Wonder 7 [Nikila] 2416

“എങ്ങനെ… എങ്ങനെ ??” റോയ്.

 

“റോയ് ചേട്ടന് ജോയെ പറ്റി അറിയാഞ്ഞിട്ടാണ്. നമ്മുടെ ജോ ആളൊരു കൊച്ചു റോമിയോയല്ലേ?” മിഖി.

 

മിഖി പറയണത് കേട്ട് എനിക്കു ചെറുതായിട്ടൊന്ന് കുളിര് തോന്നി ?. എന്നാലും ഞാനെപ്പോഴാ റോമിയോ ആയേ. അതിനു ഞാൻ പെണ്ണുങ്ങളെ വളക്കാൻ മാത്രം ഒന്നും ചെയ്തിട്ടില്ലല്ലോ?. ഇവനോട് തന്നെ ചോദിച്ചേക്കാം.

 

“അതിനു ഞാനൊരു പെണ്ണിന്റെയും പിന്നാലെ നടന്നിട്ടില്ലല്ലോ. അതു മാത്രമല്ല, റോമിയോ എന്നു പറയാനായിട്ട് എനിക്കു ഗ്ലാമറുണ്ടോടാ ? ഈ റോയിയെ ഒക്കെ വച്ചു നോക്കുമ്പോ എനിക്കത്ര സൗന്ദര്യമുണ്ടെന്നൊന്നും തോന്നിയിട്ടില്ല?”

 

ആ പറഞ്ഞത് റോയ്ക്ക് നന്നായി സുഖിച്ചു. അവന്റെ മുഖത്തു ചെറുതായി നാണം വന്നു.

 

“അതൊക്കെ ശരിയായിരിക്കും ജോ. എന്നാ ജോയുടെ ഭംഗി മാത്രമല്ല സ്പെഷ്യൽ. സിനിമാ നടന്മാർക്കു പോലും മുഖത്തു വരുത്താൻ പറ്റാത്ത ചില എക്സ്പ്രഷനുകളും മാനറിസങ്ങളുമൊക്കെ ജോ ക്കുണ്ട്. ജോയുടെ അമ്മാതിരി ഭാവങ്ങള് കണ്ടാ ഏതു പെണ്ണുങ്ങളും ജോയെ ശ്രദ്ധിക്കും. ആ നേരത്തൊക്കെ ജോ യെ കാണാൻ വല്ലാത്ത ക്യൂട്ടനെസ്സാ?”

 

മിഖി പറയണത് കേട്ട് എന്റെ കണ്ണു തള്ളിപ്പോയി. എനിക്കു ക്യൂട്ട് എക്സ്പ്രഷനോ ?. ഇതോണ്ടാണോ പലപ്പോഴും പെണ്ണുങ്ങള് എന്നെത്തന്നെ നോക്കി നിൽക്കുന്നേ ?. അല്ലാണ്ട് എനിക്കു മെന്റാലാണെന്ന് വിചാരിച്ചിട്ടല്ലാല്ലേ. എന്റെ ക്യൂട്ട്നെസ്സിന്റെ കാര്യം ആലോചിക്കുമ്പോൾ എനിക്കു തന്നെ നാണം തോന്നുന്നു ☺️.

 

“റോയ് ചേട്ടാ. ദാ, നോക്ക്. ഇപ്പോ ജോയുടെ മുഖം നോക്കിയേ. ഒരു ക്യൂട്ട്നെസ്സ് തോന്നുന്നില്ലേ?” മിഖി.

 

എന്തൊക്കെയോ വിചാരിച്ചോണ്ടിരുന്ന എന്റെ നേരെ കൈ ചൂണ്ടി മിഖിയത് പറഞ്ഞപ്പോൾ എനിക്കു തന്നെ എന്തോ പോലെയായി. ദൈവമേ, ഇവനെന്നെ നാണിപ്പിച്ചു കൊല്ലുമല്ലോ. ഇപ്പോഴാ ഈ പെണ്ണുങ്ങളുടെ നാണത്തിന്റെ രഹസ്യം മനസ്സിലായേ. ഇങ്ങനെയൊക്കെ പറഞ്ഞു സുഖിപ്പിച്ചാൽ ആരാ ഇതിലൊക്കെ വീണു പോവാത്തേ ?.

