വൈഗ [മാലാഖയുടെ കാമുകൻ] 2144

അമ്മ അത് ചോദിച്ചതും ഞാൻ വേഗം കൊച്ചിനെയും കൊണ്ട് പുറത്തേക്ക് നടന്നു.. അവളും അമ്മയും ഒരുമിച്ചു ചിരിക്കുകയാണ്..

അന്ന് ഞാൻ ലീവ് ആക്കി..

ഉച്ചക്ക് അവളെയും കൊണ്ട് പുറത്തു പോയി. ഒരു സിനിമ കണ്ടു. ശേഷം നേരെ ഒരു റസ്റ്ററന്റിൽ ചെന്നു കുഴിമന്തി കഴിച്ചു..

പിന്നെ തുണിക്കടയിൽ.. അവൾക്ക് സാരി എടുത്തു.. വാവക്ക് ഡ്രസ്സ്. പിന്നെ അവൾ എനിക്ക് ഷർട്ട് സെലക്ട് ചെയ്തു..

മറ്റേത് വേണോ മറ്റേത്?”

ഞാൻ അവളോട് ചിരിച്ചു കൊണ്ട് ചോദിച്ചു..

“ഏതാ ഈ മറ്റേത്?”

“ഇന്നലെ ഒരു സാധനം പറഞ്ഞില്ലേ? ചുവന്ന കളർ ഉള്ള…”

“പോ ഏട്ടാ…”

അവൾ നാണിച്ചു തല താഴ്ത്തി.. കവിളുകൾ ചുവന്ന് വന്നിരിക്കുന്നു..

തിരിച്ചു പോകുമ്പോൾ അവൾ ആണ് വണ്ടി ഓടിച്ചത്..

ഇവൾക്ക് ഡ്രൈവിംഗ് നല്ല ഇഷ്ട്ടം ആണെന്ന് എനിക്ക് മനസിലായി..

അപ്പോഴാണ് ഒരു മാരുതി റിറ്റ്സ് വെട്ടിച്ചു മുൻപിൽ കയറിയത്…

അവൾ വണ്ടി ചവിട്ടി നിർത്തി.. അതിൽ ഒരുത്തൻ കൈ പുറത്തേക്ക് ഇട്ടു നടുവിരൽ ഉയർത്തി കാണിച്ചു… ചെക്കന്മാർ ആണ്..

നന്നായി ആൾട്ടറേഷൻ ചെയ്ത വണ്ടി.. അവർ വണ്ടി ഇരപ്പിച്ചു മുൻപോട്ടു വിട്ടു..

“കൊച്ചിനെ ഒന്ന് നോക്കണേ ഏട്ടാ….”

അതും പറഞ്ഞു അവൾ ഓഫ് ആയ വണ്ടി ഓൺ ആക്കി വെടിച്ചില്ലു പോലെ മുൻപോട്ടു എടുത്തു…

“വൈഗേ.. വേണ്ട…..”

ഞാൻ അത് പറഞ്ഞെങ്കിലും അവളുടെ മുഖഭാവം വേറെ ആയിരുന്നു…

ഗിയറുകൾ തട്ടി മാറ്റി അവൾ കാറിനെ മുൻപോട്ട് കുതിപ്പിച്ചു… നിമിഷ നേരങ്ങൾ കൊണ്ട് നൂറിന്റെ മുകളിൽ സൂചി കയറി..

ഞാൻ കൊച്ചിനെ അമർത്തി പിടിച്ചു..