കൃഷ്ണപുരം ദേശം 6 [Nelson🔟] 1008

 

” രാമാ…….. നീ വരുന്നുണ്ടോ……..”

 

താഴെ നിന്നും മുത്തച്ചന്റെ അലർച്ച കേട്ടപ്പോഴാണ് അവരൊക്കെ കാത്തു നിൽക്കുന്ന കാര്യം രാമനൊർമ വന്നത്…….. ഭാമ അപ്പുവിനെ എടുത്ത് രാമന്റെ കൂടെ താഴോട്ട് നടന്നു…….. ഉമ്മറത്ത് മുറ്റത്തേയ്ക്ക് നോക്കി രാമന്റെ അമ്മയും സഹോദരിമാരും നിൽപ്പുണ്ടായിരുന്നു………

 

രാമനാഥൻ: ” അവരൊക്കെ എന്ത്യേ അമ്മേ…….”

 

ഭവാനിയമ്മ: ” നിന്നെ കാത്തിരുന്ന് മുഷിഞ്ഞ് അവരു പോയി……… നിന്നോട് ആവുമ്പോൾ വരാൻ പറഞ്ഞു……..”

 

അമ്മ പറഞ്ഞതും രാമൻ ഭാമയെ ഒന്നു നോക്കി……..

 

അപ്പു: ” അച്ചാ…….. അപ്പൂപ്പനൊക്കെ പോയി……..”

 

രാമനാഥൻ: ” അവരൊക്കെ പൊക്കോട്ടെ…….. മോനെ അച്ചൻ ബൈക്കിൽ ഉത്സവത്തിന് കൊണ്ടുപോവാട്ടോ……..”

 

അവിടെ നിന്നിരുന്നവർകൊക്കെ ഒരുമ്മയും കൊടുത്ത് അപ്പു അച്ചന്റെ കൂടെ ബൈക്കിൽ കേറി……….

******************************

 

അപ്പു: ” അച്ചാ…….. എനിക്ക് തോക്ക് വാങ്ങിച്ച് തരോ………”

 

രാമനാഥൻ: “തരാല്ലോ…….”

 

അപ്പു: “ബലൂണോ……..”

 

രാമനാഥൻ: “അതും വാങ്ങിച്ച് തരാം…..”

 

അപ്പു: “എന്നാ കൂറേ വേണം……..”

 

രാമനാഥൻ: “മോൻക്ക് അച്ചൻ എല്ലാം വാങ്ങിച്ചു തരാം…….. പക്ഷെ അവിടെ ഓടി കളിക്കാത്തെ എന്റെ കൂടെ തന്നെ നിൽക്കണം………”

 

അതിന് സമ്മതമറിയിച്ച് അപ്പു ബൈക്ക് യാത്ര ആസ്വാദിക്കൽ തുടർന്നു……..

***************************

 

രാമനാഥൻ: ” അച്ചൻ പറഞ്ഞപ്പോലെ അച്ചന്റെ കൂടെ തന്നെ നിൽക്കണംട്ടോ……..”

 

അമ്പലത്തിൽ പ്രവേശിച്ചപ്പോൾ രാമൻ മകനെ ഒന്നുകൂടി ഓർമിപ്പിച്ചു…….. ഉത്സവ പറമ്പിൽ നല്ല തിരക്കുണ്ട്…….. കുറച്ച് നടന്നപ്പോഴേക്കും അപ്പു അപ്പൂപ്പാ എന്നു വിളിച്ച് അച്ചന്റെ കൈ വിട്ട് ഓടി…….. അവൻ ഓടിയപ്പോൾ ആദ്യം രാമൻ ഒന്നു പകച്ചെങ്കിലും അവൻ ഓടിയ ദിശയിലേക്ക് നോക്കിയപ്പോൾ തന്റെ അച്ചച്ചനും പിന്നെ ഭാമയുടെ മുത്തച്ചനെയും കണ്ടു സമാധാനമായി…….. രാമനും അങ്ങോടെയ്ക്ക് നടന്നു……….