?സ്നേഹ തീരം 4? [ ചെകുത്താനെ സ്നേഹിച്ച മാലാഖ ] 582

ഒരു പുഞ്ചിരിച്ച മുഖവുമായി എന്റെ മുഖത്തെ ഓക്സിജൻ മാസ്ക് മാറ്റി കൊണ്ട് ആ ഡോക്ടർ പറഞ്ഞു .

” ബന്ധുകളിൽ ഒരാളോട് മാത്രം അകത്ത് ഇരിക്കാൻ പറഞ്ഞോളു . പിന്നെ പേഷിയന്റിനെ സംസാരിപ്പിക്കരുത് എന്ന് പ്രതേകം പറയണം . ”

ആ ഡോക്ടർ ആ നേഴ്സിനോട് പറഞ്ഞ ശേഷം അവർ പുറത്തേക്ക് പോയി.

അല്പം കഴിഞ്ഞതും കിച്ചു ഡോറ് തുറന്ന് അകത്തേക്ക് വന്നു . അവളുടെ കണ്ണുകൾ കരഞ്ഞ് ചുവന്ന് കിടക്കുന്നു മുഖമാകെ സങ്കടത്താൻ മറ്റൊരു കോലം . കിച്ചു വന്ന് ബെഡ്ഡിന്റെ അടുത്തുള്ള ഒരു ചെയറിൽ ഇരുന്നു . അവൾ ആ നനഞ്ഞ കണ്ണുകളോട എന്നെ നോക്കി .

” അച്ഛൻ …. അമ്മ ….. ”

ഞാൻ പതിയെ ചോദിച്ചു .

” അവർ പുറത്തുണ്ട് അകത്ത് വന്നാൽ കരഞ്ഞ് പിടിച്ച് ബഹളമാകും. ”

കിച്ചു എന്റെ ട്രിപ്പ് കയറുന്ന കയ്യിൽ തടവി കൊണ്ട് പറഞ്ഞു .

” പാറു ….. ”

ഞാൻ പതിയെ ചോദിച്ചു .

അവൾ ഒരു ഞെട്ടലോടെ എന്നെ നോക്കി .

” ചേട്ടൻ അധികം സംസാരിക്കരുത് എന്നാ ഡോക്ടർ പറഞ്ഞത് . ചേട്ടൻ റെസ്റ്റ് എടുക്ക് . ”

കിച്ചു അതും പറഞ്ഞ എനിക്ക് മുഖം തരാതെ കണ്ണിൽ വന്ന് നിറഞ്ഞ കണ്ണുനീർ വിരലുകൾ കൊണ്ട് ഒപ്പി എടുത്ത ശേഷം പുറത്തേക്ക് പോയി .

എന്റെ മനസ്സിൽ പല ചിന്തകളും വന്ന് മൂടി . അയാൾ എന്റെ പാറുവിനെ എന്തെങ്കിലും ചെയ്ത് കാണുമോ എന്നുള്ള പേടി മനസ്സിൽ കൂടി കൂടി വന്നു..

അങ്ങനെ ചില ദിവസങ്ങൾ കടന്നു പോയി . അച്ഛൻ ഒന്നും എന്നോട് സംസാരിക്കുന്നില്ല അമ്മ വന്നിരുന്ന് കരയുന്നതല്ലാതെ അമ്മയും ഒന്നും മിണ്ടുന്നില്ല. കിച്ചു എന്റെ അടുത്ത് പോലും വരാതെ ഒഴിഞ്ഞ് മാറി നടക്കാൻ തുടങ്ങി . എനിക്ക് ഒന്നും മനസ്സിലായില്ല . ചോദിച്ചിട്ട് ആരും ഒന്നും പറയുന്നുമില്ല എന്ന അവസ്ഥ .

ഒരു ദിവസം ചേട്ടായി എന്നെ കാണാൻ ഹോസ്പിറ്റലിൽ വന്നു . പാറുവിന്റെ കാര്യം ചോദിച്ചപ്പോൾ തന്നെ ഒന്നും പറയാതെ പുറത്തേക്ക് ഇറങ്ങി പോയി എന്തോ എന്നിൽ നിന്ന് എല്ലാപേരും ഒളിക്കുന്നത് പോലെ . എന്റെ മനസ്സിലെ പേടി ഒന്നുകൂടി കൂടി .

………

ICU വിൽ നിന്ന് വാർഡിലേക്ക് മാറ്റിയ ദിവസം . ബെഡിൽ തലയണ വച്ച് പതിയെ ചാരി ഇരിക്കുകയായിരുന്നു ഞാൻ . എനിക്ക് കഞ്ഞി തരാനായി വന്ന കിച്ചുവിന്റെ കയ്യിൽ ഞാൻ ബലമായി പിടിച്ച് അവളെ നിർത്തി .

” നിങ്ങളാരും എന്നോട് ഒന്നും പറയാത്തതെന്താ . കിച്ചൂ… ഞാൻ പാറുവിനെ കുറിച്ച് ചോദിക്കുമ്പോൾ നീ എന്തിനാ ഒഴിഞ്ഞ് മാറുന്നത് , എന്താ കിച്ചു എന്താ പ്രശ്നം . പാറു അവളെ കുറിച്ച് എന്തെങ്കിലും അറിയാമെങ്കിൽ പറ ഇല്ലെങ്കിൽ ഞാൻ ടെൻഷനടിച്ച് മരിക്കും ….. ഒന്നു പറ കിച്ചൂ….. ”

ഞാനതു പറഞ്ഞതും എന്റെ കണ്ണുകൾ നിറഞ്ഞ് ഒഴുകാൻ തുടങ്ങി . കിച്ചു എന്റെ കൈ പിടിച്ച് മാറ്റി .