Wonder 7 [Nikila] 2419

“അവന്റെയൊരു പറി😡”

 

ഞാനവന്റെ ഫോൺ തട്ടിപ്പറിച്ചു വാങ്ങിച്ചു. ഫോൺ കയ്യിൽ നിന്നു പോയതും ഞെട്ടിത്തരിച്ച മിഖി എന്നെയും അവന്റെ ഫോണും മാറി മാറി നോക്കി. അപ്പോഴാണ് ഞാനിവിടെ വന്ന കാര്യം അവനും ശ്രദ്ധിക്കുന്നേ. ആ കൂട്ടത്തിൽ റോയിയും ബഹളമൊക്കെ കേട്ട് ശ്രദ്ധ ഇങ്ങോട്ടു വിട്ടു.

 

“ച്ഛെ !”

 

മിഖി ദേഷ്യവും നിരാശയും കലർന്ന ഭാവത്തോടെ എന്നെ നോക്കി.

 

“ഇതെന്തു പണിയാ ജോ ഇപ്പോ കാണിച്ചേ. എന്റെ ആയിരം രൂപയാ ഇപ്പോ പോയേ😪”

 

“ടാ, വെറുതെ അനാവശ്യം പറയരുത്. ഞാനാണോടാ പൈസ കളഞ്ഞേ😡”

 

“എന്റമ്മോ 🤦‍♂️, അതല്ല. ഞാനിപ്പോ ഫോണില് ബെറ്റ് വച്ചു ഗെയിം കളിച്ചോണ്ടിരിക്കയിരുന്നു. അതിനിടയ്ക്കാ ജോ വന്നു ശല്യപ്പെടുത്തിയേ. എന്തായാലും ആയിരം രൂപാ ഗുദാ ഹുവാ”

 

“ആഹാ, അപ്പൊ നിന്റെ കാശ് പോയല്ലേ🤗” റോയ് 

 

മിഖി റോയിയെ രൂക്ഷ്മയോന്ന് നോക്കി.

 

“അതൊക്കെ പോട്ടെ, നീയെന്നെ…..”ഞാൻ.

 

“എന്ത് ? പോട്ടെന്നോ. അപ്പൊ എന്റെ കാശ് പോയതില് നിങ്ങൾക്കൊന്നും ഒരു പ്രശ്നവുമില്ലാലേ 😭”

 

“മ്…. മൈ….😡, എടാ മൈഡിയർ മിഖീ, നിന്റെ പൈസ ഞാൻ തന്നാ പോരേ. നീ നേരത്തെയെന്നെ ഫോൺ വിളിച്ചു വരുത്തിയത് നിന്റെയീ ഗെയിം കളി കാണിച്ചു തരാനാണോടാ.

 

“ഓ, അതോ 😴, അത് ഞാൻ ജോയെ കാണാത്തതോണ്ട് ചുമ്മാ വിളിച്ചതല്ലേ. ഞങ്ങളിവിടെ ഒരു പണിയുമില്ലാതെ ചുമ്മാ കുത്തിയിരിക്കുന്നപ്പോ ഒരു കമ്പനിക്ക് വേണ്ടി….. 😗”

 

മിക്കവാറും ഇവനെ ഞാനടിക്കും😡

 

“അല്ലാ, ജോയെന്താ നേരത്തെ എന്നോട് പറഞ്ഞേ  ? ഞാൻ ശ്രദ്ധിച്ചില്ലാട്ടോ 😁”

 

“ടാ, എനിക്കൊരു പണി കിട്ടീന്ന്”

 

“ബലേ ഭേഷ് 👏, ഒരു പണിയുമില്ലാന്ന് ഇപ്പൊ പറഞ്ഞതേയുള്ളൂ. അപ്പോഴേയ്ക്കും നീ പുതിയൊരു പണിയുമായി വന്നോടാ😃” റോയ്.

 

മിഖി ഇതൊക്കെ കേട്ട് ഒതുക്കത്തിൽ ചിരിക്കുന്നുണ്ട്. ഞാനാണെങ്കിൽ ചിരിക്കണോ കരയാനോ വയ്യാത്ത സ്ഥിതിയിലും .

 

“ജോ, എന്തു പണിയാ കിട്ടിയേ ?” മിഖി.

 

എനിക്കത് പറയാൻ ബുദ്ധിമുട്ട് തോന്നി.

 

“ജോ, എന്താ കാര്യമെന്ന് പറ”

 

ദൈവമേ, എങ്ങനെ ഇവരോടിത് പറയും പറഞ്ഞാൽ എന്റെ പേടി കണ്ട് ഇവര് പൊട്ടിച്ചിരിക്കും. എന്തായാലും പറഞ്ഞേക്കാം. ഇവര് ചിരിക്കണമെങ്കിൽ ചിരിക്കട്ടെ 😌.

 

“കാര്യമെന്താണെന്ന് പറയെടാ പുല്ലേ!” റോയ്.

 

“ആ ജൂവലേന്നോട് ഐ ലവ് യൂ പറഞ്ഞു”

 

ഒറ്റ ശ്വാസത്തില് ഞാനതു പറഞ്ഞു രണ്ടു പേരുടെയും മുഖത്തേക്ക് മാറി മാറി നോക്കി. എന്താണ് ഇവരുടെ എക്സ്പ്രഷൻ എന്നറിയാൻ വേണ്ടി. എന്നാൽ ഈ രണ്ടു പേരും ഒരു കുലുക്കവുമില്ലാതെ നിർവികാര ജീവികളായി നിൽക്കുന്നു. നിൽക്കുന്നു എന്നു പറഞ്ഞാൽ രണ്ടും ബെഡിൽ തന്നെയിരുന്നു എന്നെ നോക്കുന്നു. ഇതെന്ത് മറിമായം😳. 

 

“മിഖി”

 

“ഉം”