വൈഗ [മാലാഖയുടെ കാമുകൻ] 2144

“ആ വരാൻ തോന്നിയില്ല…”

ഞാൻ നിസാര മട്ടിൽ പറഞ്ഞു..

“നിനക്ക് എന്തിനാ അവളോട് വലിയ ദേഷ്യം? അവൾ നിനക്ക് എല്ലാം ചെയ്തു തരുന്നില്ലേ? “

“അഹ് ഇനി ഒന്നും ചെയ്യണ്ട.. എനിക്കറിയാം എന്റെ കാര്യങ്ങൾ ചെയ്യാൻ…”

“എടാ അവൾ നിന്റെ ഭാര്യാ ആണ്…”

“ആ വിചാരം അവൾക്ക് കൂടി വേണം… എല്ലാവരുടെയും പുറകെ കുറെ നടന്നതല്ലേ ഞാൻ? ആർക്കും എപ്പോഴും അവൈലബിൾ ആയ ഒരുത്തൻ ആണ് ഞാൻ..
അത് കൊണ്ട് തന്നെ എനിക്ക് ഒരു വില ഇല്ല…ഇനി ഞാൻ മാറുകയാണ് അമ്മെ. മടുത്തു എനിക്ക്…..”

“നീ ഇത്ര പറയാൻ ഇവിടെ എന്തുണ്ടായി? നിങ്ങൾക്ക് ഒരുമിച്ചു ജീവിക്കാൻ വിഷമം ഉണ്ടെങ്കിൽ വേണ്ടത് ചെയ്യാം എന്ന് ഞാൻ പറഞ്ഞു.. അത് പ്രശ്നങ്ങൾ വല്ലതും ഉണ്ടെങ്കിൽ തീർക്കാൻ ആണ്…”

“ഇപ്പൊ തീർക്കും.. വായിൽ പഴം കയറ്റി വച്ച് നടക്കുന്നവർ ആണ് ഇനി പ്രശ്‌നം തീർക്കുന്നത്… “

ഞാൻ അതും പറഞ്ഞു തിരിഞ്ഞു നോക്കിയത് അവളുടെ മുഖത്താണ്..

ഞാൻ കൊച്ചിനെ അവളുടെ കയ്യിൽ വച്ചിട്ട് മുകളിലേക്ക് പോയി വേഷം മാറി..

നേരെ ജിമ്മിലേക്ക് പോയി..

തിരിച്ചു വന്നപ്പോൾ കുറച്ചു വൈകി.. നേരെ പോയി കുളിച്ചു ഒരു മുണ്ടും ബനിയനും ഇട്ടു താഴേക്ക് വന്നു..

കഴിക്കുന്നതിനു ഇടയിൽ അച്ഛൻ എന്തൊക്കെയോ പറഞ്ഞു..

എല്ലാം മൂളി കേട്ടു… അവൾ എന്നെ ഇടക്ക് പാളി നോക്കുന്നുണ്ടായിരുന്നു..

കഴിച്ചു കഴിഞ്ഞു ഞാൻ വേഗം പോയി കിടന്നു… ഷീറ്റ് കൊണ്ട് മുഖം മൂടി കിടന്നു..

അവൾ വന്നതും എന്നെ നോക്കി നിന്നതും പിന്നെ കുളിക്കാൻ പോയതും ഒക്കെ ഞാൻ അറിയുന്നുണ്ടായിരുന്നു..