വൈഗ [മാലാഖയുടെ കാമുകൻ] 2143

ഞാൻ ചുറ്റിനും നോക്കി…

അമ്മ, അച്ഛൻ ഇവർ ഒക്കെ ശവങ്ങൾ പോലെ ചോര വാർന്നു നിൽക്കുന്നു..

അയാൾ സന്തോഷം അടക്കാൻ ആകാതെ ആരെയോ വിളിച്ചു..

“ഓഹ്‌ അവൾ വരും.. അപ്പൊ ഇനി നമ്മൾ ബിസിനസ് പാർട്നെർസ്.. ഇന്ന് കൂടണം…”

അത് കൂടാതെ വേറെ എന്തൊക്കെയോ പറഞ്ഞു..

അത് കേട്ടപ്പോൾ ഇതൊരു ബിസിനസ് ഡീൽ ആണെന്ന് എനിക്ക് മനസിലായി…

മകളെ വച്ചാണ് അയാൾ കളിക്കുന്നത്.. എന്നാലും ഇത്ര നാളും തിരിഞ്ഞു നോക്കാത്ത ഇയാൾ ഇപ്പോൾ എന്തിന് വന്നു?

ഇങ്ങനെയും ഉണ്ടോ തന്തമാർ? ഇത്ര നാളും അവൾ ജീവനോടെ ഉണ്ടോ എന്ന് തിരക്കിയിട്ടില്ല..

ഞാൻ അവളുടെ അമ്മ എന്ന് പറഞ്ഞ ശവത്തിനെ നോക്കി.. ഫോണിൽ കുത്തുകയാണ്..

അവളുടെ രണ്ടാനമ്മ ആണ് അവർ എന്ന് എനിക്ക് അറിയാം..

ഇതൊക്കെ ചിന്തിച്ചു നിൽക്കുമ്പോൾ വൈഗ ഇറങ്ങി വന്നു.. ഞാൻ വാങ്ങി കൊടുത്ത ഇളം റോസ് സാരി അടുത്താണ് അവൾ വന്നത്..

വാവ കയ്യിൽ ഉണ്ട്.. അവളും നല്ല ഡ്രെസ് ആണ്..

അവൾ പോകുകയാണ്… എന്ന് എനിക്ക് മനസിലായി..

എന്റേതാകും എന്ന് കരുതി സ്നേഹിച്ച ഞാൻ മണ്ടൻ.. അമ്മ കണ്ണ് നിറഞ്ഞു നിൽക്കുന്നു..

“പോകാം മോളെ?”

അയാൾ സന്തോഷത്തോടെ ചാടി എണീറ്റു…

“എങ്ങോട്ട്?”

അവളുടെ ചോദ്യം കേട്ടു ആയാൾ മാത്രം അല്ല.. ഞാൻ അമ്മ അച്ഛൻ എല്ലാവരും ഞെട്ടി…

ഞാൻ അവളെ അതിശയത്തോടെ നോക്കി.. മുഖത്ത് വല്ലാത്തൊരു ഭാവം..

“മോളെ.. വീട്ടിലേക്ക്…?”