Wonder 7 [Nikila] 2419

“അതു പറഞ്ഞല്ലോ, ഇഷ്ടമല്ലാന്ന്”

 

“എന്തുക്കൊണ്ട് ഇഷ്ടമല്ല ? അതും കൂടി പറഞ്ഞിട്ട് പോയാ മതി”

 

സഹനത്തിന്റെ മധ്യസ്ഥയായ അൽഫോൻസാമ്മേ🤧. ഇവൾക്ക് എന്നെ വിടാൻ ഉദ്ദേശമില്ലാന്നാ തോന്നുന്നേ. ഇവൾക്ക് നിന്ന നിൽപ്പില് തന്നെ പെട്ടന്ന് പീരിയഡ് ആയിരുന്നെങ്കിലെന്ന് ആഗ്രഹിച്ചു പോവുകയാണ്. ജൂവൽ എന്നെ വല്ലാത്ത വികാരത്തോടെ നോക്കി നിൽക്കാണ്. എനിക്കാണെങ്കിൽ വികാരമങ്ങനെ കൂടിക്കൊണ്ടിരിക്കാണ്😟. മിക്കവാറും ആ വികാരം പൊട്ടിയൊഴുകാൻ ചാൻസുണ്ട്.

 

“എനിക്കു പോണം”.

 

എന്നു പറഞ്ഞു ഞാൻ എന്റെ കയ്യിലുള്ള അവളുടെ പിടി വിടീക്കാൻ നോക്കി. അവളാണെങ്കിൽ അപ്പോഴും എന്നെ വിടാൻ ഉദ്ദേശമില്ലാത്തപോലെ വീണ്ടും എന്റെ കയ്യിലെ പിടുത്തം മുറുക്കി. അവളുടെ കണ്ണൊക്കെ ചെറുതായി കലങ്ങിയിട്ടുണ്ട്.

 

“എനിക്കറിയാം, ജോ എന്നെയിഷ്‌ടമല്ലാന്ന് വെറുതെ പറയുന്നതാ. സത്യത്തിൽ ജോ ക്ക് എന്നെ ശരിക്കും ഇഷ്ടാ. അതെനിക്ക് നന്നായി അറിയാം. എന്നെയിങ്ങനെ പറ്റിക്കല്ലേ ജോ”

 

അതു പറയുമ്പോൾ ജൂവലിന്റെ കണ്ണ് നിറഞ്ഞു കവിയുകയായിരുന്നു. എനിക്കാണെങ്കിൽ വേറെ സ്ഥലത്ത് നിറഞ്ഞു കവിയാറായി. ശരിക്കും കലി കേറി നിൽക്കുന്ന അവസ്ഥയിലായിരുന്നു ഞാൻ. മുള്ളാൻ മുട്ടിയിട്ട് ടോയ്‌ലെറ്റിൽ പോവാൻ നിൽക്കുന്ന നേരത്താണ് അവളുടെ വക വഴി തടഞ്ഞിട്ടുള്ള കോപ്പിലെയൊരു സെന്റിയടി😡.

 

“ജോ, ഇങ്ങനെ ഒന്നും മിണ്ടാണ്ട് നിൽക്കല്ലേ. ജോയുടെ ഉള്ളിലുള്ള ഫീലിംഗ്സൊക്കെ ഒന്ന് പുറത്തു കാണിക്ക്, പ്ലീസ്”

 

അതും പറഞ്ഞ് ജൂവൽ ഏങ്ങലടിക്കാൻ തുടങ്ങി, എനിക്കിപ്പോൾ ഇവളെയോട് ചെവിയുടെ ഡയഫ്രം അടിച്ചു പോവുന്ന രീതിയില് തെറി പറയാനാൻ തോന്നി😮‍💨. ഇപ്പോഴത്തെ എന്റെ ഫീലിംഗ്സ് അറിയണങ്കിൽ ടോയ്ലറ്റിലോട്ട് വാടീ എന്നൊരു ഡയലോഗടിക്കാനാ ആ നേരത്ത് എന്റെ മൈൻഡില് വന്നത്. പക്ഷെ അങ്ങനെ പറഞ്ഞാ അവളത് വേറെയേതെങ്കിലും സെൻസിലെടുത്താലോന്ന് സംശയമുള്ളതുക്കൊണ്ട് ഒന്നും മിണ്ടിയില്ല🤫. അവളപ്പോഴും സെന്റിയടിച്ചു മെഴുകുകയായിരുന്നു.

