വൈഗ [മാലാഖയുടെ കാമുകൻ] 2144

അമ്മ തീർത്തു പറഞ്ഞു..അവൾ കണ്ണ് മിഴിച്ചു എന്നെ നോക്കി..

“ഇനി നിന്റെ ആണ് തീരുമാനം…. അവളെ കെട്ടിയാൽ നിനക്ക് നല്ലൊരു ഭാര്യയെ കിട്ടും.. അല്ലെങ്കിൽ ഞാൻ ഇവളെയും വാവയെയും ഇവിടുന്നു മാറ്റും….”

അമ്മ ഇത് പറഞ്ഞത് മനസിലായിട്ടാണോ ആവൊ.. വാവ എന്റെ നേരെ കൈ നീട്ടി “പപ്പ..” എന്ന് വിളിച്ചു..

ഞാൻ ഒന്ന് ദീർഘനിശ്വാസം എടുത്തു.. അതിനു ശേഷം അവളുടെ അടുക്കൽ ചെന്നു മോളെ വാങ്ങി..

“സമ്മതം.. ഇവളെ ഞാൻ കെട്ടിക്കോളാം…”

ഒന്നും ആലോചിക്കാതെ പറഞ്ഞതാണ് അത്…

“വേണ്ട. ഞാൻ പൊയ്ക്കോളാം…”

വൈഗ അമ്മയുടെ മുൻപിൽ കൈ കൂപ്പി..

“നീ ഇങ്ങോട്ടും പോകുന്നില്ല…. “

അതെന്റെ വാക്കുകൾ ആയിരുന്നു..

അമ്മ എണീറ്റ് വന്നു അവളെ കെട്ടിപിടിച്ചു.. കവിളിൽ മാറി മാറി ഉമ്മ വച്ചു…

“മോളെ.. സ്നേഹം കൊണ്ടല്ലേ? നിന്നെ എനിക്ക് വേണം.. ഞങ്ങൾക്ക് വേണം.. വേറെ വഴി ഒന്നും ഇല്ലാത്തതു കൊണ്ടാണ് മോളെ.. “

അവളുടെ കണ്ണുകൾ നിറഞ്ഞു ഒഴുകി…

***

അങ്ങനെ അത് തീരുമാനിച്ചു.. ഞങ്ങളുടെ ചില ബന്ധുക്കൾ എതിർത്ത് സംസാരിച്ചു എങ്കിലും അമ്മ അവരെ നേരിട്ടു…

എതിർത്തവർ അവളെ കണ്ടപ്പോൾ വായ അടച്ചു നിന്നു.. ആയിരത്തിൽ ഒരുവൾ എന്നൊക്കെ പറയുന്ന ജൻമം ആണ് വൈഗ..

അങ്ങനെ ആ ദിവസം വന്നു.. അമ്പലത്തിൽ വച്ച് കല്യാണം.. ഒരു ആർഭാടവും ഇല്ലാതെ.. നേരെ വീട്ടിൽ.. ബന്ധുക്കളെ മാത്രം വിളിച്ചു ചെറിയ ഒരു പാർട്ടി…

ഞാൻ താലി കഴുത്തിൽ കെട്ടിയപ്പോൾ അവൾ എന്നെ കണ്ണുകൾ ഉയർത്തി ഒരു നോട്ടം നോക്കി..

അതിന്റെ അർഥം എന്താണെന്നു എനിക്ക് മനസിലായില്ല.. പക്ഷെ ആ ഒറ്റ നോട്ടം കൊണ്ട് ഞാൻ വിയർത്തു..