വൈഗ [മാലാഖയുടെ കാമുകൻ] 2144

“ഈ ഏട്ടന്റെ ഒരു കാര്യം…”അവൾ സാരി എടുത്തു ചുറ്റി… സിന്ദൂരം തൊട്ടു ഒരു ചുവന്ന പൊട്ട് തൊട്ടു മുടി ഒതുക്കി തിരിഞ്ഞു…

ഞാൻ അവളെ ആരാധനയോടെ നോക്കി.. എന്തൊരു ഭംഗി ആണ്…

കടഞ്ഞെടുത്ത ശരീരം ആണ് ഇവളുടെ..

വലിച്ചു വാരി നെഞ്ചോടു അണക്കാൻ തോന്നുന്നു…

“എഴെന്നേൽക്ക് ഏട്ടാ.. സമയം പോയി…”

ഞാൻ മനസില്ല മനസോടെ എഴുന്നേറ്റ് ബാത്‌റൂമിൽ ചെന്നു…

വേഗം കുളിച്ചു പുറത്തു വന്നു..

അവൾ എന്റെ ഒരു കരിം നീല ഷർട്ട് അയൺ ചെയ്തു കൊണ്ട് നിൽക്കുകയാണ്…

ഞാൻ അതൊരു നിമിഷം നോക്കി നിന്നു.. മെല്ലെ അവളുടെ പുറകിൽ ചെന്ന് നിന്നു..

“ഇപ്പൊ തരാം ട്ടോ…”

ഞാൻ അവളെ ഒന്ന് നോക്കി.. നീല സാരിയിൽ തിളങ്ങുന്ന സൗന്ദര്യം.. നീണ്ടു കിടക്കുന്ന കാർകൂന്തൽ..

കയ്യിൽ നനുത്ത രോമങ്ങൾ.. ചെമ്പൻ നിറം ആണ് അതിനൊക്കെ.. ഇവൾക്ക് ആഭരണങ്ങളുടെ കുറവ് ഉണ്ടല്ലോ? കഴുത്തിൽ എന്റെ താലി ചാർത്തിയ മാല.. കാതിൽ ചെറിയ ഒരു കമ്മൽ..

കയ്യിൽ ഒറ്റ വള.. അതൊക്കെ അമ്മയുടേത് ആണ്… കല്യാണത്തിന് അവൾക്ക് കൊടുത്തതൊക്കെ വലിയ നെക്‌ളേസ്‌ ഒക്കെ ആണ്… പുതിയത് വാങ്ങണം…

ഞാൻ അവളുടെ മുടി ഒന്ന് മണത്തു നോക്കി.. ആഹാ.. സിരകളെ ഉണർത്തുന്ന സുഗന്ധം….

അവൾ ഒരു നിമിഷം അനങ്ങാതെ നിന്നു.. ഞാൻ പുറകിൽ നിന്നും നോക്കുന്നത് അറിഞ്ഞു എന്ന് തോന്നുന്നു..

അവൾ മെല്ലെ ഒന്ന് തിരിഞ്ഞു നോക്കി… പിടക്കുന്ന കണ്ണുകൾ… എന്റമ്മേ എനിക്ക് ദേഹം തളരുന്നു.. ഞാൻ അവളുടെ പുറകിൽ നിന്നും മാറി കണ്ണാടിയുടെ മുൻപിൽ പോയി നിന്നു..