?സ്നേഹ തീരം 4? [ ചെകുത്താനെ സ്നേഹിച്ച മാലാഖ ] 582

അല്ലെങ്കിൽ തന്നെ ഞാനെന്തിനാണ് ഇങ്ങനെ ചിന്തിച്ച് കൂട്ടുന്നത് , അവളും ഞാനും അത് രണ്ടും രണ്ട് തട്ടിലാണ് പിന്നെ എങ്ങനെ . ഇതുവരെ ആരെയും പ്രേമിച്ചിട്ടില്ല എന്നിട്ടല്ലേ ഇനി ….. വിധിയിയില്ല . ചിലപ്പോൾ അവളെ ഇനി എന്നെങ്കിലും കാണാൻ പറ്റുമോ എന്ന് പോലും അറിയില്ല … വെറുതേ കുറേ ആഗ്രഹങ്ങൾ വന്ന് കേറിക്കോളും മനസ്സിൽ … ‘

ചിന്തകൾക്ക് തിരശീലയിട്ടു കൊണ്ട് ഞാൻ നേരെ പുതപ്പ് തലവഴി മൂടി കിടന്നുറങ്ങാൻ തുടങ്ങി …..

………………

ഒരു സ്വപ്നവും ഉറക്കത്തിന് വിലങ്ങുതടിയായി വരാത്തതുകാരണം ഞാൻ നേരത്തെ തന്നെ എണീറ്റു. കുളിയും മറ്റ് പരിപാടിയൊക്കെ കഴിഞ്ഞ് ഞാൻ റൂമിൽ വന്ന് കട്ടിലിന്റെ ഒരു വശത്ത് കിടന്ന ഫോൺ കയ്യിലെടുത്തു ….. വെറുതെ വാട്സ് ആപ്പ് തുറന്ന് നോക്കിയപ്പോൾ പരിചയം ഇല്ലാത്ത ഒരു നമ്പറിൽ നിന്നും

“ഹായ് ”

“ഗുഡ് മോണിംഗ് ”

എന്നിങ്ങനെ മെസേജുകൾ വന്ന് കിടക്കുന്നു . പ്രൊഫൈൽ ഫോട്ടോ നോക്കിയപ്പോൾ പാറുവിന്റെ ചിരിച്ചു കൊണ്ട് നിൽക്കുന്ന ഒരു സെൽഫി ഫോട്ടോ ആണ് . അത് ഇന്നലെ പാറയുടെ മുകളിൽ വച്ച് അവൾ എടുത്തതാണെന്ന് എനിക്ക് മനസ്സിലായി .

‘ ഇവൾക്ക് എങ്ങനെ എന്റെ നമ്പർ കിട്ടി . ‘

ഞാനതും മനസ്സിൽ വിജാരിച്ച് ഫോണിൽ പാറുവിന്റെ നമ്പർ സേവ് ചെയ്ത ശേഷം മെസേജിന്റെ റിപ്ലെ അയച്ചു. പക്ഷെ പാറു ഇപ്പോൾ ഓൺലൈനിൽ ഇല്ല എന്ന് എനിക്ക് മനസ്സിലായി ….

കാപ്പി കുടിയൊക്കെ കഴിഞ്ഞ് ഞാൻ നേരെ ഗ്യാരേജിലേക്ക് പുറപ്പെട്ടു . നാളെ ഞായറാഴ്ചയാണ് ആഴ്ചയിലെ ഒരേ ഒരു അവധി ദിവസം . വേറെ പണിയൊന്നുമില്ല കേറികിടന്ന്
ഉറങ്ങും അത്ര തന്നെ .

ഞാൻ നേരെ ഗ്യാരേജിന്റെ അകത്ത് എന്റെ പടക്കുതിര പാർക്ക് ചെയ്ത ശേഷം ഞാനകത്ത് കേറി ഗ്യാരേജ് ഡ്രെസ്സ് എടുത്തിട്ടു . മെനിഞ്ഞാന്ന് ഞാൻ പണിത വണ്ടി അങ്ങനെ തന്നെ കിടക്കുന്നുണ്ട് ആരും അതിനെ തിരിഞ്ഞ് നോക്കീട്ടില്ല .

” രൂപേഷേ…. ചേട്ടായി എത്തീലേ …. ”

ചേട്ടായിയെ അവിടെയെങ്ങും കാണാത്തതു കൊണ്ട് ഞാൻ രൂപേഷിനോട് തിരക്കി.

” ഇല്ലടാ വിഷ്ണു …. അജിൻ മുതലാളി സ്റ്റോക്ക് എടുക്കാൻ ഗോഡൗണിലേക്ക് പോയിരിക്കുവാ ഉച്ചയാകുമ്പോഴത്തേക്കും എത്തും …. ”

ഞാൻ പിന്നെ മറ്റൊന്നും ആലോചിക്കാതെ പണി തുടങ്ങി . ഈ കാറ് തിങ്കളാഴ്ച കൊടുക്കാനുള്ളത് കൊണ്ട് ഞാൻ സമയം പാഴാക്കീല ….
ഉച്ചയായപ്പോഴേക്കും ഞാൻ ഫ്രീയായി അപ്പോഴേക്കും ചേട്ടായി എത്തിയിരുന്നു ….

” വിഷ്ണു നിന്നെ അജിൻ മുതലാളി വിളിക്കുന്നു .”

രൂപേഷ് അത് പറഞ്ഞതും ഞാൻ ചേട്ടായിയുടെ ക്യാമ്പിനിലേക്ക് നടന്നു …..

” ചേട്ടായി ഞാൻ അകത്തേക്ക് വന്നോട്ടേ … ”