അപരാജിതന്‍ 32 [Harshan] 8656

ഒരു പുഞ്ചിരിയോടെ പറഞ്ഞു.

“അനുഭവിക്കില്ല ചേച്ചി ,, അനുഭവിക്കില്ല ”

കസ്തൂരി മനസിലാകാതെ ആദിയുടെ മുഖത്തേക്കു നോക്കി

“ഞാൻ ചേച്ചിക്ക് ആരാ ?” അവൻ ചോദിച്ചു

“എന്‍റെ കൂടപ്പിറപ്പ് ”

“എങ്കിൽ ഞാനൊരു കഥ പറഞ്ഞു തരട്ടെ ”

“പറഞ്ഞോളൂ :

“ഒരു പയ്യന്‍റെ കഥ പറഞ്ഞു തരാം ,, എന്നിട്ട് അഭിപ്രായം ചോദിക്കാം ”

“ശരി ,,അനിയന്‍ പറഞ്ഞോ ”

“ഒരു ചെറുപ്പക്കാരന്‍റെ കഥയാ ,, അവന് ‘അമ്മ മരിച്ചു പോയി , അച്ഛൻ എവിടെയെന്നറിയില്ല , അച്ഛന്‍റെ മേൽ ഒരു മോഷണം ആരോപിച്ചുകൊണ്ടു അവന് സ്വന്തമായതൊക്കെ എഴുതി വാങ്ങി , അതും കൂടാതെ അവന്‍റെ അച്ഛനോടുള്ള പക തീർക്കാൻ അവനെ അച്ഛ൯ ജോലി ചെയ്തിരുന്ന ആളുടെ വീട്ടിൽ ഒരു കാളയെ പോലെ ഒരു  അടിമയാക്കി നിർത്തി , അവനവിടെ മാടിനെ പോലെ പണിയെടുത്തു , അന്ന് ആ വീട്ടിലെ പെൺകുട്ടിയോട്  അവന് വല്ലാത്ത പ്രണയമായിരുന്നു , ആ കുട്ടിക്ക് വെറുപ്പു൦ ,, കള്ളന്‍റെ മകനല്ലേ ,, അങ്ങനെ  അഞ്ചുകൊല്ലം അവനവിടെ അടിമയായി ജോലി എടുത്തുകൊണ്ടിരുന്നു , ആ കുട്ടി അവനെ ഓരോരോ രീതിയിലും ദ്രോഹിച്ചു കൊണ്ടിരുന്നു , അപ്പോളും അവന്‍റെ ഉള്ളിൽ അവളോട്  പ്രണയമായിരുന്നു അവൾക്കു അവനോടു ദേഷ്യവും വെറുപ്പുമല്ലാതെ മറ്റൊന്നും ഉണ്ടായിരുന്നില്ല ,, അവൻ പ്രാണനെ പോലെ അവളെ സ്നേഹിച്ചു കൊണ്ടിരുന്നു ,, പക്ഷെ അവളാ പ്രണയം കണ്ടതുമില്ല  അവന്‍റെ മനസ്  മനസിലാക്കിയതുമില്ല ,, ”

അവനൊന്നു നിർത്തി

എന്നിട്ട് ശ്രദ്ധയോടെ തന്നെ കേൾക്കുന്ന കസ്തൂരിയോട് അവൻ ചോദിച്ചു

“ഇതിൽ ചേച്ചി ആരുടെ പക്ഷത്താണ് ”

കസ്തൂരി ആലോചന പോലുമില്ലാതെ പറഞ്ഞു

“ഞാനാ പെൺകുട്ടിയുടെ കൂടെ ”

“അതെന്താ ?”

“അവന് ആ പെൺകുട്ടിയെ ഇഷ്ടപെട്ടു എന്ന് കരുതി ആ പെൺകുട്ടി അവനെ ഇഷ്ടപെടേണ്ട ഒരു ആവശ്യവുമില്ല  ,, ഒരു അടിമയുടെ സ്നേഹത്തിനു വില കൊടുക്കേണ്ട കാര്യവുമില്ല ,, അവനെന്തു അർഹതയുണ്ട് അവിടത്തെ കുട്ടിയെ മോഹിക്കാൻ ”

“റൈറ്റ് ,,,,ചേച്ചി പറഞ്ഞത് തന്നെയാ ശരി ,,”ആദി തുടർന്നു.

“അല്പം നാൾ കഴിഞ്ഞപ്പോൾ അവന് അവരുടെ കമ്പനിയിൽ തന്നെ ദയവു തോന്നി ഒരു ജോലി കൊടുത്തു , ഇതിനിടയിൽ ആ കുട്ടിയെ ഒരു സംഘം ആളുകൾ തട്ടിക്കൊണ്ടു പോയി ഉപദ്രവിക്കാൻ നോക്കി , പക്ഷെ ആ കുട്ടിയുടെ ഭാഗ്യം കൊണ്ട് ആ ചെറുക്കൻ അവിടെയെത്തി , അക്രമികളിൽ നിന്നും അവളെ രക്ഷിച്ചു കൊണ്ടുപോയി ഹോസ്പിറ്റലിലാക്കി,, അതൊന്നും ആ കുട്ടിക്ക് അറിയില്ലായിരുന്നു , അവൻ മനസിൽ അവളെ തന്‍റെ  പ്രാണന്‍റെ പാതിയായി തന്നെ കൊണ്ട് നടന്നു , അത്രക്കും ഭ്രാന്തു പിടിച്ച പ്രണയം ,,പക്ഷെ അവളുടെയുള്ളിൽ അപ്പോളും അവനോടു ഒരു സ്നേഹവും ഉണ്ടായിരുന്നില്ല ,, പക്ഷേ അവർ തമ്മിൽ ഒരു സൗഹൃദം അപ്പോളേക്കും ആരംഭിച്ചിരുന്നു  ,, പക്ഷെ അവളുടേത് വെറുമൊരു അഭിനയം മാത്രമായിരുന്നു , ഇവിടെ ചേച്ചി ആരുടെ പക്ഷത്താ ”