അപൂർവരാഗം 6( രാഗേന്ദു) 857

“എന്താണ് ഇണകുരുവികൾക്ക് ഇത്ര ആലോചന..”

ഞാൻ ഒരു ചിരിയോടെ ചോദിച്ചതും അവൾ എന്റെ അടുത്തേക്ക് വന്നു..

ഡാ നീ ഓക്കെ അല്ലെ..??

അവൾ എന്നോട് ചോദിച്ചപോൾ അവൾ എന്താ ചോദിക്കുന്നത് എന്ന് എനിക്ക് മനസ്സിലായത് കൊണ്ട് ഞാൻ തിരിച്ചൊരു പുഞ്ചിരി ആണ് കൊടുത്തത്.. വേറെ എന്ത് പറയാൻ ആണ്..

“ഡാ..എന്നാലും അവൾ.!!!”

“ജാനെറ്റ് എനിക്ക് ഒരു വിഷമവും ഇല്ല. ഞാൻ അതൊക്കെ പണ്ടേ വിട്ടതാണ്..ഒന്ന് ആലോചിച്ചാൽ എന്റെ എടുത്തു ചാട്ടം അല്ലേ അത്.. അത് ഇനി ഒരു അടഞ്ഞ അധ്യായം ആണ് ജാനെറ്റ്.. ഇനി അതെ കുറിച്ചൊരു സംസാരം വേണ്ട.. അല്ലെങ്കിൽ തന്നെ മനസമാധാനം പോയി..ഇതുപോലെ ഒരു നശിച്ച ദിവസം വേറെ ഉണ്ടായിട്ടില്ല.. ജോലിയും പോയി മാനവും പോയി.. ഛേ..!!!”

“ഡാ അവരെ നിനക്ക് മുമ്പ് പരിചയമുണ്ടോ??”

ജാനെറ്റ് ചോദിച്ചപ്പോൾ ഞാൻ നടന്നത് എല്ലാം പറഞ്ഞു.. അവളെ അക്‌സിഡന്റിൽ നിന്നും രക്ഷിച്ചത് മുതൽ അവൾ എന്നോട് ഇഷ്ടം പറഞ്ഞത് ഉല്പടെ.. ഒന്നും ഒളിച്ചില്ല..

എല്ലാം കേട്ട് അവൾ വായും പോളിച് നികുന്നുണ്ട്..

“ഡി.!!”

“ഏതോ സിനിമ കഥ കേട്ടപ്പോലെ ഉണ്ട്.”

അവൾ തല ഒന്ന് കുടഞ്ഞുകൊണ്ട് പറഞ്ഞു..

“മനസാക്ഷിയുടെ പുറത്ത് ചെയ്തതാണ് അതിനുള്ളത് എല്ലാം കൂടി നല്ലൊരു പണി ഇപ്പൊ കിട്ടി.. ”

“ഹമ്മ്.. ഞാൻ അതല്ല ആലോചിക്കുന്നത് നിനക്ക് വല്ല സ്ത്രീ ശാപം ഉണ്ടോ??.. “