അപരാജിതന്‍ 32 [Harshan] 8682

തിമ്മയ്യൻ ആകെ ഒരു വേവലാതിയിൽ തന്‍റെ  കൂട്ടാളികളെ നോക്കി.

“അണ്ണാ ,,,,,ജാഗ്രതയാ ഇരിക്കണോ൦ ,,,”

ഉള്ളിൽ നിറഞ്ഞ ഭയത്തോടെ മാവീരനും പറഞ്ഞു.

നിഷ്ടൂരമായ കൊലപാതകം കണ്ടപ്പോൾ ആണ് ഇതുവരെ ആരെയും ഭയക്കാത്ത അവർക്കു പോലും ചങ്കിടിപ്പ് വർദ്ധിച്ചത്.എതിരെ നിൽക്കുന്നവൻ ചില്ലറക്കാരനല്ല , രാക്ഷസൻ തന്നെയാണ് എന്നവർക്ക് ബോധ്യം വന്നിരുന്നു.

അപ്പോളാണ് എസ് ഐ  ഗുണശേഖരൻ അവിടേക്ക് വന്നത്.

അയാളെ കണ്ടു തിമ്മയ്യൻ എന്തെങ്കിലും വിവരം ലഭിച്ചോ എന്ന് ചോദിച്ചു

ഒപ്പം മാവീരന് ഫോൺ വഴി കിട്ടിയ വിവരവും പറഞ്ഞു.

“ഒരു മുടിനാരിഴ പോലും കിട്ടിയിട്ടില്ല തെളിവായി. പോലീസ് നായ പോലും മണം പിടിച്ചു ആ പൊട്ടിപൊളിഞ്ഞ ശിവലിംഗത്തിന്‍റെ അടുത്താണ് ചെന്ന് നിന്നിരിക്കുന്നത്”

അയാൾ തൊപ്പി ഊരികൊണ്ടു പറഞ്ഞു

“എന്‍റെ സർവീസിൽ ഇങ്ങനെ ഒരു കൊലപാതകം ഞാൻ കണ്ടിട്ടില്ല ,, ഒരു തുള്ളി വെള്ളം കുടിച്ചിട്ടില്ല ,ഹോ ,,ആസനത്തിൽ കമ്പിപ്പാര കേറുന്ന കാര്യം ഓർത്തിട്ടു തന്നെ വിറയ്ക്കാ ,, “അതുപറയുമ്പോൾ ഗുണശേഖരന്‍റെ കണ്ണുകളിലും ഭയം നിഴലിച്ചിരുന്നു.

“എന്നാലൂം ഇത് ആരായിരിക്കും ” തലയിൽ തടവി ഗുണശേഖരൻ സ്വയം ചോദിച്ചു

“മഹാശയൻ സ്വാമിയും സ്ഥലത്തില്ല ,,എന്തോ പൂജക്കായി പോയിരിക്കുകയല്ലേ ഇനി കൊട്ടാരവുമായുള്ള മത്സരത്തിന്‍റെ അന്ന്  മാത്രമേ അവർ പുറത്തേക്ക് വരൂ ,,”

ഗുണശേഖര൯ കൂട്ടി ചേർത്തു.

“ഇവളോ പേരെ ഇന്ത മാതിരി കൊല സെയ്യരുത് യാര്, അവന്‍ എങ്കിട്ടെ ഫോണില്‍ സര്ക്കാര്‍ അപ്പടി ചൊല്ലിയാച്ച്  ”  തിമ്മയ്യ പറഞ്ഞു

“അതാ എനിക്കും മനസിലാകാത്തത് , ഏത് സര്‍ക്കാര്‍ ,, ശിവശൈലത്തു കയറിയവരൊക്കെ കൊല്ലപ്പെട്ടു , അതുപോലെ മാരിയപ്പ തേവർ പിടിച്ചു കൊണ്ടുപോയ സകല പിള്ളേരെയും രക്ഷിച്ചു ,, എന്തായാലും ശിവശൈലത്തെ ആർക്കും അതിനു ധൈര്യമുണ്ടാവില്ല , എന്നാലും ആരാ ഈ സര്‍ക്കാര്‍ ,,, ഇനി പുറമെ നിന്നുമാരെങ്കിലും ,, ആ ഞാൻ അന്വേഷിക്കട്ടെ ,,”

തൊപ്പി തലയിൽ വെച്ച് ഗുണശേഖരൻ തിരിഞ്ഞു നടന്നു.

തിമ്മയ്യന്‍റെ കങ്കാണിയായ ഇദയക്കനി പേടിച്ചു വിറച്ചു കൊണ്ട് അങ്ങോട്ടേക്ക് വന്നു.

അയാൾ കഴിഞ്ഞ ദിവസം വൈകീട്ട് അവിടെ ഉണ്ടായിരുന്നില്ല

അതുകൊണ്ടു മാത്രം രക്ഷപെട്ടതാണ്

അയാൾ ഒരു മൂലയിൽ കുത്തിയിരുന്നു.