വൈഗ [മാലാഖയുടെ കാമുകൻ] 2143

****ഇതേ പരുപാടി ഞാൻ കുറച്ചു ദിവസങ്ങൾ ചെയ്തു.. എന്നാലും എന്നെ അവൾ അതിശയിപ്പിച്ചു..

കാരണം അവൾ ചെയ്തു കൊണ്ടിരുന്ന ഒരു കാര്യവും നിർത്തിയില്ല..

എനിക്ക് ചായ, ബ്രേക്ക് ഫാസ്റ്റ്, തുണി അയൺ ചെയ്യുന്നത് ഒക്കെ അവൾ തുടർന്നു..

എന്നാൽ ഞാൻ അതൊന്നും മൈൻഡ് ചെയ്തില്ല..

പിറ്റേന്ന് ഞാൻ കോളേജിൽ നിന്നും വന്നപ്പോൾ ഒരു ബിഎംഡബ്ള്യു കാറ് മിറ്റത്തു കിടക്കുന്നുണ്ടായിരുന്നു..

ഞാൻ അകത്തു കയറി..

ഒരു മധ്യ വയസ്കനും ഒരു സ്ത്രീയും അവിടെ ഇരിക്കുന്നുണ്ടായിരുന്നു..

അച്ഛൻ അവരോടു വർത്തമാനം പറയുന്നുണ്ട്..

എന്ന കണ്ടതും അവർ ചിരിച്ചു.. ഞാനും..

ആരാ എന്നുള്ള ഭാവത്തിൽ ഞാൻ അച്ഛനെ നോക്കി…

“വൈഗയുടെ അച്ഛൻ ആണ്.. അമ്മയും. അവളെ വിളിച്ചു കൊണ്ട് പോകാൻ വന്നതാണ്…”

എനിക്കൊരു ഞെട്ടൽ ഉണ്ടായി..

“അവളെ കെട്ടാൻ എന്റെ ഒരു കൂട്ടുകാരന്റെ മകൻ തയാറായിട്ടുണ്ട്.. ഇത് പിരിയാൻ ഞാൻ എന്ത് വേണമെങ്കിലും തരാം..”

അയാൾ ഒരു ബിസിനസ് ഡീൽ ചെയ്യുന്നത് പോലെ എന്നോട് പറഞ്ഞു..

എനിക്ക് നാക്ക് ഇറങ്ങി പോയത് പോലെ ആയി..

“അവൾക്ക് ഇഷ്ട്ടം ഉണ്ടെങ്കിൽ കൊണ്ട് പൊയ്ക്കോളൂ… “

ഞാൻ പറഞ്ഞു.. എന്നിട്ടു അച്ഛനെ നോക്കി ചിരിച്ചു.. അച്ഛൻ വേദനയോടെ എന്നെ നോക്കി..

“ഓ എന്നാൽ കാര്യങ്ങൾ ഈസി ആയല്ലോ.. അവൾ സാരി മാറാൻ പോയി… “

അയാൾ സന്തോഷത്തോടെ പറഞ്ഞു…
അതൊരു ഞെട്ടലോടെ ആണ് ഞാൻ കേട്ടത്… അവൾ സാരി മാറാൻ പോയി എന്നതിന്റെ അർഥം അവൾ പോകുന്നു എന്നല്ലേ?
അപ്പോൾ അവൾക്ക് എന്നെ ഇഷ്ടമല്ലായിരുന്നു.. എന്റെ കൊച്ചിനെ എനിക്കിനി കാണാൻ പറ്റില്ലല്ലോ ദൈവമേ…