Wonder 7 [Nikila] 2416

“ആ, മിഖി. പറയാടാ”

 

“ജോ ഇതെവിടെയാ? ഞങ്ങള് കുളിക്കാൻ പോയ ഗ്യാപ്പില് ജോ എങ്ങോട്ടാ മുങ്ങിയേ ?”

 

ഞാൻ ജൂവലിനെ തറപ്പിച്ചോന്ന് നോക്കിയപ്പോൾ അവള് എന്നെ മുഖത്തു നിന്നും നോട്ടം മാറ്റി.

 

“മുങ്ങിയതല്ലെടാ, ഒന്ന് മുള്ളാൻ പോയതാ”

 

“ങ്ങേ? മുള്ളാൻ പോയെന്നോ ? ഇതിപ്പോ കുറേ നേരായല്ലോ പോയിട്ട്. ഇതുവരെയായിട്ടും മുള്ളിക്കഴിഞ്ഞില്ലേ ?”

 

“ഹാ, മിക്കവാറും ഇവളെന്നെ മുള്ളിക്കും?”

 

അതു വരെ വേറെങ്ങോട്ടോ ലൂക്ക് വിട്ടിരുന്ന ജൂവൽ പെട്ടന്നെന്നെ തുറിച്ചു നോക്കി.

 

“എന്തോന്ന്  ??

 

ദൈവമേ, വലിഞ്ഞ് ?. ഒരു ഫ്ലോയിൽ എന്തോ പറഞ്ഞു പോയി. 

 

“ജോ യെന്താ നേരത്തെ പറഞ്ഞേന്ന് ?”

 

“ഒന്നൂല്ല, ഞാനിപ്പോ അങ്ങോട്ടു വന്നാ പോരേ?. ദോ, ദിപ്പം വരാം. എങ്ങോട്ടും ഓടിപ്പോയേക്കരുത്. റൂമിൽ തന്നെയുണ്ടാവണം നീ”

 

അതും പറഞ്ഞു ഞാൻ ഫോൺ കട്ട്‌ ചെയ്തു. എന്തായാലും അവൻ വിളിച്ചത് നന്നായി. ഇവിടുന്ന് സ്കൂട്ടാവാൻ വിചാരിച്ചപ്പോഴാണ് മിഖിയുടെ ഫോൺ വിളി. ഇപ്പോ അതും ഒത്തു. എനിക്കാണെങ്കിൽ ആവശ്യമില്ലാതെ ടെൻഷനടിച്ച് മൂത്രമൊഴിക്കാൻ മുട്ടി മുട്ടി പടിവാതില് വരെ സംഗതി എത്തി നിൽക്കാ. ഞാൻ റൂം വിട്ടു പുറത്തേക്ക് കടക്കാൻ തുടങ്ങിയതും ;

 

“ജോ….”

 

ദേ, പിന്നേം ?. എമർജൻസിയായിട്ട് ഒന്ന് പുറത്തേക്കിറങ്ങാൻ നിൽക്കുമ്പോഴാ ജൂവലിന്റെ പിന്നീന്നുള്ള വിളി. ഞാനവളെ ദേഷ്യത്തോടെ നോക്കിയപ്പോൾ അവളാണെങ്കിൽ എന്നെ നിറഞ്ഞ കണ്ണോടുകൂടി നോക്കുന്നു.

 

“ജോ ക്ക്…. എ…. എ…. എന്റെടുത്തൂന്ന്….. പോ….പോണല്ലേ ? ?”

 

അവളുടെ തൊണ്ട ഇടറിയതുക്കൊണ്ട് സംസാരിക്കുമ്പോൾ അവള് വിക്കുന്നുണ്ടായിരുന്നു.

 

“അകത്തു ടോയ്‌ലെറ്റ് ഉണ്ടോ ?”

 

നമുക്ക് അപ്പോഴും അറിയേണ്ടത് ആ കാര്യമായിരുന്നു. കണ്ണീർ മഴക്കിടയിലും അവളെന്നെ സംശയത്തോടെ നോക്കി.

 

“ഉണ്ട്. പ്…. പക്ഷെ അകത്താളുണ്ട്”

 

“അടിപൊളി, എന്നാ ഞാൻ പോണു”

 

അതും പറഞ്ഞു ഞാൻ മുറിക്കു പുറത്തേക്കിറങ്ങി കതകടച്ചു. ശേഷം എന്റെ മുറിയിലേക്ക് അടിവയറും പൊത്തിപ്പിടിച്ചുകൊണ്ട് ഓരോട്ടമായിരുന്നു. പോകുന്ന വഴിക്ക് റീനയെ ഒന്നു കണ്ടു. എന്റെ ഓട്ടം കണ്ട് റീന എന്നോട് എന്തോ ചോദിക്കാൻ വന്നെങ്കിലും അതൊന്നും മൈൻഡ് ചൈയ്യാതെ വേഗം റൂം നോക്കി ഓടി. സ്വന്തം മുറിക്കടുത്തു എത്തിയപ്പോൾ വാതിലും തുറന്നു ടോയ്ലേറ്റിലേക്ക് ഒരൊറ്റ പായലായിരുന്നു. ഭാഗ്യത്തിന് അപ്പോഴേക്കും റോയിയുടെയും മിഖിയുടെയും കുളി കഴിഞ്ഞതുക്കൊണ്ട് ബാത്‌റൂം ഒഴിവായിരുന്നു. ഞാനകത്തോട്ട് കേറിയപ്പോൾ റോയിയും മിഖിയും ഫോണില് എന്തോ ചെയ്‌തോണ്ടിരിക്കയിരുന്നു. അതൊന്നും ശ്രദ്ധിക്കാൻ നിൽക്കാതെ വേഗം ടോയ്‌ലെറ്റിലോട്ട് കേറി കാര്യം സാധിച്ചു. അപ്പോഴാണ് ഒരു ആശ്വാസം കിട്ടിയത്. കൃത്യമായി പറഞ്ഞാൽ ഒരു പേറ് കഴിഞ്ഞതിന്റെ സുഖം തോന്നി ?. അതിനിടയ്ക്ക് റോയ് ബാത്‌റൂമിന്റെ വാതിലിൽ കൊട്ടി.

 

“ഏതാവനാടാ ഞങ്ങളുടെ റൂമിലോട്ട് ഇടിച്ചു കേറി വന്നേക്കണേ ?” റോയ്.

 

“നിന്റെ തന്ത” ഞാൻ.

 

എന്റെ ശബ്ദം കേട്ടപ്പോൾ അവനൊന്നടങ്ങി. സ്പീഡില് അകത്തോട്ടു കേറി വന്നതുക്കൊണ്ട് അവനെന്നെ മനസിലായിക്കാണില്ല.