?സ്നേഹ തീരം 4? [ ചെകുത്താനെ സ്നേഹിച്ച മാലാഖ ] 582

ചില നാട്ടുകാർ പ്രശ്നമുണ്ടാക്കി എന്റെ വായിൽ നിന്ന് നല്ലതു കിട്ടിയപ്പോൾ അവരും അവരുടെ വഴി നോക്കിപോയി……………..

ഒരു ഞായറാഴ്ച ദിവസം

” പാറൂ …. എന്താ ഒന്നും മിണ്ടാത്തെ ….. ”

മണൽ പരപ്പിൽ എന്റെ തോളിൽ ചാരി കടലിലെ തിരകൾ നോക്കി ഇരിക്കുന്ന പാറുവിനോട് ഞാൻ ചോദിച്ചു.

” ഏട്ടാ …… ഒരു ഐസ് ക്രീം കൂടി……”

( അന്ന് എന്നെ ഇഷ്ടമാണ് എന്ന് പറഞ്ഞതിൽ പിന്നെ ഒരിക്കൽ പോലും പാറു എന്റെ പേര് വിളിച്ചിട്ടില്ല. അവളുടെ ഏട്ടാ….. എന്നുള്ള വിളിയിൽ ഉണ്ടായിരുന്നു അവളുടെ സ്നേഹത്തിന്റെ ആഴം .)

” പാറു …… രണ്ട് ഐസ് ക്രീം കഴിച്ചില്ലേ .. ഇനിയും വേണോ … ”

” മ് വേണം …. ഏട്ടൻ തന്നെ വാങ്ങി തരണം . ”

ഒരു കൊച്ച് കുട്ടിയെ പോലെ അവൾ പറഞ്ഞു .

” മ് …. വാ ….”

ഞാനതും പറഞ്ഞ് എണീറ്റ് പാന്റിൽ പറ്റിയ മണൽ തട്ടി കളഞ്ഞു . എന്നെ നോക്കി വലത് കൈ നീട്ടി താഴെ തന്നെ ഇരിക്കുകയാണ് പാറു . ഞാൻ അവളുടെ കയിൽ പിടിച്ച് വലിച്ച് എണീപ്പിച്ചു.

ഞങ്ങൾ നേരെ നടന്ന് വണ്ടിയിൽ ഐസ്ക്രീം വിൽക്കുന്ന ചേട്ടന്റെ അടുത്തേക്ക് നടന്നു . ഒഴിവ് ദിവസം ആയതിനാൽ കടല് കാണാനും സൂര്യ അസ്തമനം കാണാനും ഒരു പാട് ഫാമിലികളും പ്രണയ ജോഡികളും ആ ബീച്ചിലൂടെ ഒഴുകി നടക്കുന്നുണ്ടായിരുന്നു . ഐസ്ക്രീം കടയുടെ മുന്നിൽ എത്തി രണ്ട് ഐസ്ക്രീം വാങ്ങി ഒന്ന് അവൾക്ക് നൽകി . ഒരു പുഞ്ചിരിയോടെ അവൾ അത് കയിൽ വാങ്ങി .

” താങ്ക്സ് ഏട്ടാ …. ”

അവൾ അതും പറഞ്ഞ് എന്റെ കയ്യിൽ മുറുക്കെ പിടിച്ചു.

ഒരു പുഞ്ചിരിയോടെ ഐസ് ക്രീം കഴിച്ച് കൊണ്ടിരുന്ന അവളുടെ മുഖത്ത് ഒരു പേടിയുടെ നിഴൽ വീണത് ഞാൻ കണ്ടു , അവൾ എന്റെ പുറകിൽ ഒളിക്കാൻ ശ്രമിക്കുന്നത് പോലെ . ഞാൻ അവൾ നോക്കുന്ന ദിശയിലേക്ക് നോക്കി . രണ്ട് കണ്ണുകൾ ദേഷ്യ ഭാവത്തിൽ അവളെ നോക്കിയ ശേഷം അയാൾ അവിടെ നിന്ന് നടന്നകന്ന് ഒരു BMW കാറിൽ കയറി പോയി .

” എന്താ …. പാറു എന്തിനാ താൻ പേടിക്കുന്നത് ? ”

ഞാൻ പാറുവിനെ കൈകൾ കൊണ്ട് ചേർത്ത്
നിർത്തിയ ശേഷം ചോദിച്ചു .

” അത് ….. അയാൾ എന്റെ രണ്ടാനച്ഛൻ . ”

അവളുടെ വാക്കുകൾ ഇടറുന്നുണ്ടായിരുന്നു .

” തനിക്ക് പേടിയുണ്ടോ? ”

ഞാൻ പാറുവിന്റെ മുഖത്തേക്ക് നോക്കി ചോദിച്ചു .

” പേടി ഇല്ല എന്നാലും …… ”

” ഒന്നും ഇല്ല എന്റെ പാറു ….. ബി കൂൾ ….. ഇനി ഇവിടെ നിൽക്കണ്ട നമുക്ക് പോകാം വാ ….. ”

ഞങ്ങൾ ഐസ്ക്രീമും കഴിച്ച് വേഗം അവിടുന്ന് ഇറങ്ങി. യാത്രയിൽ മുഴുവൻ ഒന്നും സംസാരിക്കാതെ എന്തോ ആലോചനയിൽ മുഴുകി ഇരിക്കുന്ന പാറുവിനെയാണ് ഞാൻ കണ്ടത് .