അപൂർവരാഗം 6( രാഗേന്ദു) 861

അന്ന് ട്രിപ്പ് കഴിഞ്ഞ് ഇവരെ ഫ്ലാറ്റിൽ ആക്കി..അവൾ തിരിച്ചു എന്നെ ഫ്ലാറ്റിൽ ഡ്രോപ്പ് ചെയ്തു.. മഴ ശക്തി പ്രാപിച്ചപ്പോൾ അവളോട് മഴ കുറയുന്നത് വരെ ഇവിടെ നിന്നിട്ട് പോക്കാം എന്ന് ഞാൻ പറഞ്ഞു..

ഫ്ലാറ്റിൽ എത്തി ഡോർ തുറന്നതും.. അവൾ എന്നെ പുറകിൽ നിന്നും ഇറുകെ പുണർന്നു.. അസ്വാഭാവികമായി എനിക്ക് ഒന്നും തോന്നിയില്ല.. സാധാരണ അവൾ അങ്ങനെ ചെയ്യാറുണ്ട്.. പക്ഷെ എന്റെ പുറത്ത് ഒരു നനവ് അറിഞ്ഞപ്പോൾ ഞാൻ അവളെ വലിച്ച് മുൻപോട്ട് നിർത്തി..കണ്ണോകെ കലങ്ങി.. മുഖം ചുവന്ന്.. കാര്യം തിരക്കിയപ്പോൾ അവൾ എന്നെ ഇറുകെ പുണർന്നു.. പൊട്ടി കരഞ്ഞു..

അവളെ വലിച്ച് സോഫയിൽ ഇരുത്തി ഞാൻ കാര്യം ചോദിച്ചു. അപ്പോഴാണ് അവൾക്ക് എന്നെ ഇഷ്ടമാണ് എന്ന് പറഞ്ഞത് . വിറച്ചുപോയിരുന്നു ഞാൻ.. അവളെ പറഞ്ഞ് മനസിലാക്കിക്കാൻ ഞാൻ ആവുന്നതും ശ്രമിച്ചു.. പക്ഷേ അവൾ പിന്മാറാൻ തയ്യാർ ആയില്ല..ചത്തു പോകും എന്ന് പറഞ്ഞു.. വർഷം കുറെ ആയി മനസിൽ കൊണ്ട് നടക്കുകയാണെന്ന് പറഞ്ഞു..

മനസിൽ നിന്റെ മുഖം തെളിഞ്ഞു വന്നു.. എന്ത് ചെയ്യണം എന്ന് അറിയാതെ ഞാൻ കുടുങ്ങി..വല്ലാത്ത സ്ട്രെസ് തോന്നി എനിക്ക്.. കുടിച്ചു നല്ലത് പോലെ…ബോധം പോകുന്നത് വരെ.. ആ മെന്റൽ സ്ട്രെസ് എനിക്ക് താങ്ങാവുന്നതിലും അപ്പുറം ആയിരുന്നു ശിവ..

പക്ഷെ അവൾ എന്നെ പോലും ഞെട്ടിച്ച് എന്റെ മെത്തേക്ക് ചാഞ്ഞു.. ഇറുകെ പുണർന്നു..ചുംബിച്ചു..ഗാഢമായ്.. വന്യമായ്.. അവളെ തള്ളി മാറ്റാൻ നോക്കി.. പക്ഷെ.. ആ ഒരു നിമിഷത്തിൽ .. ആം സോറി ശിവ്.. പൊറുക്കാൻ പറ്റാത്ത തെറ്റ് ആണ്.. അറിയാം നിനക്ക് ഒരിക്കലും ക്ഷമിക്കാൻ ആവില്ലെന്ന്.. പക്ഷെ ഇത് പറഞ്ഞില്ലെങ്കിൽ ഞാൻ ചത്തു പോകും ശിവ്..ശപികരുതെടാ പ്ലീസ്.. ഇനി അവളും ഞാനും നിന്റെ കണ്ണ് വേട്ടത് വരില്ല.. വരാൻ യോഗ്യത ഇല്ല..