അപൂർവരാഗം 6( രാഗേന്ദു) 857

ഡോറിന് പുറത്തു എത്തിയതും ഞാൻ അവരിൽ നിന്ന് ശക്തമായി കുതറി.. ആരെയും നോക്കാത്ത അവിടെ നിന്നും പുറത്തേക്ക് നടന്നു..പാർക്കിങ് ഏരിയയിൽ ചെന്ന് ബൈക്ക് എടുത്ത് വണ്ടി സ്റ്റാർട്ട് ചെയ്തു .. മുൻപോട്ട് പോകുംതോറും അവളുടെ വന്യമായ ചിരിയും കണ്ണുകളിലെ പകയും ആയിരുന്നു മനസ് നിറയെ..

വണ്ടി ചെന്ന് നിന്നത് ഓഫീസിന് അടുത്തുള്ള ഒരു പാർക്കിൽ ആണ്.. ഉച്ച സമയം ആരും തന്നെ ഉണ്ടായൊരുന്നില്ല.. മഴ ചാറ്റൽ..അവിടെ അടുത്തുള്ള ഒരു ബെഞ്ചിൽ ഞാൻ ഇരുന്നു.. വയ്യ ആകെ ഒരു മരവിപ്പാണ്..

അവളെ ആദ്യമായ് കണ്ട നിമിഷം എന്റെ മനസിലേക്ക് തെളിഞ്ഞു വന്നു.. അവളുടെ വാശികൾ.. നോട്ടം.. കുസൃതി.. എന്നെ മറക്കില്ല എന്ന് പറഞ്ഞവൾ..

എന്നിട്ട് ഇപ്പൊ.. എന്താ ഇന്ന് സംഭവിച്ചത്.. ഒത്തിരി സന്തോഷം തോന്നിയിരുന്നു അവളെ അവിടെ കണ്ടപ്പോ. എന്തോ നഷ്ടപ്പെട്ടത് തിരിച്ചു കിട്ടിയ പോലെ തോന്നി ഒരു നിമിഷം…പക്ഷെ..!!

അവസാനം കാബിനിൽ വച്ച് അവളുടെ മുഖഭാവം ഓർക്കെ എന്റെ ഉള്ള് ഒന്ന് വിറച്ചു.. ആ വന്യമായ് ചിരി.. അവളുടെ ..കണ്ണുകളിലെ ഭാവം.. എന്നെ തീർത്ത് കളയാൻ ഉള്ള ദേഷ്യം ഉണ്ടായിരുന്നു ആ കണ്ണുകളിൽ.. ഇതിനും വേണ്ടി ഞാൻ എന്ത് ചെയ്തു!!..അവൾക്ക് എന്താ പറ്റിയത്..?

ഓരോന്ന് ആലോചിച്ച് തല പെരുക്കും പോലെ..ഞാൻ തലയൊന്ന് കോടഞ്ഞു..

ആ ബെഞ്ചിലേക്ക് ചാഞ്ഞു.. ശ്വാസം ഒന്ന് ആഞ്ഞു വലിച്ച്.. കണ്ണുകൾ അടച്ചു..

ഇനി ആ ജോലിയിൽ തുടരാൻ സാധിക്കില്ല..സ്വപ്നമായിരുന്നു ആ കമ്പനിയിൽ ഒരു ജോലി.. അത് പോയി..ഇനി..ഇനി എന്താ!!.. ഒന്നും അറിയില്ല.. വീട്ടിൽ എന്ത് പറയും..