വൈഗ [മാലാഖയുടെ കാമുകൻ] 2143

***കല്യാണം തീരുമാനിച്ചതിൽ പിന്നെ ഞാനും അവളും മിണ്ടിയിട്ടില്ല.. സാധാരണ ഞങ്ങൾ സംസാരിച്ചു ഇരിക്കുമായിരുന്നു..

അല്പം ആശയ കുഴപ്പത്തിൽ ആണ് ഞാൻ റൂമിലേക്ക് ചെന്നത്..

കൊച്ചിനെ അമ്മ എടുത്തു കൊണ്ടുപോയിരുന്നു..

വൈഗ ചുവന്ന പട്ടിൽ ചുറ്റി റൂമിൽ ഇരിക്കുന്നുണ്ടായിരുന്നു..
അമ്മ എന്റെ പെണ്ണിന് വേണ്ടി എടുത്തു വച്ച ആഭരണങ്ങൾ ആണ് ഇട്ടിരിക്കുന്നത്..

വലിയ നെക്‌ലേസുകളും വളകളും.. പട്ടിൽ ചുറ്റിയ ദേവിയെ പോലെ ഉണ്ട്…

എന്നെ കണ്ടതും അവൾ ചാടി എണീറ്റു…

ഞാൻ ബെഡിൽ ഇരുന്നു അവളെ നോക്കി.. തല കുനിച്ചു നിൽക്കുകയാണ്..

“വൈഗേ? ഇരിക്ക്…”

അവൾ മെല്ലെ ഇരുന്നു..

“ക്ഷമിക്കണം.. എനിക്ക് ഡയാനയെ പിരിയാൻ ആകില്ല.. അപ്പോൾ അമ്മ ഒരു സൊല്യൂഷൻ പറഞ്ഞപ്പോൾ… പിന്നെ എന്ന് വൈഗയ്ക്ക് എന്നെ അംഗീകരിക്കാൻ കഴിയുമോ അന്ന് മാത്രമേ ഞാൻ ഒന്ന് തൊടുക പോലും ചെയ്യുകയുള്ളൂ… സീരിയൽ ഡയലോഗ് അടിച്ചതിൽ സോറി പക്ഷെ പറയേണ്ട കാര്യങ്ങൾ പറയണമല്ലോ….”

“മ്മ്മ്…”

“ഒന്നും പറയാൻ ഇല്ലേ?”

“ഇല്ല…”

അവൾ മെല്ലെ പറഞ്ഞു..

“ഫസ്റ്റ് നൈറ്റ് കരഞ്ഞു തീർക്കേണ്ട.. ഉറങ്ങിക്കോ…”

എന്ന് പറഞ്ഞു ഞാൻ ചെരിഞ്ഞു കിടന്നു..

എനിക്ക് സങ്കടവും വരുന്നുണ്ടായിരുന്നു.. ജീവിതം നമ്മുടെ ഒന്നും കയ്യിൽ അല്ല എന്ന് എനിക്ക് മനസിലായി…

***

രാവിലെ എണീറ്റപ്പോൾ അവൾ ബെഡിൽ ഇല്ലായിരുന്നു… ഇനി രാത്രി ഇറങ്ങി പോയോ എന്ന് ആലോചിച്ചപ്പോഴേക്കും അവൾ ചായ ഗ്ലാസിൽ ആക്കി കൊണ്ടുവന്നു..