?സ്നേഹ തീരം 4? [ ചെകുത്താനെ സ്നേഹിച്ച മാലാഖ ] 582

മെനിഞ്ഞാന്ന് കാറ് കേടയി കിടന്ന സമയം എന്നെ വിളിച്ചപ്പോൾ അവൾ പറഞ്ഞതു കൊണ്ടാ ഞാൻ അങ്ങനെ പേടിച്ചത് പോലെ അഭിനയിച്ചതൊക്കെ … പിന്നെ അവൾ ഒന്നും നിന്നോട് പറയരുത് എന്ന് പറഞ്ഞിരുന്നു . പക്ഷെ ഇതൊന്നും എന്റെ മനസ്സിൽ നിൽക്കത്തില്ല അതാ ഞാൻ നിന്നോട് പറഞ്ഞ് പോയത് .. മ് എന്താ മോന്റെ തീരുമാനം എന്റെ പെങ്ങളെ ചതിച്ചാൽ നിന്നെ ഞാൻ തന്നെ ചവട്ടി കൂട്ടും ….. ”

ചേട്ടായി അത് പറഞ്ഞതും ചേട്ടായിയും ഞാനും ഒരുമിച്ച് ചിരിച്ചു.

” അവള് പാവമാടാ കരയിപ്പിക്കരുത് .. ജീവിതത്തിൽ ഒരുപാട് കരഞ്ഞതാ അവൾ . ഇനി ആ കണ്ണ് നിറയാൻ നീ സമ്മതിരുത് .”

ചേട്ടായി എന്റെ തോളിൽ തട്ടികൊണ്ട് പറഞ്ഞു .

” ശരി ചേട്ടായി കരയിപ്പിക്കില്ല , പാറുവിനെ ഞാൻ നോക്കിക്കോളാം ….. ”

ചേട്ടായി പറഞ്ഞ എല്ലാ വാക്കുകളും കേട്ട എന്റെ മനസ്സിൽ നിന്ന് തന്നെ ആ വാക്കുകൾ അറിയാതെ പുറത്ത് വന്നു.

” മ് നീ വിട്ടോ ….. ഉച്ചയ്ക്ക് ശേഷം നിനക്ക് ലീവാ … കാരണം പിന്നീട് പിടികിട്ടിക്കോളും
പൊയ്ക്കോ….. ”

ചേട്ടായി ഒരു കള്ള ചിരിയോടെ എന്നോട് പറഞ്ഞു.
ചേട്ടായിയോട് കാരണം ചേദിച്ചിട്ട് കാര്യം ഇല്ല എന്ന് എനിക്ക് മനസ്സിലായി ….. ഞാൻ എണീറ്റ് പുറത്തേക്ക് നടന്നു.

‘എനിക്കെന്തിനാ ഇന്ന് ഉച്ചയ്ക്ക് ശേഷം ലീവ് ….. ആ …. എന്തോ ….. അപ്പൊ അവൾക്ക് എന്നെ ഇഷ്ടമാണ് ഓ …….. യെസ് .’

ഞാനതും വിജാരിച്ച് യുദ്ധം ജയിച്ച് ലോകം കീഴടക്കിയ യോദ്ധാവിനെപ്പോലെ ബൈക്കുമായി ഗ്യാരേജിന് പുറത്തേക്ക് ഇറങ്ങി . അടുത്തുള്ള ഒരു ചെറിയ ഹോട്ടലിന്റെ പുറത്ത് ബുള്ളറ്റ് വച്ച് അവിടെ നിന്ന് ഒരു ഊണും കഴിച്ച് ഞാൻ ഹോട്ടലിന്റെ പുറത്തേക്കിറങ്ങിയപ്പോഴേക്കും പോക്കറ്റിൽ കിടന്ന എന്റെ ഫോൺ ശബ്ദിച്ചു .

ഫോണിന്റെ ഡിസ്പ്ലേയിൽ തെളിഞ്ഞ് നിൽക്കുന്നത് ‘ പാറു ‘ എന്ന പേരായിരുന്നു.. ഒരു നിമിഷം ഞാൻ സന്തോഷം കൊണ്ട് നിശ്ചലനായിപ്പോയി .
ഞാൻ വേഗം കോൾ എടുത്തു..

” ഹലോ….. ആരാണ് ? ”

ഞാൻ വെറുതെ ഒന്ന് പറ്റിക്കാൻ വേണ്ടി ചോദിച്ചു .

” ഞാൻ പാറുവാണ് പാർവ്വതി , വിഷ്ണു ഗ്യാരേജിൽ നിന്ന് ഇറങ്ങിയോ … ? ”

അവളുടെ മധുരമൂറുന്ന ശബ്ദത്താൽ അവൾ പതിയെ ചോദിച്ചു.

‘ അപ്പൊ പാറുവാണ് എനിക്ക് ഇന്നും ലീവ് വാങ്ങി തന്നത് . ‘

ഞാനതും മനസ്സിൽ വിജാരിച്ച് അവളെ ഒന്ന് കുഴപ്പിക്കാനായി പറഞ്ഞു തുടങ്ങി .

” ഇല്ല പാറു ഞാൻ ഇറങ്ങീല … ഞാൻ ഇറങ്ങാൻ വൈകിട്ടാകും എന്തേ …..? ”

എന്റെ മനസ്സിൽ വന്ന ചിരി അടക്കി കൊണ്ട് ഞാൻ പറഞ്ഞു .

” അപ്പൊ അജിൻ ചേട്ടൻ ഒന്നും പറഞ്ഞില്ലേ … ലീവിന്റെ കാര്യം …. ”

അവൾ ഒരു സംശയത്തോടെ എന്നോട് ചോദിച്ചു .