??സേതുബന്ധനം 4 ?? [M.N. കാർത്തികേയൻ] 355

“അപ്പൊ പോട്ടെ. സാറേ സേതു ഞങ്ങൾ അങ്ങോട്ട് പോകുവാ. നിങ്ങൾക്ക് ബുക്ക് ചെയ്ത ടാക്സി വരില്ലേ. ഇവൻ വരും കേട്ടോ അങ്ങോട്ട്”

അവൾ അതും പറഞ്ഞു മുന്നിലേക്ക് ചിരിച്ചു കൊണ്ട് പോയി. അനിയൻ അവളുടെ ബാഗ് എടുത്തു ഒരു ഓട്ടോയിൽ കയറ്റി. അവളും അവനും ഒന്നു കൂടി തിരിഞ്ഞു യാത്ര പറഞ്ഞു. വണ്ടി മുന്നിലേക് പോയി. അൽപ നേരം ഞങ്ങൾ രണ്ടും അതും നോക്കി നിന്നു.

മേനോൻ സർ ഫോൺ എടുത്തു വിളിച്ചു ഞങ്ങൾ വന്ന കാര്യം അവരെ അറിയിച്ചു. അധികം വൈകാതെ തന്നെ ടാക്സി വന്നു. ഡ്രൈവർ എന്തോ പൻപരാഗ് പോലുള്ള സാധനം ചവക്കുന്നുണ്ട്. അതിന്റെ സ്മെൽ വണ്ടിക്കകം മുഴുവൻ ഉണ്ട്. ആൾ തിരക്കുള്ള റോഡിലൂടെ വണ്ടി മെല്ലെ മുന്നോട്ടു നീങ്ങി. വൃത്തിഹീനമായ റോഡിലൂടെ ആളുകൾ മാത്രമല്ല പശുക്കളും അലഞ്ഞു തിരിഞ്ഞു നടക്കുന്നുണ്ട്.

ശെടാ….. ഇവിടെ തൊഴുത്തൊന്നും ഇല്ലേ. വണ്ടി തട്ടി ഈ പുല്ലിനൊക്കെ വല്ലോം പറ്റിയാൽ മനുഷ്യനെ കൊല്ലുന്നതിനെക്കാൾ ശിക്ഷ ആണ്. നാട്ടുകാർ തല്ലി കൊല്ലും. ഇടവഴികളിലൂടെയായി ഇപ്പോൾ യാത്ര. വശങ്ങളിലായി സ്‌ത്രീകളും കുട്ടികളും സന്യാസികൾക്കും ആൾക്കാരും ഒക്കയുണ്ട്. പതിയെ പോകുന്നതിനാൽ കടകളും വ്യക്തമായി കാണാമായിരുന്നു. സുഗന്ധവ്യഞ്ജനങ്ങളുടെയും പട്ടു സാരികളുടെയും ഒക്കെ കടകൾ പോകുന്ന വഴിക്ക് കണ്ടു.

വണ്ടി ഒരു സ്ഥലത്ത് നിർത്തി ഡ്രൈവർ കൂടെ വരാൻ പറഞ്ഞു  ഞങ്ങൾ ലഗേജ് ഒക്കയായി പുള്ളിയുടെ പിറകെ നടന്നു. ഒരു ഊടുവഴി കടന്നു ചെന്നപ്പോൾ വലതു വശത്തായി കണ്ട കെട്ടിടത്തിനുള്ളിലേക്ക് അയാൾ കയറി. ഞങ്ങളും അയാൾക്കൊപ്പം സ്റ്റെപ്പ് ഒക്കെ കയറി മുകളിലേക്ക് പോയി.

അങ്ങേര് ഞങ്ങൾക്ക് റൂം കാണിച്ചു തന്നിട്ട് പോയി. അത്യാവശ്യം സൗകര്യമുള്ള മുറിയാണ്. ഞങ്ങൾ ലഗേജ് ഒക്കെ വെച്ചു. മേനോൻ സർ കുളിച്ചിറങ്ങി. ഞാൻ അവിടെ ഇരുന്നതെ ഉള്ളു. അല്പം കഴിഞ്ഞപ്പോ ആഹാരവും കൊണ്ടു ഒരു പയ്യൻ വന്നു. ഞങ്ങൾ കൊണ്ട് വന്ന സാധനം തുറന്നു നോക്കി. അവിടുത്തെ സ്‌പെഷ്യൽ ഫുഡ് ആണ്.

ഖച്ചോരി എന്നാണ് പേരെന്നും ആ പയ്യൻ പറഞ്ഞു.