ആദ്യം തന്നെ വൈകിയതിനു ക്ഷമ ചോദിക്കുന്നു. വീട്ടിൽ കുറച്ച് പരിപാടികൾ ഉണ്ടായിരുന്നു. അതിന്റെ തിരക്കിലായിരുന്നു. കഥ എഴുതാൻ പോയിട്ട് സൈറ്റിൽ  വരാൻ പോലും പറ്റിയില്ല. പഠിക്കാനും ഉണ്ടായിരുന്നു. അധികം പറഞ്ഞ് ബോറടിപ്പിക്കുന്നില്ല. വായിക്കു.

ചെമ്പനീർപ്പൂവ് 8

Chembaneer Poovu part 8 | Author : Kuttappan | Previous Part

ജയശങ്കറിന്റെ  ബിസിനസ്സ് പാർട്ണറായിരുന്നു രാജീവ്. ജയശങ്കരിന്  ഒരു ഏട്ടനെപോലെയായിരുന്നു അയാൾ.

ജയശങ്കറിന്റെ വീട്ടിൽ പൂർണ സ്വാതന്ത്ര്യം ഉള്ളയാൾ.

“അജൂട്ടാ… ” എന്ന രാജീവിന്റെ നീട്ടിയുള്ളവിളി കേട്ട് ഓടിച്ചെന്ന് അയാളെ കെട്ടിപ്പിടിച്ച് കുഞ്ഞജയ്  അയാൾക് നേരെ കൈ നീട്ടി.

” അച്ചോടാ… മുട്ടായി വാങ്ങാൻ മറന്നല്ലോ അജൂട്ടാ. അങ്കിൾ നാളെ വാങ്ങിത്തരാവേ. ”

അയാൾ അവനോട് പറഞ്ഞു.

” അങ്കിൾ ചീത്തയാ ഞാങ്കൂച്ചില്ല. ന്നോട് മിണ്ടണ്ട. ”

കുഞ്ഞജയ് പിണങ്ങി.

” ഇഞ്ചൂഷേ…. അങ്കിൾ നിച്ച് മുട്ടായി വാങ്ങിത്തന്നില്ല. ”

അവൻ അമ്മയോട് പരിഭവം പറഞ്ഞു.

” പോട്ടേ… അച്ഛ വരുമ്പോ മുട്ടായി കൊണ്ടരാൻ  ഇന്ദൂസ് പറയാട്ടോ. ”

“നല്ല ഇഞ്ചൂഷ്” എന്നും പറഞ്ഞ് അവൻ ഇന്ദിരയെ കെട്ടിപിടിച്ചു.

” അജൂട്ടാ ദേ നോക്കിക്കേ… ”

രാജീവ്‌ അയാളുടെ പോക്കറ്റിൽ നിന്ന് രണ്ട് ചോക്ലേറ്റ് എടുത്ത് അവന് നേരെ നീട്ടി.