അപരാജിതന്‍ 32 [Harshan] 8657

അവർ കൂട്ടമായി നടന്നു കൊണ്ട് ശിവശൈലത്തെത്തി

ആളുകൾ പലതും പറഞ്ഞു പല അഭിപ്രായങ്ങളും

സ്വാമി മുത്തശ്ശനും വൈദ്യർ മുത്തശ്സനും മറ്റുള്ളവരും  ഒന്നും ആ കാഴ്‌ച കണ്ട പകച്ചിലിൽ നിന്നും മോചിതരായിട്ടില്ല.

“എനിക്ക് വയ്യ മുത്തശ്ശ൯മാരെ ,,എന്നാലും ഇതൊരു ചെയ്ത്തായിപോയി ,, കൊന്നോ പക്ഷെ മര്യാദയോടെ കൊല്ലണം ,,എന്താ അവിടെ കണ്ടത് ,,ഇങ്ങനെയൊക്കെ മനുഷ്യരോട് ചെയ്യാൻ പാടുണ്ടോ , മൃഗങ്ങൾ പോലും ഇങ്ങനെ ചെയ്യില്ല ,, ഒരു സർക്കാർ ,,,,എന്റമ്മേ ,,,” ആദി ആകെ ഭയം അഭിനയിച്ചു.

“എടാ ശങ്കരാ ,, ”

“എന്താ അപ്പുവേട്ടാ ,,,”

“ഈ സർക്കാരിനെയാണോടാ നീ  തെങ്ങിന്‍റെ മുകളിലും കോണകപ്പുറത്ത് ബീഡി വലിക്കുന്നതും  കണ്ടത് , സര്‍ക്കാര്‍ ഇതൊന്നും  അറിയണ്ട ”

അത് കേട്ടപ്പോൾ ശങ്കരൻ ആകെ പേടിച്ചു

‘ഞാൻ ഒരു തമാശക്ക് പറഞ്ഞതാ അപ്പുവേട്ടാ ,,, സർക്കാർ എന്നെ വല്ലതും ചെയ്യോ അപ്പുവേട്ടാ ,,എനിക്ക് പേടിയാകാ, ചിലപ്പോ എനിക്കിങ്ങനെ ആവേശം വന്നുപോകും അപ്പുവെട്ടാ, അറിയാതെ പറഞ്ഞുപോയതാ  “ അവന്‍ ഭയന്ന് വിറച്ച് കൊണ്ട് പറഞ്ഞു.

“പേടിക്കണ്ട ,,എന്തായാലും ഈ സർക്കാർ എന്ന ജീവി , ശിവശൈലത്തെ ഒരാൾക്കും ദ്രോഹം ചെയ്യില്ല ,,”

“മുത്തശ്ശൻമാരെ ,,മരണം കണ്ടു വന്നതല്ലേ നന്നായി ഒന്ന് കുളിച്ചോ എല്ലാരും ,,ഞാനും പോയി കുളിക്കട്ടെ ,,ഇന്നിനി  എനിക്ക് ഭക്ഷണം ഇറങ്ങൂല്ല ,,, ”

ആദി നടന്നു വീട്ടിലേക്ക് പോയി

പിന്നിലൂടെ പോയി കുളിച്ചു കൊണ്ട് മുത്തശ്ശി നട്ട കൂവളചുവട്ടിൽ വന്നു കണ്ണുകള്‍ അടച്ചു നിന്നു.

“അനിയാ ,,,,,,,”

ആ വിളികേട്ട് ആദി തിരിഞ്ഞു നോക്കി

കസ്തൂരി , തന്‍റെ  കൂടപ്പിറപ്പ്

കസ്തൂരി ആകെ ഭയത്തിലായിരുന്നു.

“എന്താ ചേച്ചി ,,,,,?”

“എനിക്കൊന്നും മനസ്സിലാകുന്നില്ല അനിയാ ,,,, ഒരു സഹോദരിയായി എന്നെ കാണുന്നുവെങ്കിൽ എന്നോട് സത്യം പറയു ,, അനിയന് ഇതിൽ ,പങ്കുണ്ടോ , എന്തായാലും ഒറ്റയ്ക്ക് ഒരാളെ കൊണ്ടും ഇത് ചെയ്യാൻ സാധിക്കില്ല ,,എന്നോടെങ്കിലും ഒന്ന് പറ അനിയാ ,,,,,”അവൾ കൈകൾ കൂപ്പി കേണു

തന്‍റെ  മുന്നിൽ തൊഴുകൈകളോട് കൂടെ നിന്ന് അപേക്ഷിക്കുന്നത് തന്‍റെ  ചോരയാണ് .

അവനൊന്നു ചിരിച്ചു