വൈഗ [മാലാഖയുടെ കാമുകൻ] 2143

ഞാൻ കൊച്ചിനെ എടുത്തു അവളെയും കൂട്ടി സാരി സെക്ഷനിൽ ചെന്നു.. ആറു സാരി ഒരുമിച്ചു വാങ്ങി.. അവൾ എന്നെ നോക്കി എങ്കിലും ഒന്നും മിണ്ടിയില്ല.. പിന്നെ വീട്ടിൽ ഇടാൻ കുറച്ചു നൈറ്റികൾ.. ചെരിപ്പ്..കൊച്ചിന് കുറച്ചു ഡ്രെസ്സുകൾ.. അവൾക്ക് ഒന്നും പറയാൻ ഇല്ലായിരുന്നു.. പല തവണ തുളുമ്പി വന്ന കണ്ണുകൾ അവൾ ഒപ്പി..

“ഇവിടെ വാ…”

ഞാൻ അവളെ വിളിച്ചു..

“എന്താ ഏട്ടാ?”

“ആ സെക്ഷൻ കണ്ടോ?”

ഞാൻ അവളെ അണ്ടർഗാര്മെന്റ്സ് സെക്ഷൻ കാണിച്ചു കൊടുത്തു..

“മ്മ്മ്.. “ അവൾ അതും പറഞ്ഞു തല കുനിച്ചു.

“ചെന്നു ആവശ്യം ഉള്ളതൊക്കെ വാങ്ങു.. “”

“ശരി ഏട്ടാ.. “
അവൾ മെല്ലെ അങ്ങോട്ടു നടന്നു. വാവ എന്റെ കയ്യിൽ ആണ്..

“അതെ…?”

ഞാൻ അവളെ വിളിച്ചു..

“എന്താ ഏട്ടാ ?

അവൾ തിരിച്ചു വന്നു…

“വില കുറഞ്ഞതും, ബ്രാൻഡ് അല്ലാത്തതും ഒന്നും വാങ്ങേണ്ട.. പിന്നെ എത്ര സാരി വാങ്ങിയോ അത്രയും സെറ്റ് ഉണ്ടാകണം.. അല്ലെങ്കിൽ ഞാൻ അങ്ങോട്ടു വരും.. കേട്ടല്ലോ?”

“മ്മ്മ്…”

അവൾ തല കുനിച്ചു അങ്ങോട്ടു പോയി.. പോകും വഴി എന്നെ ഒന്ന് തിരിഞ്ഞു നോക്കി.. വല്ലാത്തൊരു നോട്ടം… അതെന്റെ ഹൃദയത്തിൽ കൊളുത്തി..

കുറച്ചു കഴിഞ്ഞു അവൾ തിരിച്ചു വന്നു.. എന്നെ നോക്കി ഒന്ന് പുഞ്ചിരിച്ചു..

“എടുത്തോ?”

“മ്മ്മ്… എടുത്തു…”

“ശരി എന്നാൽ പോകാം? എന്തെങ്കിലും വേണമെങ്കിൽ പറയാൻ മടിക്കരുത്..?”