??സേതുബന്ധനം 3 ?? [M.N. കാർത്തികേയൻ] 403

എല്ലാ മതത്തിന്റെയും അന്തസത്ത ഒന്നാണ്. അത് മനസ്സിലാകാത്തവർ ആണ് കിടന്നു തമ്മിൽ തല്ലുന്നത്. മനുഷ്യന്മാരുടെ ഉല്പത്തിക്ക് കാരണമായ നിലനിൽപ്പിനു കാരണമായ ദൈവം അത് നമ്മുടെ പ്രകൃതി തന്നെ അല്ലെ. അതിനെ നമ്മൾ ഓരോരുത്തരും പല പേരിൽ വിളിക്കുന്നു എന്നേ ഉള്ളു.

ബഷീർ പറഞ്ഞ ഒരു വാചകം കേട്ടിട്ടില്ലേ. ലോകത്തിൽ രണ്ടു തരം ആളുകളുണ്ട്. മതത്തിൽ വിശ്വസിക്കുന്നവരും വിശ്വസിക്കാത്തവരും. അവിശ്വാസികൾ എല്ലാം ഒറ്റക്കെട്ടാണ്. വിശ്വാസികളോട് നിങ്ങളുടെ ദൈവം ആരാണ് എന്നു ചോദിച്ചാൽ അവർ പതിനായിരം ഭാഗങ്ങളായി വിഭജിക്കും. എന്നെ സംബന്ധിച്ചിടത്തോളം മതവും രാഷ്ട്രീയവും മലം പോലെയാണ്. നമുക്ക് അറിവില്ലാത്ത പ്രായത്തിൽ നമ്മൾ അത് വാരിക്കളിക്കും. എന്നാൽ നമുക്ക് കാര്യങ്ങൾ ഒക്കെ അറിയാറാവുമ്പോൾ നമുക്ക് മനസ്സിലാവും അത് വൃത്തികേടാണ്. വാരിക്കളിക്കുന്നത് നല്ല ശീലമല്ല, അസുഖം വരെ വരാമെന്ന്.    എന്റെ ഈ ചിന്തകൾ നിന്നിൽ ഒരിക്കലും ഞാൻ അടിച്ചേൽപ്പിക്കില്ല. നിനക്കു നിന്റെ വിശ്വാസം ആവാം. പക്ഷെ ആ വിശ്വാസം നെഞ്ചിൽ വെക്കണം. തലയിൽ കേറ്റി വെക്കരുത്. അങ്ങനെ വെക്കുമ്പോൾ ആണ് ലോകത്തു ഈ കാണുന്ന പ്രശനങ്ങൾ ഉണ്ടാവുന്നത്. എന്തിനു കേരളം പോലും ആ പഴയ ഭ്രാന്താലയത്തിലേക്ക് മടങ്ങി പോവുകയാണ്. ജാതി മത ചിന്തകൾ എല്ലാത്തിനും അടിസ്ഥാനമായിരിക്കുന്നു. ജോലിക്കും പഠനത്തിനും മൊത്തം ജാതി. പോട്ടെ, മാട്രിമോണി സൈറ്റ് തന്നെ ജാതിപ്പേരുകളിൽ ആണ്. ഇതൊക്കെ എന്നു മാറാനാണ്. ഇനി ഇവയുടെ പേരിൽ തമ്മിൽ തല്ലി എല്ലാരും ചത്തു മലച്ചാലും ആർക്കും ബോധം വീഴില്ല.

ഇപ്പൊ ആ കേസ് ക്ലിയർ ആയല്ലോ. ഇനി എന്താണ് ടീച്ചറിന്റെ അടുത്ത വാദഗതി.”