??സേതുബന്ധനം 4 ?? [M.N. കാർത്തികേയൻ] 355

“അയാൾ തെറ്റുകരൻ ആണെന്ന് തോന്നുന്നുണ്ടോ”

“തെളിവുകളും സാക്ഷികളും ഒക്കെ അവനു എതിരായിരുന്നു.ഒരു ന്യായധിപന്റെ ധർമം ഞാൻ നിർവഹിച്ചപ്പോ എനിക്ക് മകനെ നഷ്ടമായി”

“സർ ന്യായാധിപന്റെ ധർമ്മം ഇക്കാലത്തും നിർവഹിക്കുന്ന താങ്കളെ എനിക്ക് അങ്ങേയറ്റം ബഹുമാനമുണ്ട്. ശെരിക്കും ഇതൊരു കലിയുഗം തന്നെയാണ്. ഇവിടെ നീതിക്ക് ഇപ്പൊ സ്ഥാനമില്ല. സത്യത്തിനു വിലയില്ല. രാഷ്ട്രീയവും മീഡിയയും ഒരു എല്ലിൻ കഷ്‌ണത്തിന്റെ രണ്ടറ്റം ഉറുഞ്ചി ജീവിക്കുന്ന നായ്ക്കൾ. അവർ പടച്ചു വിടുന്ന കള്ളങ്ങൾ വിശ്വസിച്ചു ജന്മം പാഴാക്കുന്ന കൊറേ മനുഷ്യ ജന്മങ്ങൾ. താങ്കൾ അറിയാത്ത ചിലതും ഉണ്ടാകും. ഞാൻ താങ്കളെ വിഷമിപ്പിക്കാൻ പറഞ്ഞത് അല്ല. ഒരു വട്ടമെങ്കിലും മകനോട് ഒന്നു മനസ്സ് തുറന്നു സംസാരിച്ചിരുന്നു എങ്കിൽ താങ്കൾക്ക് ഇപ്പോഴിങ്ങനെ ഉരുകി ഒലിക്കേണ്ടി വരില്ലായിരുന്നു.”

“ശെരിയാണ്. ആ കുറ്റബോധം ഒരുപാട് നാൾ എന്നെ അലട്ടി കൊണ്ടിരിക്കുന്നു. ഇപ്പോൾ ഈ യാത്ര തന്നെ മനസ്സിലെ അഴുക്കുകൾ പുറംതള്ളാൻ വേണ്ടിയാണ്”

“സർ മനസ്സിലെ അഴുക്കുകൾ പുറംതള്ളാൻ ഗംഗയിൽ തന്നെ കുളിക്കണമെന്നില്ല. മനസ്സറിഞ്ഞൊന്നു പശ്ചാത്തപിച്ചു സ്വന്തം കുളിമുറിയിൽ കുളിച്ചാലും പാപങ്ങൾ പോകും. ചെയ്ത തെറ്റുകൾക്ക് ദൈവത്തെ കൂട്ടു പിടിച്ചു മോക്ഷം നേടുന്നത് പോലെ ഒരു ബോറൻ പരിപാടി വേറെ ഇല്ല എന്നേ ഞാൻ പറയൂ”

“ഒരു ന്യായാധിപൻ എന്ന നിലയിൽ ഞാൻ ചെയ്തത് തെറ്റല്ല. പക്ഷെ ഒരച്ഛന്റെ വീക്ഷണ കോണിൽ ഞാൻ തെറ്റുകാരൻ തന്നെയാണ്. മനസ്സമാധാനമായി ഒന്നുറങ്ങിയിട്ടു ഒരു സ്വപ്നം കണ്ടിട്ട് എത്ര നാൾ ആയെന്നറിയാമോ”