അപൂർവരാഗം 6( രാഗേന്ദു) 857

എന്തൊക്കെയാ പറയുന്നതെന്ന് എനിക്ക് തന്നെ ഒരു നിശ്ചയമില്ലായിരുന്നു..
വാക്കുകൾ കിട്ടാതെ ഞാൻ കുടുങ്ങി..

“ആ..എന്താണെങ്കിലും സ്റ്റേഷനിൽ ചെന്ന് വിശദമായി പറയാം..ഇപ്പോ വന്ന് വണ്ടിയിൽ കയറാൻ നോക്ക്..”

ഞാൻ ചുറ്റും നോക്കി ആളുകൾ ഓകെ അവരുടെ ഡോർ സൈഡിൽ നിന്നും എത്തി നോക്കുന്നു..ഇനിയും നിന്ന പ്രശ്നം വഷളാവും അത് ജനെറ്റിനെയും സെന്തിലിനെയും ആവും ബാധിക്കുക്ക..

ഞാൻ അവരുടെ ഒപ്പം നടന്നു.. വല്ലാത്ത അവസ്‌ഥ ആദ്യമായാണ് ഇതുപോലെ പോലീസ് കേസിൽ..അതും പെണ്ണ് കേസ്.. ആളുകൾ എന്തോ അടക്കം പറയുന്നു….ആരെയുടെയും മുഖത്ത് നോക്കാൻ എനിക്ക് ആയില്ല..

അവരുടെ വണ്ടിയിൽ കയറി സ്റ്റേഷൻ എത്തി.. എന്നെ ഒരു ബെഞ്ചിൽ ഇരുത്തി..

കുറച്ചു നേരം കഴിഞ്ഞതും ആരോ എന്റെ കോളറിൽ പിടിച്ചു പോക്കി മുഖത്തിനിട്ടു ഒറ്റ അടി.. ആ വശം മരവിച്ചു പൊയത് പോലെ തോന്നി എനിക്.. ഒരു നിമിഷം എന്താ സംഭവിച്ചത് എന്ന് മനസിലായില്ല..

“നി പെണ്ണുങ്ങളെ കയറി പിടിക്കും അല്ലെടാ..”

ഒരു ഓഫീസർ വന്ന് എന്റെ മുന്നിൽ നിന്ന് അലറി..

ഇവർ ഇത് എന്താ ഈ പറയുന്നത് എന്നായിരുന്നു എന്റെ മനസിൽ..

“സർ ഞാൻ..പറയുന്നത് ഒന്ന് കേൾക്.. ഞാൻ ഒന്നും ചെയ്‌തട്ടില്ല.. ആം ഇന്നോസെൻറ്റ്.. “