?സ്നേഹ തീരം 4? [ ചെകുത്താനെ സ്നേഹിച്ച മാലാഖ ] 582

ഞാനതു പറഞ്ഞതും അവൾ ഒന്നും പറയാതെ ഒരു ചിരിയോടെ എന്റെ തോളിലേക്ക് ചാരി …..

” എന്താ പാറു ഒന്നും പറയാൻ ഇല്ലേ … താൻ പറയാൻ വന്ന കാര്യം കൂടി ഞാൻ അങ്ങോട്ടാ പറഞ്ഞത് …. ”

ഞാനത് പറഞ്ഞതും അവൾ തല ഉയർത്തി എന്നെ നോക്കി .

” വിൽ യു മേരി മി … ? ”

ഒരു പുഞ്ചിരി കലർന്ന സ്വരത്തിൽ അവൾ ചോദിച്ചു.

” മ് …… നോക്കാം വേറെ വഴിയില്ലല്ലോ …. ”

ഞാൻ ചിരിച്ച് കൊണ്ട് പറഞ്ഞതും എന്റെ കയ്യിൽ തന്ന ഒരു ഒരു നുള്ള് ആയിരുന്നു അവളുടെ മറുപടി .

” പാറൂ ….. എന്താ ഇത് . എനിക്ക് വേദനിച്ചു കേട്ടോ …. ”

ഞാൻ അത് പറഞ്ഞതും അവൾ നുള്ളിയ സ്ഥലത്ത് കൈ കൊണ്ട് തടവാൻ തുടങ്ങി . അത് കണ്ട് ഞാൻ ഇരുന്ന് ചിരിക്കുന്നത് കണ്ടപ്പോൾ തന്നെ അവൾക്ക് മനസ്സിലായി ഞാൻ നുണ പറഞ്ഞതാണെന്ന് .

” പാറൂ …… എന്റെ അനുജത്തി എല്ലാം അറിഞ്ഞു. അവൾ ഇന്നലെ നമ്മൾ ബൈക്കിൽ പോകുന്നത് കണ്ടു . അവൾ ചോദിച്ചപ്പോൾ ഞാൻ എല്ലാം കാര്യവും പറഞ്ഞു . അവൾ അവസാനം പറഞ്ഞത് എന്താണെന്നോ … പാറു ചേച്ചിക്ക് ഏട്ടനെ പെരുത്ത് ഇഷ്ടമാണെന്ന് തോന്നുന്നൂന്ന് … പിന്നെ അവൾ താൻ പഠിക്കുന്ന കോളേജിൽ തന്റെ തന്നെ ജൂനിയറാ ….. ”

ഞാൻ പറഞ്ഞതൊക്കെ കേട്ട് ഒരു ആശ്ചര്യത്തോടെ എന്നെ നോക്കി ഇരിക്കുകയായിരുന്നു പാറു . ഞങ്ങളുടെ സംസാരം അങ്ങനെ നീണ്ടു . എന്റെ കുടുംബത്തെ പറ്റി പാറുവും പാറുവിന്റെ കുടുംബത്തെ പറ്റി ഞാനും കൂടുതലായി മനസ്സിലാക്കി .

പാറുവിന്റെ അച്ഛനും അമ്മയും മരിച്ചതിൽ പിന്നെ അവൾ ഒറ്റപ്പെട്ട് ജീവിക്കുകയായിരുന്നു എന്ന് എനിക്ക് മനസ്സിലായി . അവളുടെ രണ്ടാനച്ഛൻ ആൾ അൽപം ദേഷ്യക്കാരനാണെന്നും അയാളും പാറുവും തമ്മിൽ വലിയ സംസാരമൊന്നും ഇല്ല എന്നും എനിക്ക് മനസ്സിലായി .
അവളെ കൂടുതലായി സന്തോഷിപ്പിക്കണം പഴയ പാറു ആക്കി മാറ്റി എടുക്കണം എന്ന് എന്നോട് ചേട്ടായിയും പറഞ്ഞു .

……

അങ്ങനെ നാളുകൾ നിമിഷങ്ങൾ പോലെ കൊഴിഞ്ഞു പോയി. വസന്തവും ശിശിരവും എല്ലാം മാറി വന്നു . ഞങ്ങൾ കൂടുതലായി അടുക്കുന്ന നാളുകളായിരുന്നു പിന്നീട് . പ്രണയം എന്ന അനുഭൂതി മാത്രം മനസ്സിൽ നിറഞ്ഞ് നിന്ന നിമിഷങ്ങൾ . ഞാനും പാറുവും തമ്മിലുള്ള ബന്ധം കിച്ചു എനിക്ക് വാക്ക് തന്നതു പോലെ തന്നെ ആരോടും പറഞ്ഞില്ല .

ഒഴിവ് സമയത്തും ഞായറാഴ്ചകളിലും വീട്ടിൽ നിന്ന് എന്തെങ്കിലും പറഞ്ഞ് മുങ്ങി ഞാൻ പാറുവുമായി ചുറ്റികറങ്ങിനടക്കും . ആ കുന്നും പാറയും മരത്തിന്റെ തണലും എല്ലാം ഞങ്ങളുടെ ജീവിതത്തിന്റെ ഭാഗമായിമാറി , രാത്രിയിൽ ഫോൺ വിളിയും ചാറ്റിങ്ങും തകൃതിയായി നടന്നു. ജീവിതത്തിൽ പ്രണയം എന്ന വികാരം എന്തെന്ന് മനസ്സിലാക്കിയ നിമിഷങ്ങളായിരുന്നു പിന്നീട് . അവളുടെ മുഖത്തെ പുഞ്ചിരി കണ്ട് ഞാൻ അതിൽ സന്തോഷിച്ച് തുടങ്ങി ഏതോ ഒരു മുൻ ജന്മ ബന്ധം പോലെ ……. എന്തോ അവളുടെ ശബ്ദം കേൾക്കാതെ ആ പുഞ്ചിരിച്ച മുഖം കാണാതെ ഉറങ്ങാൻ കഴിയാത്ത ഒരു തരം ഭ്രാന്തായി എന്റെ മനസ്സിൽ പ്രണയം വളർന്നു . ഒന്ന് രണ്ട് പ്രാവശ്യം ഞാനും പാറുവുമായി കുന്നിന്റെ മുകളിൽ ഇരിക്കുന്നത് കണ്ട അവിടെയുള്ള