?സ്നേഹ തീരം 4? [ ചെകുത്താനെ സ്നേഹിച്ച മാലാഖ ] 582

ഞാൻ പാറുവിന്റെ മുത്തേക്ക് നോക്കി ചോദിച്ചു

” അതിന് ഞാൻ കാണണം എന്ന് പറഞ്ഞില്ലല്ലോ….. ”

പാറു എന്റെ മുഖത്ത് നിന്ന് നോട്ടം മാറ്റി ദൂരത്തേക്ക് നോക്കി കൊണ്ട് പറഞ്ഞു.

” പിന്നെ എനിക്ക് ഉച്ചയ്ക്ക് ശേഷം ലീവ് വാങ്ങി തന്നത് എന്തിനാ ? പിന്നെ താൻ എന്നെ ഫോണിൽ വിളിച്ചത് എന്തിനാ ? ….. അപ്പൊ ശരി ഞാൻ എന്തിനാ വെറുതെ ഇവിടെ ഇരിക്കുന്നേ ഞാൻ വീട്ടിലേക്ക് പോകുവാ ബൈ .. ”

ഞാനതും പറഞ്ഞ് എണീക്കാൻ തുനിഞ്ഞു

” അയ്യോ പോവല്ലെ … എനിക്ക് ഒരു കാര്യം പറയാൻ ഉണ്ട് . ”

ഒരു പുഞ്ചിരിയോടെ പാറു അത് പറഞ്ഞപ്പോൾ ഞാൻ വീണ്ടും അവിടെ ഇരുന്നു .

” മ് പറ എന്താ കാര്യം …. ”

ഞാൻ പാറുവിന്റെ മുഖത്തേക്ക് നോക്കി ചോദിച്ചു

” അത് …. അത് …… ”

പാറു ഒരു നാണം കലർന്ന പുഞ്ചിരിയോടെ പറയാനായി ഒരുങ്ങി പക്ഷെ അവൾ പറയാതെ വിക്കി വിക്കി സംസാരിക്കുന്നതാണ് ഞാൻ കണ്ടത് .

” എന്താടോ ഒരു സ്റ്റാർട്ടിങ് പ്രോബ്ളം … എന്നാൽ തനിക്ക് പറയാനുള്ളത് ഞാൻ അങ്ങോട്ട് പറയട്ടെ ….. ”

ഞാനത് പറഞ്ഞപ്പോൾ ഒരു ആകാംഷയോടെ അവൾ എന്നെ നോക്കി .

” നാളെ സൺഡേ ആണ് അതു കൊണ്ട് എവിടെയെങ്കിലും കറങ്ങാൻ കൊണ്ടുപോകണം അതല്ലേ …. ”

ഞാൻ ഒരു ചിരിയോടെ പറഞ്ഞ് അവളുടെ മുഖത്തേക്ക് നോക്കി . അവളുടെ മുഖത്തെ ചിരി മാറി അല്പം ദേഷ്യഭാവം നിരാശയും വന്നു താൻ പ്രതീക്ഷിച്ചതല്ലല്ലോ പറഞ്ഞത് എന്ന് ഓർത്ത് .

” അതല്ല …. ”

പ്രതീക്ഷിച്ചത് കേൾക്കാൻ കഴിയാത്ത ഒരു പരിഭവത്തോടെ അവൾ പറഞ്ഞു .

” ഒക്കെ …. താൻ പറ ”

” അത് ….. ”

വീണ്ടും അവൾ വാക്കുകൾ തപ്പി തടയാൻ തുടങ്ങി . ഞാനവളുടെ ഇടതുതുകൈ എന്റെ വലതു കൈക്കുള്ളിൽ ആക്കി കോർത്ത് പിടിച്ചു.

” ‘ ഐ ലവ് യു ‘ ഈ മൂന്ന് വാക്ക് പറയാൻ അല്ലേ താൻ കുറേ നേരമായി പെടാപ്പാട്പെടുന്നത് .

ഞാനത് പറഞ്ഞ് അവളെ നോക്കിയതും സന്തോഷും നാണവും കൊണ്ട് ഒരൽഭുതത്തോടെ എന്നെ നോക്കുകയാണ് അവൾ .

” അജിൻ ചേട്ടൻ എല്ലാം എന്റോടെ പറഞ്ഞു . ”

അതുകൂടെപറഞ്ഞതും അവളുടെ കണ്ണുകൾ ഒന്നുകൂടെ വിടർന്നു , പതിയെ കണ്ണുകൾ നിറയുന്നത് ഞാൻ കണ്ടു .

” എന്തിനാ പാറു കണ്ണ് നിറഞ്ഞത് …. ”

” അത് … എന്നെ ഏട്ടന് ഇഷ്ടമാകുമോ എന്ന് പേടിച്ച് അതിനുള്ള അർഹത എനിക്ക് ഉണ്ടോ എന്ന് …. ”

പാറു അത് പറഞ്ഞപ്പോൾ അവളുടെ വാക്കുകൾ ഇടറുന്നുണ്ടായിരുന്നു .

” പാറു … ഇത് ഞാൻ തന്നോട് പറയേണ്ട വാക്കുകളല്ലേ എനിക്കല്ലേ അർഹത ഇല്ലാത്തത് ഇങ്ങനെ ഒരു സുന്ദരി കുട്ടിയെ പ്രേമിക്കാൻ …. പിന്നെ ആ ഏട്ടാ…. എന്നുള്ള വിളി എനിക്ക് ഇഷ്ടപ്പെട്ടു കേട്ടോ… ”