അപരാജിതന്‍ 32 [Harshan] 8656

ചന്തയിലും കമ്മോർവാഡയിലും  അരുണേശ്വത്തെ പോലീസ് വന്നു അന്വേഷിച്ചിരുന്നുവെങ്കിലും ഒരു തെളിവുകളും കിട്ടിയതുമില്ല.

ജനപഥ ജില്ലയിൽ കൊലപാതകങ്ങളും ഗുണ്ടാസംഘങ്ങളും നിത്യകാഴ്ച ആയതു കൊണ്ട് തന്നെ ഇതും തെളിയിക്കപെടാത്ത കേസായി തന്നെ എഴുതിതള്ളേണ്ടി വരും എന്നതും വാസ്തവമാണ്.

തിമ്മയ്യനും മാവീരനുമെല്ലാം വിളറിപിടിച്ചു നടക്കുകയാണ്.

ഒന്നും രണ്ടും പേരെയല്ല  മുപ്പതോളം ആളുകളാണ് ഒരേയൊരു രാത്രിയിൽ കൊല്ലപ്പെട്ടിരിക്കുന്നത്.

അതും അത്രയേറെ മൃഗീയമായ രീതിയിൽ.

അതിനുമപ്പുറം കോടികളുടെ നഷ്ടം.

അവരിരുവരും ചന്ദ്രവല്ലി ചന്തയിൽ ആയിരുന്നു

അപ്പോളാണ് മാവീരന്‍റെ ഫോൺ റിങ് ചെയ്തത്.

മാരിയപ്പ ചെട്ടിയാരെ സഹായിക്കുവാൻ തിമ്മയ്യൻ പറഞ്ഞതിനാൽ മാവീരൻ ശിങ്കിടികളെ നൽകിയിരുന്നു.അതിൽ മർദ്ദനമേറ്റു ബോധം പോയ ആൾ ആശുപത്രിയിൽ വെച്ച് കൂട്ടിനു നിന്ന ആളോട് അവ്യക്തമായി സംസാരിച്ച കാര്യം പറയാൻ വിളിക്കപ്പെട്ട ഫോൺ ആയിരുന്നു.

അയാൾ പറഞ്ഞ കാര്യം കേട്ട്

ഒരു നടുക്കത്തോടെ മാവീരൻ നിന്നുപോയി.

തിമ്മയ്യൻ വിവരം തിരക്കി

മാവീരൻ തിമ്മയ്യനോട് പറഞ്ഞു

മുൻപ് ഒരു തീയറ്ററിൽ വെച്ച് മാവീരന്‍റെ ആളുകളെ കൈകാര്യം ചെയ്ത അതെ ആൾ തന്നെയാണ് തങ്ങളെ ആക്രമിച്ചതും മാരിയപ്പതേവരയൊക്കെ  കൊന്നതും എന്ന് ,

അതുപറഞ്ഞയാൾ അപ്പോൾ തന്നെ ബോധം കെടുകയും  ചെയ്തു.