Wonder 7 [Nikila] 2417

കാലിന് വല്ലാത്ത ഭാരം അനുഭവപ്പെട്ടു. ഇത്രയ്ക്ക് കഷ്ടപ്പാട് തോന്നാൻ മാത്രം ഇന്നലെ രാത്രി ഒന്നും ഉണ്ടായില്ലല്ലോ എന്ന് ഞാനോർത്തു. പിന്നെ നേരെ വാഷ്റൂം ലക്ഷ്യമാക്കി നടന്നു.

 

ബെഡ്റൂമിനു പുറത്തേക്കിറങ്ങിയപ്പോഴാണ് ഞാൻ മിഖിയേയും റോയിയേയും കണ്ടത്. രണ്ടു പേരും ഉറക്കത്തിൽ നിന്നും എണീറ്റിട്ടില്ല. അടുത്തുള്ള സോഫയിൽ രണ്ടും പേരും രണ്ടറ്റത്തോട്ട് തല ചായ്ച്ചിട്ട് ഇപ്പോഴും ഉറങ്ങുകയാണ്. അതിൽ റോയ് ഒരു പ്ലാസ്റ്റിക് ബാറ്റും കെട്ടിപ്പിടിച്ചോണ്ടാണ് ഉറങ്ങുന്നത്. കാര്യം ഇത്രയേയുള്ളൂ, എന്റെ ശല്യം സഹിക്കാൻ പറ്റാത്തതോണ്ടാണ് രണ്ടു പേരും ഉറക്കം സോഫയിലോട്ട് മാറ്റിയത്?. ഇന്നലെ രാവിലെ നടന്ന സംഭവങ്ങള് രണ്ടു പേരും മറന്നട്ടില്ലാന്ന് തോന്നുന്നു ?. എന്തായാലും ആ തീരുമാനം നന്നായി. ആരുടേയും കരച്ചിൽ കേൾക്കാണ്ട് ഉണരാൻ പറ്റിയല്ലോ. അതു തന്നെ ഭാഗ്യം ?. പക്ഷെ റോയിയുടെ കയ്യിലുള്ള പ്ലാസ്റ്റിക്ക് ബാറ്റ്?. ഇവനിത് എപ്പോ ഒപ്പിച്ചു. ഇന്നലത്തെ പോലെ ഞാൻ ചവിട്ടാൻ വന്നാൽ എന്നെ തിരിച്ചടിക്കാൻ വേണ്ടി കയ്യിൽ കരുതിയതാവും. എന്തായാലും നേരം വെളുത്തു. ഇവരെക്കൂടി വിളിച്ചേക്കാം.

 

“റോയ്….

 

മിഖി….”

 

രണ്ടു പേർക്കും അനക്കമില്ല.

 

“ടാ, റോയ്…..” ഞാനവനെ കുലുക്കി വിളിച്ചു. എന്നിട്ടും എണീക്കാതായപ്പോൾ അവന്റെ പുറത്തു ഞാനൊരു കൊട്ടു കൊടുത്തു.

 

“അയ്യോ!…….” റോയ് എണീറ്റതാ ?

 

“അമ്മേ!…….” ഇതു റോയിയുടെ ഒച്ച കേട്ട് മിഖി എണീറ്റത്.

 

“ആരാടാ അത്……” റോയ്.

 

മുന്നിൽ നിൽക്കുന്നത് ഞാനാണെന്ന് പോലും ഓർക്കാതെ അവനെന്റെ നേരെ പ്ലാസ്റ്റിക്ക് ബാറ്റ് ഓങ്ങി. അടി കിട്ടിയില്ലെങ്കിലും ഇനി കിട്ടുമോന്ന് പേടിച്ചു പുറകിലേക്ക് നീങ്ങിയ ഞാൻ ആ ഫോഴ്സില് താഴോട്ടു വീണു.

 

“നിന്നെ ഞാൻ….?.”

 

“ടാ റോയ്. ഇതു ഞാനാടാ, ജോ”

 

അടിക്കാൻ വന്ന അവൻ എന്നെ സൂക്ഷിച്ചു നോക്കി. പിന്നെയൊരു ചമ്മിയ എക്സ്പ്രഷൻ. അതു കഴിഞ്ഞ് ബാറ്റ് താഴെക്കിട്ട് താഴെ കിടന്ന എന്നെയവൻ വലിച്ചു പൊക്കി. മിഖി ഉറക്കത്തിൽ നിന്നും എണീറ്റതിന്റെ ക്ഷീണം കാരണം തല കുടയുന്നു.

 

“എന്തോന്നാടാ ഇത് ? ?” ഞാൻ

 

“ചുമ്മാ, ഒരു സെൽഫ് പ്രൊട്ടക്ഷൻ ?” റോയ്.

 

“എന്ത് സെൽഫ് പ്രൊട്ടക്ഷൻ ?”

 

“ഇവിടെയൊരു പട്ടി ശല്യമുണ്ടെടാ”

 

“നമ്മുടെ റൂമിലേക്ക് ഏതു പട്ടി വരാനാ ?”

 

“ഇതു പുറത്തു നിന്നുള്ള പട്ടിയല്ല, അകത്തുള്ളതാ”

 

ഇവൻ എനിക്കിട്ട് താങ്ങിയതാണോ ?, ഏയ്.

 

“ശരി, മേലാൽ ഈ ബാറ്റും കൊണ്ട് എന്റെ വീട്ടിലേക്ക് വന്നേക്കരുത്. അവിടെ ഡഗ്ഗ് ഉള്ളതാ. ആ പാവം ജീവിച്ചു പോട്ടേന്നേ”

 

“?”

 

“ജോ, ഗുഡ് മോർണിംഗ്” മിഖി.

 

“ഗുഡ്മോർണിംഗ് മിഖി”