വൈഗ [മാലാഖയുടെ കാമുകൻ] 2143

ഞാൻ അത് ചോദിച്ചപ്പോൾ അമ്മ ചിരിച്ചു.. വാവയും ചിരിച്ചു..

ഞാൻ നേരെ ടൗണിൽ പോയി. കുട്ടിക്ക് വേണ്ട എല്ലാ സാധനങ്ങളും വാങ്ങി.. വീട്ടിൽ ഇടാനുള്ള കൊച്ചു വേഷങ്ങൾ, ലാക്ടോജൻ, പാൽക്കുപ്പി, തോട്ടിൽ പിന്നെ പാമ്പേഴ്സ് ഒക്കെ..

അതൊരു ഓട്ടോയിൽ കയറ്റി ഞാൻ വണ്ടി മുൻപേ വിട്ടു.. അവളും അമ്മയും വരാന്തയിൽ ഇരുന്നു എന്തോ പറയുന്നുണ്ടായിരുന്നു..

ഞാൻ സാധനങ്ങൾ ഒക്കെ ഇറക്കി ഓട്ടോക്കാരന് പൈസ കൊടുത്തു വിട്ടു..

“ഇതൊക്കെ മോൾക്കാണോ ഏട്ടാ?”

അവൾ സങ്കടത്തോടെ ചോദിച്ചു.. ഞാൻ അവൾക്ക് വേണ്ടി പൈസ മുടക്കുന്നത് അവൾക്ക് സങ്കടം ഉണ്ടാക്കും എന്ന് എനിക്കറിയാം… അഭിമാനി ആയ വൈഗ ആണ് എനിക്ക് അറിയാവുന്നത്..

“അല്ല.. മോളുടെ അമ്മക്ക്…”

ഞാൻ അത് പറഞ്ഞപ്പോൾ വിഷാദത്തിന്റെ ഇടയിലും അവൾക്ക് ചിരി വന്നു.. അമ്മയും ചിരിച്ചു.

“അമ്മെ ഇവരെ എവിടെ കിടത്തും?”

“അവളുടെ റൂം കൊടുക്കാം.. അവിടെ ആകുമ്പോൾ എല്ലാം ഉണ്ടല്ലോ.. താഴെ ഒഴിഞ്ഞു കിടക്കുകയല്ലേ.. മുകളിൽ തന്നെ കിടക്കട്ടെ…”

“അയ്യോ അമ്മെ.. എനിക്ക് റൂം ഒന്നും വേണ്ട.. ഞങ്ങൾ ഈ ഹാളിൽ എങ്ങാനും കിടക്കാം..”

അവൾ താഴ്മയോടെ പറഞ്ഞു..

ഞാൻ അവളെ നോക്കി.. എണിറ്റു സാധനങ്ങൾ ഒക്കെ എടുത്തു മുകളിൽ കൊണ്ട് പോയി.. ഏടത്തിയുടെ റൂം തുറന്നു അതിൽ വച്ചു.

തൊട്ടിൽ ബെഡ്‌ഡിനോട് ചേർത്ത് ഇട്ടു. ബാക്കി എല്ലാം മേശയിൽ വച്ചു.. അപ്പോഴേക്കും അവളെയും കൂട്ടി അമ്മ വന്നു..

“അമ്മെ ഇത്ര വലിയ റൂം ഒന്നും….” അവൾ മെല്ലെ പറഞ്ഞു..

“മിണ്ടാതെ നിക്ക് കൊച്ചെ.. “

അമ്മക്ക് ചെറുതായി ദേഷ്യം വന്നു. അതോടെ അവൾ അടങ്ങി.. എനിക്ക് ചിരി വന്നു..

അവരെ അവിടെ വിട്ടു ഞാൻ കോളജിലേക്ക് പോയി…