?സ്നേഹ തീരം 4? [ ചെകുത്താനെ സ്നേഹിച്ച മാലാഖ ] 582

‘ ദേ …. പാർവ്വതി ചേച്ചി ഒരു ബുള്ളറ്റിന്റെ പുറകിൽ ഇരുന്ന് പോണു …. ‘

എന്ന് . എന്നും ബെൻസിൽ കോളേജിൽ വരുന്ന ആള് ബുള്ളറ്റിന്റെ പുറകിൽ ഇരുന്ന് പോകുന്നു എന്ന് കേട്ടപ്പോൾ അത് കാണാൻ വേണ്ടി ഞാൻ ഒന്ന് റോഡിലേക്ക് നോക്കിയതാ … നോക്കിയപ്പോൾ പരിചയം ഉള്ള ബുള്ളറ്റും ഓടിക്കുന്നത് എന്റെ പുന്നാരചേട്ടനും പുറകിൽ പാർവ്വതി ചേച്ചിയും . പെട്ടെന്ന് കണ്ടപ്പോൾ എന്റെ കിളി അങ്ങ് പോയി …
പിന്നെ ആ ചേച്ചീടെ കൈ ഏട്ടന്റെ തോളിൽ ആയിരുന്നല്ലോ കെമസ്ട്രി വർക്ക് ആയി തുടങ്ങിയോ …. ”

ചെറിയ ഒരു പുഞ്ചിരിയോടെ കിച്ചു എന്നോട് ചോദിച്ചു.

” എന്തോന്ന് കെമസ്ട്രി…. ”

പെട്ടെന്ന് കാര്യം പിടികിട്ടാത്തതുകൊണ്ട് ഞാൻ അവളോട് ചോദിച്ചു.

” ഓ….. ഒന്നും അറിയാത്ത ഇള്ള കുഞ്ഞ്…. ചേട്ടാ പ്രേമത്തിന്റെ കെമസ്ട്രീ….. ”

” ദേ … കിച്ചു …. മിണ്ടാതിരുന്നേ …. എനിക്ക് അങ്ങനെ ഒന്നും ഇല്ല….. ”

ഞാൻ ബഡ്ഡിൽ നിന്ന് എണീറ്റ് പെട്ടെന്ന് മുഖം തിരിച്ച് കൊണ്ട് പറഞ്ഞു.

” ഞാൻ വിശ്വസിക്കണം ഈ പച്ച കള്ളം അല്ലേ എട്ടാ…… എനിക്ക് എന്റെ ഏട്ടനെ അറിഞ്ഞൂടെ . ഏട്ടന്റെ മുഖം കണ്ടാൽ അറിയാല്ലോ പറഞ്ഞത് കള്ളമാണ് എന്ന് .
ഒരു പെണ്ണിന്റെയും മുഖത്ത് പോലും നോക്കാത്ത എന്റെ സൽസ്വഭാവിയായ ചേട്ടൻ പാർവ്വതി ചേച്ചിയെ ബുള്ളറ്റിൽ കയറ്റിയതും ഒരു ദിവസം മുഴുവൻ കറങ്ങാൻ കൊണ്ടു പോയതും പിന്നെ പുണ്യം കിട്ടാൻ വേണ്ടീട്ടല്ലേ…..”

കിച്ചു എന്റെ മുൻപിൽ വന്ന് നിന്ന് പറഞ്ഞ ശേഷം എന്നെ ഒരു കള്ള ചിരിയോടെ നോക്കുകയാണ് .

” അത് കിച്ചു ……..”

” ഏട്ടൻ കിടന്ന് തപ്പി തടയണ്ട ….. എനിക്കും ആ ചേച്ചിയെ ഒരു പാട് ഇഷ്ടമാ … നിങ്ങൾ രണ്ട് പേരും നല്ല മാച്ചാ … ഏട്ടൻ പേടിക്കണ്ട ഞാൻ ആരോടും ഒന്നും പറയില്ല … ഏട്ടൻ പറഞ്ഞത് വച്ച് നോക്കുമ്പോ… ചേച്ചിക്കും ചേട്ടനെ ഒരുപാട് ഇഷ്ടം ആണെന്ന് തോന്നുന്നു … അതുകൊണ്ടല്ലേ ബീച്ചിൽ വച്ച് കെട്ടിപ്പിടിച്ചത് …. മ് നടക്കട്ടെ….. പിന്നെ എനിക്കും ഇതുപോലെ ആവശ്യം വന്നാൽ സഹായിച്ചില്ലേൽ ചേട്ടൻ വിവരം അറിയും…”

” എടീ നിന്നെ ….. ”

ഞാനതും പറഞ്ഞ് കൈ ഓങ്ങിയതും അവൾ റൂമിന് പുറത്തേക്ക് ഓടി ….

അവളുടെ ഓട്ടം കണ്ടപ്പോൾ എനിക്ക് ചിരിയാണ് വന്നത് . അല്ലെങ്കിൽ എല്ലാ കാര്യത്തിനും എനിക്കിട്ട് പാര വയ്ക്കുന്ന എന്റെ പുന്നാര അനുജത്തിയ്ക്ക് ഇത് എന്ത് പറ്റി എന്ന് ഞാൻ ഒരു നിമിഷം ആലോചിച്ച് നിന്നു . അപ്പൊ പാറു പഠിക്കുന്നതും കിച്ചു പഠിക്കുന്നതും ഒരേ കോളേജിൽ …. പാറുവിനോട് ഇന്ന് ഏത് കോളേജിൽ പഠിക്കുന്നു എന്ന് കൂടി ചോദിക്കേണ്ടതായിരുന്നു ….

ഞാനങ്ങനെ ഓരോന്നും ആലോചിച്ച് ഇരുന്നപ്പോഴേക്കും താഴെ നിന്ന് അമ്മയുടെ വിളി വന്നു …

” വിഷ്ണൂ…. വാ അത്താഴം കഴിക്കാം …… ”

ഞാനങ്ങനെ അത്താഴം ഒക്കെ വീട്ട്കാരോടൊപ്പം ഒരുമിച്ച് ഇരുന്ന് കഴിച്ച് വേഗം മുറിയിലേക്ക് പോന്നു . കട്ടിലിൽ കയറി കിടന്ന് ഓരോന്ന് ആലോചിച്ച് കൂട്ടി…

‘കിച്ചു പറഞ്ഞതു പോലെ പാറുവിന് എന്നോട് എന്തെങ്കിലും കാണുമോ…. അതോ വെറും ഒരു ഫ്രെണ്ടായിട്ടായിരിക്കുമോ കാണുന്നത് …..