വൈഗ [മാലാഖയുടെ കാമുകൻ] 2144

അവൾ അടുത്ത ബെഞ്ചിലേക്ക് മാറി ഇരുന്നു…

ഒരു ഡുക്കാട്ടി മോൺസ്റ്റർ ബൈക്ക് ആണ് മുരണ്ടുകൊണ്ട് വന്നത്..
വന്നയാൾ അത് ഒന്ന് ഇരപ്പിച്ചു നിർത്തി അതിൽ നിന്നും ഇറങ്ങി…

അതിൽ നിന്നും ഇറങ്ങിയ ആൾ ഹെൽമെറ്റ് ഊരി എടുത്തപ്പോൾ ചുറ്റിനും നിന്ന ആളുകൾ ഒക്കെ അങ്ങോട്ട് നോക്കി…

അതിസുന്ദരി ആയ ഒരു പെൺകുട്ടി ആയിരുന്നു.. നീണ്ട മുടിയും മാൻപേട കണ്ണുകളും..
ഒതുങ്ങിയ ശരീരവും.. അവൾ ജാക്കറ്റ് ഊരി കയ്യിൽ വച്ചു ബൈക്ക് ലോക്ക് ചെയ്തു ഒരു പുഞ്ചിരിയോടെ പാർക്കിലേക്ക് കയറി വന്നു..

“പപ്പാ…! “

എന്നെ കണ്ടതും അവൾ ഓടി വന്നു എന്റെ അടുത്തിരുന്നു എന്നെ വരിഞ്ഞു മുറുക്കി കവിളിൽ ഉമ്മ തന്നു..

“പപ്പേടെ സുന്ദരികുട്ടി… യാത്ര ഒക്കെ സുഖം ആയിരുന്നോ?”

“മ്മ്മ് പാപ്പ.. ബൈക്കിൽ അല്ലെ.. സൊ യു നോ റൈറ്റ്?”

അവൾ ചിരിച്ചു കൊണ്ട് എന്റെ തോളിൽ തല വച്ചു.. അതെനിക്ക് നന്നായി അറിയാം..

അവൾ ബൈക്ക് സർവീസ് ചെയ്യിക്കാൻ പോയത് ആണ്.. അമ്മയുടെ കാറുകളോടുള്ള പ്രാന്ത് മോൾക്കും കിട്ടിയിട്ടുണ്ട്..
പക്ഷെ ബൈക്കിനോട് ആണ് എന്ന് മാത്രം..

“അവൾ വന്നില്ലല്ലോ?”

അത് പറഞ്ഞു തീരുന്നതിന് മുൻപേ ഒരു ചുവന്ന ഫോക്സ്വാഗൻ പോളോ വന്നു പാർക്കിങ്ങിൽ നിന്നു..

ആദ്യം ഇറങ്ങിയത് വേറൊരു സുന്ദരിക്കുട്ടി ആണ്.. അവൾക്കും അതെ മാൻപേട കണ്ണുകളും ഒത്ത മുടിയും…

പുറകെ ഇറങ്ങിയവളിലേക്ക് എല്ലാവരുടെയും കണ്ണുകൾ ഒന്ന് പാഞ്ഞു..

“മമ്മിയെ കാണാൻ എന്തൊരു ഭംഗി ആണ് അല്ലെ പപ്പാ?”

ഡയാന എന്റെ തോളിൽ തല വച്ച് കൊണ്ട് തന്നെ ചോദിച്ചു…

“അവളുടെ ഭംഗിക്ക് ഇന്നും ഞാൻ അടിമയാണ് മോളു… “

ഞാൻ അവളുടെ കവിളിൽ പിച്ചിക്കൊണ്ട് അത് പറഞ്ഞപ്പോൾ അവൾ കുണുങ്ങി ചിരിച്ചു..