വൈഗ [മാലാഖയുടെ കാമുകൻ] 2143

എനിക്ക് പ്രാന്ത് അകാൻ തുടങ്ങിയിരുന്നു.. എന്നാൽ അവൾ ഇത്രയെങ്കിലും സംസാരിച്ചത് തന്നെ അതിനൊരു ശമനം തന്നു..എന്തൊക്കെയോ തെറ്റിദ്ധാരണ ആണ്..

കുറച്ചു നേരം തണുപ്പത്തു നിന്നപ്പോൾ നല്ല സുഖം.. ഞാൻ അകത്തേക്ക് കയറി..

അവൾ എന്റെ ഫോൺ എടുത്തു നോക്കുന്നുണ്ട്..
എന്നെ കണ്ടതും അത് വേഗം ബെഡിൽ വച്ചു..

“അതിൽ നീ നോക്കുന്ന ഒന്നും ഇല്ല.. വേറെ ഒരു പെണ്ണുമായും എനിക്ക് കണക്ഷൻ ഇല്ല…”

“അയ്യോ അതല്ല.. ഞാൻ വെറുതെ…. “

അവൾ പരുമ്മിയപ്പോൾ എനിക്ക് ചിരി വന്നു.. ഞാൻ എന്റെ ഫോൺ എടുത്തു ആമസോൺ ഓപ്പൺ ചെയ്തു. സാംസങ് നോട്ട് ടെൻ ഒരെണ്ണം നോക്കി..

“നിനക്ക് ചുവപ്പ് ആണോ ഇഷ്ട്ടം അതോ കറുപ്പോ? “

ഞാൻ അവളോട് ചോദിച്ചു..

“ചുവപ്പ്.. എന്താണ്?” എന്ത് വാങ്ങാൻ ആണ്?”

“അത് നിനക്ക് ഒരു ചുവന്ന ബ്രാ ഓർഡർ ചെയ്തിട്ടുണ്ട്.. നാളെ വരും.. വാങ്ങിക്കോണം.. പൈസ അടച്ചിട്ടുണ്ട്…”

ഞാൻ ചിരിയോടെ അവളുടെ മുഖത്തു നോക്കാതെ പറഞ്ഞു..

അത് സെലക്ട് ചെയ്തു ഔറ റെഡ് കളർ എടുത്തു പേയ്മെന്റ് നടത്തി. ആമസോൺ പ്രീമിയം കസ്റ്റമർ ആയതു കൊണ്ട് നാളെ തന്നെ കിട്ടും..

അവളുടെ മുഖഭാവം ആലോചിച്ചു എനിക്ക് ചിരി വന്നു.. ഞാൻ ഫോൺ മാറ്റി വച്ച് അവളെ നോക്കി..

എന്തോ ചിന്തിച്ചു ചൂണ്ടു വിരലും കടിച്ചു ഇരിക്കുകയാണ്..

“കിടക്കുന്നില്ലേ?”

“മ്മ്മ്…”

“മ്മ്മ്…”