?സ്നേഹ തീരം 4? [ ചെകുത്താനെ സ്നേഹിച്ച മാലാഖ ] 582

ഉടനെ തന്നെ അവൾ മറുപടി തന്നു .

“നീ …. ഫോൺ വയ്ക്ക് ഞാൻ ദാ വരുന്നു. ”

ഞാൻ കോൾ കട്ട് ചെയ്ത ശേഷം കിച്ചുവിനെ വിളിച്ചു.

” കിച്ചു …… ”

” എന്താ ചേട്ടാ……? ”

എന്റെ വിളികേട്ട് റൂമിലേക്ക് വന്ന കിച്ചു കാര്യം തിരക്കി . ഞാൻ കാര്യങ്ങളെല്ലാം കിച്ചുവിനോട് പറഞ്ഞു .

” അപ്പൊ ഏട്ടൻ പാർവ്വതി ചേചിയെ വിളിച്ച് ഇറക്കാൻ പോകുവാണോ …. ? ”

ഞാൻ പറഞ്ഞതെല്ലാം കേട്ട കിച്ചു എന്നോട് ചോദിച്ചു.

” അതെ പാറു … വെറെ വഴിയില്ല …. ഞാൻ അച്ഛനോടും അമ്മയോടും ഒന്നും പറയുന്നില്ല . ഞാൻ പോയ ശേഷം കിച്ചു നീ … ”

” ഏട്ടൻ അതോർത്ത് വിഷമിക്കണ്ട ഞാൻ പറഞ്ഞ് സമ്മതിപ്പിച്ചോളാം …. ഏട്ടൻ പെട്ടെന്ന് പോയി ചേച്ചിയെ വിളിച്ചോണ്ട് വാ…..”

കിച്ചു ഒരു പുഞ്ചിരിയോടെ എന്നോട് പറഞ്ഞു.

” താങ്ക്സ് കിച്ചു. ”

ഞാൻ കിച്ചുവിന്റെ തലയിൽ ഒന്ന് തലോടി നന്ദി പറഞ്ഞ ശേഷം പുറത്തിറങ്ങി ബുള്ളറ്റ് സ്റ്റാർട്ട് ചെയ്തു .

” എവിടേക്കാടാ ഈ രാത്രി …. ”

ഞാൻ ദൃതി പിടിച്ച് പുറത്തേക്ക് ഇറങ്ങുന്നത് കണ്ട അച്ഛൻ ചോദിച്ചു.

” അച്ഛാ ……. എല്ലാ കാര്യവും കിച്ചു പറയും ….. ”

ഞാനതും പറഞ്ഞ് ബുള്ളറ്റ് മുൻപോട്ട് എടുത്തു..
ഇനി ഒരിക്കലും പാറു കരയാനുള്ള അവസ്ഥ വരരുത് എന്ന് തീരുമാനിച്ച ഞാൻ അവളുടെ അടങ്ങാത്ത കരച്ചിൽ കേട്ട സങ്കടത്തിലും അതിന് കാരണക്കാരനായ അയാളോടുള്ള ദേഷ്യത്തിലും എനിക്ക് എന്നെ തന്നെ നിയന്ത്രിക്കാൻ കഴിയാത്ത അവസ്ഥയിലായിരുന്നു . ബുള്ളറ്റ് അതി വേഗത്തിൽ തന്നെ റോഡിലൂടെ കുതിച്ച് പാഞ്ഞു . അയാളോടുള്ള ദേഷ്യം ബുള്ളറ്റിന്റെ ആക്സിലേറ്ററിന്റെ ആക്കം കൂടുന്നതിന് കാരണമായി .

…….

ബുള്ളറ്റ് ഗേറ്റിന് പുറത്ത് വച്ച് ഞാൻ ഗേറ്റ് തള്ളി തുറന്ന് നേരെ ഞാൻ വീടിനകത്തേക്ക് കയറി.

” പാറൂ ……. പാറൂ …….. ”

ഞാൻ വീടിന്റെ അകത്ത് ഹാളിൽ കയറി ചുറ്റുപാടും നോക്കി ഉറക്കെ വിളിച്ചു.

എന്റെ വിളി കേട്ട് അയാൾ പാറുവിന്റെ രണ്ടാനച്ഛൻ രണ്ടാമത്തെ നിലയിൽ നിന്ന് സ്റ്റെപ്പ് വഴി നടന്ന് താഴേക്ക് വന്നു .

” ടാ…… എന്ത് ദൈര്യത്തിലാടാ നീ വന്നത് …… ഇറങ്ങിപ്പോടാ നായേ…… ”

ഉറച്ച ദേഷ്യം കലർന്ന സ്വരത്തിൽ അയാൾ എന്നോട് പറഞ്ഞ് അയാൾ എന്നെ തള്ളി വീടിന് പുറത്താക്കാൻ നോക്കി.

എന്റെ ഉള്ളിലെ ദേഷ്യം മുഴുവൻ ശരീരത്തിലേക്ക് വ്യാപിച്ചു . കണ്ണുകൾ ചുവന്നു , ശരീരം ചുട്ടു പഴുത്തു . അയാൾ തള്ളിയതും ഞാൻ ബ്രേക്ക് ഇട്ടതു പോലെ നിന്ന് അയാളെ തറപ്പിച്ച് നോക്കി .