അപൂർവരാഗം 6( രാഗേന്ദു) 857

“ഞങ്ങളുടെ കയ്യിൽ എല്ലാം തെളിവുകളും ഉണ്ട് . സി സി ടി വി ഫൂട്ടേജിൽ കൃത്യമായ് എല്ലാം പതിഞ്ഞിട്ടുണ്ട്.. നി അവരെ പിടിച്ചു തള്ളുന്നതും.. ഉപദ്രവിക്കാൻ ശ്രമിക്കുന്നതും എല്ലാം.. ആരും നിന്നെ രക്ഷിക്കാൻ വരില്ല..അതിൽനുള്ളത് ഒക്കെ ഞാൻ ചെയ്തു വച്ചിട്ടുണ്ട്..

അയാൾ ഒരു പ്രിത്യേക ഭാവത്തിൽ പറഞ്ഞു..

“സർ ഞാൻ ഒരു തെറ്റും ചെയ്.. ”

അത് പറഞ്ഞതെ ഓർമ്മ ഉണ്ടായിരുന്നുള്ളു.കിട്ടി അടിവയറ്റിനിട്ട് നല്ല ഒരു ഇടി.. എന്തോ ഇരുമ്പ് വച്ച് ഇടിച്ചത് പോലെ..

“നിയൊന്നും ഇനി പുറംലോകം കാണില്ലട..”

എന്നും പറഞ്ഞയാൾ എന്നെ ലോക്കപ്പിൽ തള്ളി കയറ്റി തിരിഞ്ഞതും..

“സർ..ഫോണ്..”

ഒരു കോൻസ്റ്റബിൾ വന്ന് ആ ഓഫീസറോട് പറഞ്ഞു..

“ആരാണെകിലും ഞാൻ ഇപ്പൊ ബിസി ആണെന്ന് പറ..കുറെ നാൾ കൂടി ആണ് ഒരു ഇരയെ കിട്ടിയത്.. ഞാൻ ഒന്ന് മെയ്യട്ടെഡോ..”

അയാൾ വന്യ ഭാവത്തോടെ എന്നെ നോക്കി പറഞ്ഞു പതിയെ എന്റെ അടുത്തേക്ക് നടന്നു..

“സർ..”

“ഓ..താൻ ഇതുവരെ പോയില്ലേ..മുകളിൽ നിന്നുള്ള ഓർഡർ ഉണ്ട്.. ഇവനെ നല്ലോണം പെരുമാറിക്കൊള്ളാൻ.. വേണേൽ നിയും കൂടിക്കോ..”

അതും പറഞ്ഞയാൾ ചിരിച്ചു..

“സർ വന്ന് ഫോണ് അറ്റെന്റ്റ് ചെയ്യ്..ഇറ്സ് അർജെന്റ്റ്..”

അയാൾ അതും പറഞ്ഞ് അവിടുന്ന് പോയി..

“ഛേ..!!”

ഓഫീസർ എന്നെ ഒന്ന് നോക്കി അയാളുടെ പുറകെ നടന്നു..