Wonder 7 [Nikila] 2417

“ആരാടാ ആള്, ഇനി നിന്റെ മാമാ പണി ചെയ്യുന്ന അമ്മാവൻ തെണ്ടിയാണോടാ 😏?” ഞാൻ

 

“അയ്യേ, അതല്ല. നീ ക്യൂപ്പിട് എന്ന് കേട്ടിട്ടുണ്ടോ ?” റോയ്.

 

“ഇല്ല, കുമ്പിടീന്ന് കേട്ടിട്ടുണ്ട് 🤣” മിഖി.

 

മക്കളേ, മിഖി ഉഷാറായി. ഇനി കളികൾ വേറെ ലെവൽ💥.

 

“ഡേയ്, നീ പുച്ഛിക്കല്ലേ. ക്യൂപ്പിട് ആളൊരു ഗ്രീക്ക് ദൈവമാ. പ്രേമം പരത്തുന്ന ഒരു ദൈവമാ അത്” റോയ്.

 

“ഇതിലും നല്ലത് നിന്റെ അമ്മാവൻ തന്നെയായിരുന്നു 😏” ഞാൻ.

 

ഇപ്പോ ഞാനും ഉഷാറായി💥.

 

“ജോ, ഈ ക്യൂപ്പിട് ആളൊരു ഗ്രീക്ക് ദൈവമാ. പക്ഷെ തമിഴ് നാട്ടിൽ പുള്ളിക്കിട്ടിരിക്കുന്ന പേര് മന്മദൻ എന്നാ” മിഖി.

 

“അതങ്ങനെയല്ലേ വരൂ മിഖി. സ്‌പൈഡർമാനെ ചിലന്തിമാപ്പിളൈ എന്നു വിളിച്ച ടീംസാ അവര്” ഞാൻ.

 

“അതു മാത്രമാണോ. റോബോട്ടിന് എന്തിരൻ, മൊബൈൽ ഫോണിന് കൈപേശി അങ്ങനെ എന്തൊക്കെ വറൈറ്റി പേരുകളാ അവിടെയുള്ളേ🤣” മിഖി

 

“ഡേയ്, ഡേയ്. മിഖി ആൻഡ് ജോ, നിങ്ങള് വിഷയത്തീന്ന് തെന്നി മാറുന്നു. ഞാനിതൊന്ന് മുഴുവനാക്കിക്കോട്ടെ 😪.” റോയ്.

 

“ശരി, ശരി. യു കണ്ടിന്യൂ”

 

“ഈ ക്യൂപ്പിഡ് ദേവന്റെ അടുത്ത് പ്രത്യകതരം അമ്പുകളുണ്ട്. ആ അമ്പ് ആരുടെയെങ്കിലും നെഞ്ചത്ത് കൊണ്ടാൽ പിന്നീടവർക്ക് ഉറപ്പായും പ്രേമം തോന്നും. നിന്നെയൊക്കെ പ്രേമിപ്പിക്കാൻ ചിലപ്പോ ആ ക്യൂപ്പിഡ് തന്നെ നേരിട്ടു വരും”

 

റോയുടെ ഈ പറിച്ചില് കേട്ട് എനിക്ക് ചിരി വന്നു.

 

“ഈ ക്യൂപ്പിടൊക്കെ നേരിട്ട് വന്ന് മുഖം കാണിക്കാനായിട്ട് ഞാനെന്താടാ വല്ല വി ഐ പ്പി വല്ലതുമാണോടാ😏”

 

“ഉവ്വേയ്….. പുള്ളി ഇനി ചിലപ്പോ ജോയെ കാണാൻ വരുന്നത് R I P പെട്ടീല് ആക്കാൻ വേണ്ടിയായിരിക്കും🤣” മിഖി

 

റോയ് മിഖിയെ കലിപ്പിട്ട് നോക്കി.

 

“റോയ് ചേട്ടൻ എന്നെ നോക്കി പേടിപ്പിച്ചിട്ട് ഒരു കാര്യവുമില്ല. ഈ ക്യൂപ്പിഡ് ആളൊരു ഒന്നൊന്നര സൈക്കോയാ. ഒരു കാതൽ സൈക്കോ. ആദ്യം മനുഷ്യർക്ക് റൊമാൻസ് എന്ന ഫീലിംഗ് കൊടുക്കും. എന്നിട്ട് അവര് ഈ റൊമാൻസ് എന്ന ഫീലിംഗ്സുമായി വല്ലാണ്ട് അറ്റാച്ച്ട് ആവുന്ന അവസ്ഥയിലോട്ട് വരുമ്പോ അവർക്ക് ലവ് ഫെയിലിയറും കൂടി കേറ്റി വിട്ടിട്ട് അവരുടെ ജീവിതം തന്നെ കുട്ടിച്ചോറാക്കും. അതാണ് പുള്ളിയുടെ മെയിൻ ഹോബ്ബി😜” മിഖി.

 

മിഖി പറയണത് കേട്ട് എനിക്കല്പം ക്യൂരിയോസിറ്റി കൂടി. കാര്യം ഇവന്റെ വയസ്സ് പന്ത്രണ്ടാണെന്ന് പറയുമെങ്കിലും ഇവന്റെ നാവ് എം എ ക്കാണ് പഠിക്കുന്നത്. എന്തു കാര്യങ്ങളെയും വളച്ചൊടിക്കാൻ ഇവനെക്കഴിഞ്ഞേ വേറാരുമുള്ളൂ.

 

“ഡേയ് നീയാവശ്യമില്ലാത്തത് പറയല്ലേ 😐” റോയ്.

 

“ഞാൻ ഉള്ള കാര്യമാ പറഞ്ഞേ റോയ് ചേട്ടാ. ഈ ലോകത്ത് വിജയിച്ച പ്രേമങ്ങളേക്കാൾ കൂടുതലുള്ളത് പരാജയപ്പെട്ട പ്രേമങ്ങളാണ്. അങ്ങനെ വച്ചു നോക്കിയാൽ ഈ പ്രേമമുണ്ടാക്കിയ ആള് തന്നെ ഒരു സൈക്കോയാണ്” മിഖി.

 

“ആഹാ, അപ്പോഴും വിജയിച്ച പ്രേമങ്ങളുമുണ്ടല്ലോ. അപ്പൊ ഈ ക്യൂപ്പിട് കുഴപ്പക്കാരനാവോ ?” റോയ്.

 

“അതിന് ഈ ലോകത്തു ദൈവമായിട്ട് പുള്ളിക്കാരൻ മാത്രമല്ലല്ലോ ഉള്ളത്. വേറെയും ഒരുപാടെണ്ണമില്ലേ. ആ കൂട്ടത്തിലാരെങ്കിലും ഇടപെടുന്നതുക്കൊണ്ടാകും ഈ കേസൊക്കെ കുഴപ്പമില്ലാതെ പോകുന്നത്” ഞാൻ.

 

റോയിയുടെ മുഖഭാവം ചെറുതായിട്ടൊന്ന് മാറി. തുടക്കത്തിലേ റൺ ഔട്ട്‌ ആയി പോയവന്റെ ഒരു നിരാശയായിരുന്നു അപ്പോഴവന്.