🔰🏇സേതുബന്ധനം 3 🚩👑 [M.N. കാർത്തികേയൻ] 403

“സേതു നിനക്ക് പ്രായം കൂടുതൽ ഉണ്ടല്ലേ. നിന്റെ സർട്ടിഫിക്കറ്റ്സ് ഇന്നലെ പരിശോധിച്ചപ്പോൾ ഞാൻ കണ്ടു 22 വയസ്സുണ്ട് അല്ലെ. ഇത്ര വൈകിയത് എന്താ കോളേജിൽ ചേരാൻ”

“എന്നെ സ്കൂളിൽ ചേർത്ത് ഒരുവർഷം താമസിച്ചു ആണ്. പിന്നീട് കുറച്ചു കാലം കൃഷിയും മറ്റു പരിപാടികളുമായി കറങ്ങിത്തിരിഞ്ഞു നടന്നു.”

“ശേ… അപ്പോഴൊന്നും പഠിക്കാനും കോളേജ് ലൈഫ് അടിച്ചു പൊളിക്കാനും ഒന്നും മോഹമുണ്ടായില്ലേ”

“ഇപ്പൊ പോലും ഞാൻ വന്നു ചേർന്നത് അച്ഛൻ ഒരാളുടെ നിർബന്ധം കൊണ്ടാണ്. ഇല്ലെങ്കിൽ ഞാൻ ഈ കോളേജിൽ വരില്ലായിരുന്നു.”

“അതെന്താ…. പഠിക്കാൻ ഇഷ്ടമല്ലേ”

“പഠനം…. യഥാർഥത്തിൽ പഠനം തുടങ്ങുന്നത് നമ്മൾ ജനിക്കും മുൻപ് തന്നെയല്ലേ. അമ്മയുടെ ഗർഭപാത്രത്തിൽ കിടക്കുമ്പോൾ അവരിലൂടെ നമ്മൾ പലതും പഠിക്കും. അത് കഴിഞ്ഞു ചുറ്റുപാടുകളിലൂടെ പിന്നെ സ്കൂളിലൂടെ ഒക്കെ പഠിക്കും. ജീവിതം അങ്ങനെ ആണ്. ഒരുപാട് കാര്യങ്ങൾ നമ്മളെ പഠിപ്പിച്ചു കൊണ്ടിരിക്കും. സത്യത്തിൽ അടച്ചിട്ട ക്ലാസ് മുറികൾക്ക് ഉള്ളിൽ അല്ല തുറന്നു കിടക്കുന്ന ഈ പ്രകൃതിക്ക് ഉള്ളിലേക്ക് ഇറങ്ങി ചെന്നാണ് നമ്മൾ പഠനം നടത്തേണ്ടത്. അല്ലെ”

“താൻ നല്ല സ്റ്റൈൽ ആയിട്ട് സംസാരിക്കുന്നുണ്ട്. ഇപ്പോഴും കോളേജിൽ വരാൻ ഇഷ്ടം അല്ലല്ലേ. താനിനി വല്ലപ്പോഴും ഒക്കെയെ കോളേജിൽ വരുവോള് അല്ലെ?”

“ഏയ്.. ഞാൻ സ്ഥിരം വരും. ക്ലാസ് ഒന്നും മുടക്കില്ല”