 

കവിളിലൂടെ ഒലിച്ചിറങ്ങി കണ്ണീരൊക്കെ തുടച്ചു മാറ്റി മൂക്കൊക്കെ പിഴുതിട്ട് പിന്നെയും എന്നോട് ഇടറിയ ശബ്ദത്തോടെയവള് സംസാരിച്ചു.

 

“ന്നെ ഇഷ്ടല്ലാല്ലേ”

 

ജോ… നിക്ക് ജോ യെ ഇഷ്ടാവാനുള്ള കാരണറിയോ ? “

 

യ്യേ 😧, ഇവളുടെ സംസാരിക്കുന്ന സ്ലാങ്ങും മാറിപ്പോയോ.

 

അവള് അടുത്ത ഡയലോഗ് പറയുന്നതിനു മുൻപ് പോക്കെറ്റിലിരുന്ന എന്റെ ഫോൺ റിങ് ചെയ്തു.

 

♪രതിലയം.. രതിലയം

ലയനസംഗീത താളം .. താളം

സിരകൾതോറും.. ആഹാ

പടരും ലഹരി.. ആഹാ

മൃദുലരാഗാർദ്ര ഭാവസംഗമ സായൂജ്യം

രതിലയം.. രതിലയം♪

 

 

അത്രയും നേരം ഒരു പൊട്ടിക്കരച്ചിലിന് തയ്യാറെടുത്ത ജൂവലിന്റെ ആ സെന്റിമെന്റൽ ഫ്ലോ പെട്ടന്നങ്ങ്‌ ഇല്ലാതായി. ഏങ്ങലടിയൊക്കെ നിർത്തി ഒരു കണ്ണും തുറിപ്പിച്ചു എന്റെ പോക്കറ്റിലുള്ള ഫോണിലേക്കവള് നോക്കി. മിക്കവാറും അവൾക്കിനി ചിരിക്കണോ കരയണോ എന്ന കൺഫ്യൂഷൻ തോന്നിക്കാണണം. അങ്ങനെത്തെ റിങ്ടോണല്ലേ ഫോണില് കേട്ടത്😐. പിന്നെയെന്നെ വല്ലാത്തൊരു നോട്ടവും. ‘തോൽപ്പിച്ചു കളഞ്ഞല്ലേ’ എന്നൊരു ധ്വനി ജൂവലിന്റെ ആ നോട്ടത്തിനുണ്ടായിരുന്നു. എന്നാൽ എനിക്കാണെങ്കിൽ ഒന്നും മനസ്സിലാവാത്ത ഒരു പൊട്ടന്റെ ഗതികേടും.

 

സത്യത്തിൽ ഈ റിങ് ടോൺ ഞാനായിട്ട് ഫോണിൽ സെറ്റ് ചെയ്തതല്ല. അതും മിഖിയുടെ വേല തന്നെയാവാനാണ് ചാൻസ്. ചില നേരത്ത് എന്റെ ഫോണവൻ ഗെയിം കളിക്കാനെടുക്കുന്ന നേരത്ത് ചെയ്യുന്ന ചെറിയൊരു വികൃതിയാണ് ഞാനറിയാതെ ഫോണിലെ റിങ് ടോൺ മാറ്റിക്കളിക്കുന്നത്. സാധാരണ രഞ്ജി പണിക്കരുടെ സിനിമകളിലെ മാസ്സ് ഡയലോഗുകളാണ് അവൻ റിങ് ടോണായി സെറ്റ് ചെയ്യാറ്. പക്ഷെ ഇത്തവണ എന്ത് മായാജാലം ഉണ്ടായിട്ടാണോ എന്തോ അവൻ ഈ ടൈപ്പ് പാട്ടുകളൊക്കെ കേറ്റി വച്ചേക്കുന്നേ🤥.

 

ഫോണപ്പോഴും റിങ് ചെയ്‌തോണ്ടിരിക്കായിരുന്നു. ഫോണെടുത്തു എടുത്തു. മിഖിയാണ് വിളിക്കുന്നത്. ഇജ്ജാതി ടൈമിംഗ് 👌.  ഞാൻ ഫോൺ അറ്റൻസ് ചെയ്തു. അപ്പോഴും ജൂവലിന് ഇനി ചിരിക്കണോ കരയണോ എന്ന കാര്യത്തിൽ തീരുമാനമായിട്ടില്ലായിരുന്നു.