അപൂർവരാഗം 6( രാഗേന്ദു) 861

ഇത് ഇപ്പൊ എന്താ സംഭവം എന്ന് ചിന്തിച്ചു നിൽക്കുമ്പോൾ ആണ് ഒരു ഓഫീസർ എന്റെ മുൻപിൽ വന്ന് നിന്നത്.. ഒന്നും മനസ്സിലാവാതെ ഞാൻ അയാളുടെ മുഖത്തേക്ക് നോക്കി..

“ശിവദേവ്?!”..

‘അഹ് യെസ് ഞാൻ ആണ്..”

“നിങ്ങൾ അല്ലെ ഫസ്റ്റ് അമേരിക്കൻ കമ്പനിയിൽ എച് ആർ ഡിപാർട്മെന്റിലെ..”

“അതെ.. എന്താ കാര്യം.”

അയാൾ എന്നെ അടിമുടി നോക്കി..

“നിങ്ങളുടെ പേരിൽ ഒരു കംപ്ലെന്റ് ഉണ്ട്.. വന്ന് വണ്ടിയിൽ കയർ.. ”

അത് കേട്ടപ്പോൾ എന്റെ കണ്ണ് മിഴിഞ്ഞു പോയി.. ഒന്നും മനസ്സിലാവാതെ ഞാൻ അവരെ നോക്കി..

“ഞാൻ തെറ്റ് ഒന്നും ചെയ്‌തട്ടില്ല.. പിന്നെ ഞാൻ എന്തിന് വരണം.. നിങ്ങൾ പോകാൻ നോക്ക്..”

ധൈര്യം സംഭരിച്ചുഞാൻ പറഞ്ഞു..

“ഫിസിക്കൽ വയലൻസ് അഗൈൻസ്റ്റ്‌ വുമൻ..അറിയാല്ലോല്ലേ അതെന്താ എന്ന്..?”

അയാൾ ഒരു പുച്ഛം കലർന്ന ഭാവത്തിൽ എന്നെ നോക്കി..

” നിങ്ങടെ മേൽ ഉള്ള കേസ് അതാണ്.. മുകളിൽ നിന്ന് സ്ട്രിക്റ്റ് ഓർഡർ ഉണ്ട്. സോ കോപ്പറേറ്റ്.. അല്ലാതെ ഷോ കാണിക്കാൻ ആണ് ഉദ്ദേശം എങ്കിൽ തൂക്കി എടുത്ത് കൊണ്ടുപോകാൻ അറിയാം.അത് ഇയാൾക്ക് തന്ന നാണക്കേട്.. എന്ത് വേണം.?”

അത് കേട്ടപ്പോൾ ശരീരം ആകെ തളർന്നത്പോലെ..

“സർ ഞാൻ.. ഞാൻ ഒന്നും ചെയ്‌തട്ടില്ല..അവരെ എനിക്ക്..ഞാൻ മുൻപരിചയത്തിന്റെ പുറത്ത്.. പെട്ടെന്ന് കണ്ടപ്പോൾ..”