയി ഇരുന്ന ശേഷം എന്റെ അടുത്ത് വന്നു..

“സോറി.. റോഷൻ…”

“ഇനി പറ.. അവൾ പറഞ്ഞ സമയം എത്ര ആണ്?”

“നാട്ടിലെ ഇരുപതോളം മിനിറ്റ് ആയിരിക്കും റോഷൻ.
സൂര്യ വെളിച്ചം ഒരു പോയിന്റിൽ നിന്നും മറ്റൊരു പോയിന്റിൽ എത്തുന്ന സമയം..
അത്ര നേരം നീ അവളോട് തോൽവി സമ്മതിക്കാതെ നിൽക്കണം..”

അവൾ അത് പറഞ്ഞു എന്നെ ഒരു വലിയ ചതുരക്കള്ളി വരച്ചു അതിൽ നിർത്തി..

“ഇതായിരിക്കും സ്ഥലം… റോഷൻ.. അവളുടെ ലോക്കിൽ പെടാതെ നോക്കണം. അതിൽ നിന്നും ആരും ഇതുവരെ രക്ഷപെട്ടിട്ടില്ല.. അതിൽ നിന്നും രക്ഷപ്പെടുന്നത് എങ്ങനെ ആണെന്ന് പോലും ആർക്കും അറിയില്ല…”

ട്രിനിറ്റി പറഞ്ഞു എന്നെ നോക്കി..

“അതെങ്ങനെയാണ്?”

“കൈകൾ രണ്ടും പുറകോട്ട് പിടിച്ചു തലകീഴായി കിടന്നു കാലുകൾ കൊണ്ട് കഴുത്തിൽ ചുറ്റും..
നിങ്ങളുടെ നാട്ടിലെ ചോക്ക് ഹോൾഡിന്റെ വേറെ ഒരു രൂപം.. എന്നാൽ ഒന്നും ചെയ്യാൻ ആകില്ല..

കൂടാതെ അവളുടെ മൂവ്സ് ഒക്കെ വളരെ വേഗത്തിൽ ആയിരിക്കും.. അവൾ കയ്യിൽ പിടിക്കാതെ നോക്കണം.. “

അവൾ പറഞ്ഞു നിർത്തി.. ഞാൻ അവളെ സംശയത്തോടെ നോക്കി.

“റോഷൻ.. അവളുടെ കയ്യിൽ കുടുങ്ങാതെ നോക്കുക..
അവൾക്ക് ലോക്ക് ചെയ്യാൻ അനുവദിക്കാതെ ഇരിക്കുക.. ഇത് രണ്ടും ചെയ്യാൻ കഴിഞ്ഞാൽ നിനക്ക് അത്ര സമയം പിടിച്ചു നിൽക്കാൻ കഴിയും..

നിന്റെ സിരകളിൽ ഓടുന്നത് കൃതിരിൻ ശക്തി ആണ്.. അത് കൊണ്ട് തന്നെ ഇത് നിനക്ക് കഴിയും..”

അവൾ ആത്മവിശ്വാസത്തോടെ പറഞ്ഞു..

“മ്മ്മ്.. ഞാൻ എന്റെ കഴിവിൽ കൂടുതൽ നോക്കും.. ഇതെന്റെ അഭിമാനം അല്ല.. നിനക്ക് വേണ്ടി ആണ്…”

ഞാൻ അവളെ നോക്കി പറഞ്ഞു..

“പിന്നെ.. ട്രിനിറ്റി.. ഇതിൽ നിനക്ക് ഒരാളെ നഷ്ടപ്പെടും.. അതിൽ 99 ശതമാനം ഞാൻ തന്നെ ആയിരിക്കും.. അല്ലെങ്കിൽ അവൾ.. സൊ.. ഇതാണ് വിധി..

ഞാൻ മരിച്ചാലും നിനക്ക് അഭിമാനം ഉണ്ടാകും.. പിന്നെ എന്റെ അർച്ചന, മീനു മറ്റുള്ളവർ.. അവരെ ആപത്തിൽ പെടാതെ നീ നോക്കണം.. വാക്ക് താ..”

ഞാൻ കൈ നീട്ടിയപ്പോൾ അവൾ കൈ പിടിച്ചു..

“വാക്ക് തരുന്നു..”

അവൾ മെല്ലെ പറഞ്ഞു.

“യുദ്ധത്തിന് ഞാൻ തയാറാണ്.. “

ഞാൻ പറഞ്ഞത് കേട്ടപ്പോൾ അവൾ തല കുനിച്ചു.. അവളുടെ കണ്ണിൽ നിന്നും കണ്ണുനീർ ധാരധാര ആയി ഒഴുകി..

അവൾ എന്തോ ആലോചിച്ചു കണ്ണ് തുടച്ചു എന്നെ നോക്കി..