അപരാജിതന്‍ 32 [Harshan] 8659

കാണാൻ ധൈര്യമുള്ളവർ പോയി കണ്ടു വരുന്നുമുണ്ട്
ആദിയും മുത്തശ്ശന്മാരും ആദ്യം നടന്നു, അവര്‍ക്ക് പുറകെ മറ്റുള്ളവരും
ആ മൃഗീയമായ കാഴ്‌ച കണ്ടു വൈദ്യർ മുത്തശ്ശനും സ്വാമി മുത്തശ്ശനും തലയ്ക്ക് കൈ കൊടുത്തു മണ്ണിലിരുന്നുപോയി.
പലരും കണ്ട മാത്രയിൽ പേടിച്ചു പിന്നിലേക്ക് ഓടി.

ചിലര്‍ ഓക്കാനിക്കാന്‍ തുടങ്ങി.

ഒരു വശത്തു തലയിലാത്ത നഗ്നമായ  മനുഷ്യശരീരങ്ങൾ കമ്പിയിൽ കുത്തി നിർത്തിയിരിക്കുന്നു.
കഴുത്തിനു മുകളിലൂടെ കമ്പി പൊങ്ങി നിൽക്കുന്നു.
അപ്പുറത്തു കൂവള മരത്തിൽ കൈകാലുകൾ ഛേദിക്കപ്പെട്ട ശിരസോട് കൂടിയ ഉടലുകൾ കെട്ടിത്തൂക്കി നിർത്തിയിരിക്കുന്നു.

ചിലര്‍ വയര്‍ കീറി അവയങ്ങള്‍ പറിഞ്ഞു കിടക്കുന്നു.
കൈകാലുകൾ പലയിടങ്ങളിലായി ചിതറികിടക്കുന്നു.
എങ്ങും ചോരയും മനുഷ്യമാംസവും.

പട്ടികളും കാക്കകളും ഇറച്ചി കടിച്ചു പോകുന്നു.

വീശുന്ന ഇളംകാറ്റിന് പഴകാന്‍ തുടങ്ങുന്ന രക്തത്തിന്റെയും മാംസത്തിന്റെയും മടുപ്പികുന്ന ഗന്ധം.

കാട്ടിലെ വലിയ ഈച്ചകൾ ആ ശവശരീരങ്ങളെ പൊതിഞ്ഞുകൊണ്ടു ചുറ്റും പാറുന്നു.

കസ്തൂരിയും അതു കാണാനായി വന്നുവെങ്കിലും കമ്പിയിൽ കൊരുത്ത തലയില്ലാത്ത ശരീരങ്ങൾ കണ്ടപ്പോൾ തന്നെ വിറയലോടെ ആദിയെ പിടിച്ചു

എല്ലാവരും വേഗം തന്നെ താഴേക്കിറങ്ങി.

അപ്പോളാണ് ഒരു ജീപ്പിൽ ഡോഗ് സ്‌ക്വഡ് വന്നത്.

അതുകണ്ടപ്പോൾ അവനൊന്നു ശങ്കിച്ചു.

പക്ഷെ നായ്ക്കൾ വന്നു അവിടെ മൊത്തം മണ൦ പിടിച്ച് പൊളിഞ്ഞ വൃഷഭേശ്വര കോവിലിനുള്ളിലേക്ക് കയറി.

പാതി തകർത്തു കളഞ്ഞ ശിവലിംഗത്തിൽ മണം പിടിച്ചു നിന്നു കുരച്ചു കൊണ്ടിരുന്നു.

കൊലയാളി ആരെന്നു പോലും ഒരു തുമ്പുമില്ല

വിരൽ ചൂണ്ടുന്നത് ക്ഷേത്രത്തിലെ പാതി തകർത്ത ശിവലിംഗത്തിലേക്ക്

പൊലീസിന് പോലും എന്ത് റിപ്പോർട്ട് എഴുതണമെന്നു സംശയമായി.

തലേദിവസം മഴകൂടെ പെയ്‌തെതിനാൽ കണ്ടുപിടിക്കാവുന്ന ഒരു തെളിവും കിട്ടിയതുമില്ല.

ഗ്രാമവാസികൾ ആ മൃഗീയമായ കാഴ്ച കണ്ടു വിറയലോടെ തിരികെ ഗ്രാമത്തിലേക്ക് നടന്നു.

ഇന്നവർക്കു ഭക്ഷണം പോലും കഴിക്കാനാകില്ല

രാവിലെ കണ്ട ഉടലില്ലാത്ത ശിരസുകൾ

ഇപ്പോൾ കണ്ട ഹീനമായ കൊലപാതകം ചെയ്ത മൃതദേഹങ്ങള്‍