 

“അത് ശരിയാട്ടാ. ചില നേരത്തൊക്കെ ഇവനെ കാണാൻ വല്ലാത്ത ചേലാ?. ഇവൻ സീരിയസായി മാറിയാലോ ഒടുക്കത്തെ ആറ്റിട്യൂഡും ?. അങ്ങനെ നോക്കാണെങ്കിൽ ഇവന് ഒരുപാട് പ്രൊപോസലുകൾ വന്നിട്ടുണ്ടാവുമല്ലോ. എന്താ ജോ, അങ്ങനെയല്ലേ ?”

 

മിഖി എന്തെങ്കിലും പറഞ്ഞ് കുളമാക്കും മുൻപ് ഞാൻ തന്നെ എന്തെങ്കിലും പറഞ്ഞൊപ്പിച്ചേക്കാം?.

 

“അങ്ങനെ ചോദിച്ചാൽ ഏറെക്കുറെ ശരിയാണ്. ഞാൻ കോളേജിൽ പഠിക്കണ സമയത്ത്, അന്നെനിക്ക് ഇൻട്രോവെർട്ട് സ്വഭാവമായിട്ട് പോലും പല പെണ്ണുങ്ങളും എന്നെ നാണത്തോടെയൊക്കെ നോക്കാറുണ്ടായിരുന്നു. എന്നാ ഈ പെണ്ണുങ്ങളാരും എന്നോട് സംസാരിക്കാൻ വന്നിട്ടില്ല. ആദ്യം ഞാൻ കരുതിയത് എന്നോട് സംസാരിക്കാനുള്ള നാണം കൊണ്ടായിരിക്കുമെന്നാ. എന്നാൽ ആ കഥ അങ്ങനെയല്ലായിരുന്നു. എന്റെ വീട്ടുക്കാര് തന്നെയാണ് പ്രശ്നക്കാരായി നിന്നത്. ആരെയെങ്കിലും പ്രേമിച്ചാൽ കയ്യും കാലും തല്ലിയൊടിക്കുമെന്നായിരുന്നു അപ്പന്റെ ഓർഡർ. അതും പോരാത്തതിന് ഞാനാരോടെങ്കിലും പ്രേമിക്കുന്നത് പോയിട്ട് വെറുതെയൊന്ന് മിണ്ടിയാൽ പോലും അതപ്പനോട്‌ പറഞ്ഞു കൊടുക്കാനായിട്ട് എന്റെ പിന്നാലെ സി ഐ ഡി പണിയുമായി എന്റെ സ്വന്തം അനിയത്തിയുമുണ്ടായിരുന്നു. അന്നൊക്കെ എനിക്കു പെണ്ണുങ്ങളെന്ന് പറഞ്ഞാ എന്തോ വലിയ സംഭവമാണെന്നായിരുന്നു വിചാരം”

 

ഞാൻ പറയുന്നതൊക്കെ സസൂക്ഷ്മം കേട്ടുക്കൊണ്ടിരിക്കയിരുന്നു റോയിയും മിഖിയും. അപ്പോഴേക്കും എന്റെ കപ്പിലെ കോഫി തീർന്നിരുന്നു. സ്പീച്ച് നടത്തിക്കൊണ്ടിരിക്കുന്നതിനിടയ്ക്ക് ആ ഫ്ലോ പോവേണ്ടാന്ന് കരുതി ഞാൻ റോയുടെ കപ്പിലേക്ക് ഇടംകണ്ണിട്ടു നോക്കി. അവന്റെ ശ്രദ്ധ എന്റെ മുഖത്തോട്ടു തന്നെയാ. മറ്റൊന്നും ശ്രദ്ധിക്കാതെ എല്ലാം മറന്ന് എന്നെത്തന്നെ നോക്കിയിരുന്ന റോയിയുടെ കോഫി കപ്പും ഞാൻ സൂത്രത്തിൽ എക്സ്ചേഞ്ച് ചെയ്തു. ചോക്ലേറ്റ് നമ്മുടെയൊരു വീക്ക്‌നെസ്സായിപ്പോയി?.

 

“എന്നിട്ട് ? എന്നിട്ട് ? ബാക്കി കൂടി പറ” റോയ്.

 

ഇവന്റെ ആകാംഷ കണ്ടാ തോന്നും ഞാനിപ്പോ പറയുന്നത് കമ്പിക്കഥയാണെന്ന് ?. അങ്ങനെ എന്റെ കഥനക്കഥ കേട്ട് ആരും സുഖിക്കണ്ട.

 

“എന്നിട്ട് ഒന്നുമില്ല. ആ വിഷയം നമുക്ക് പിന്നെ സംസാരിക്കാം. ഇപ്പോ നീ പറഞ്ഞ കാര്യത്തിലേക്ക് കടക്കാം.