വൈഗ [മാലാഖയുടെ കാമുകൻ] 2144

അത്ര പ്രായം ഒന്നും ആയിട്ടില്ല.. 28 കഴിഞ്ഞു. എന്നാലും അതൊരു പ്രായം ആണ്.സാറുമാരുടെ കൂട്ടത്തിൽ ഏറ്റവും ചെറുപ്പക്കാരൻ എന്നൊരു പ്രേതെകത എനിക്ക് ആണ്..

ഇടക്ക് ഓരോ സ്റ്റുഡന്റസിനെ വഴിയിൽ കാണുമ്പോൾ കോളേജിൽ കൊണ്ട് വിടുന്നതും കൊണ്ടുപോകുന്നതും ഒന്നും മറ്റു സാറുമാർക്കും ടീച്ചർമാർക്കും ദഹിക്കില്ല..

ഈ പെൺപിള്ളേർ ക്ലാസ്സിൽ ബഹളം ആണ്.. തിരിഞ്ഞു ബോർഡിൽ എഴുതുമ്പോൾ അവളുമാർ പല വികൃതികളും കാണിക്കും..

“സാർ.. കാണാൻ ഒരാൾ വന്നിട്ടുണ്ട്….”

പ്യൂൺ ചേട്ടൻ വന്നു പറഞ്ഞപ്പോൾ ഞാൻ ഇങ്ങോട്ടു ആരും വരാറില്ലല്ലോ എന്ന് ആലോചിച്ചു..

എനിക്ക് ക്ലാസ് തടസപ്പെടുന്നത് ദേഷ്യം ആണ്.. എന്നാലും

“കീപ് ഇറ്റ് കാം..”

എന്ന് പറഞ്ഞു പുറത്തേക്ക് നടന്നു.. സ്റ്റാഫ് റൂമിന്റെ അടുത്തുള്ള പുറമെയുള്ള ഹാളിലേക്ക് ആണ് കാണാനുള്ള ആളുകൾ വരുക..

ഞാൻ അങ്ങോട്ടു നടന്നു..

ഇളം നീല ഷർട്ടും കറുത്ത പാന്റും ഒരു ചെരിപ്പും ധരിച്ച ചെറുപ്പക്കാരൻ അങ്ങോട്ടു തിരിഞ്ഞു നിൽക്കുന്നുണ്ടായിരുന്നു..

“എസ്ക്യൂസ്‌ മി?”

എന്ന് പറഞ്ഞപ്പോൾ അവൻ തിരിഞ്ഞു..

“ഡാ ആൽബി…? നീയോ?”

ഞാൻ അവനെ കണ്ടു അന്താളിച്ചു.. എന്നാൽ വേഗം അവനെ കെട്ടിപിടിച്ചു..

“ഞാൻ തന്നെ…”

അവൻ ചിരിച്ചു കൊണ്ട് എന്നെ കെട്ടിപിടിച്ചു.. രണ്ടു വർഷം മുൻപേ ഇവന്റെ കല്യാണം ഞങ്ങൾ ആണ് നടത്തി കൊടുത്തത്..

ഒളിച്ചോട്ടം ആയിരുന്നു.. ഞാൻ ആയിരുന്നു ഒരു സാക്ഷി.. ദൈവം സൗന്ദര്യം വാരി കോരി കൊടുത്തു അനുഹ്രഹിച്ച ഒരു പെൺകുട്ടി ആണ് ഇവന്റെ ഭാര്യ..