??സേതുബന്ധനം 3 ?? [M.N. കാർത്തികേയൻ] 403

“നീ യുക്തിവാദി ആണോ?.”

“ഹഹഹ, ഒരുകണക്കിന്‌ മതവിശ്വാസികൾ ഉൾപ്പടെ എല്ലാരും യുക്തിവാദികൾ തന്നെയാണ്. ഒരു വിശ്വാസിയെ സംബന്ധിച്ച് മറ്റ് വിശ്വാസങ്ങളെല്ലാം അന്ധവിശ്വാസമാണ്.
സ്വന്തം മതത്തെ അന്ധമായി വിശ്വസിച്ച്
മറ്റുള്ളതൊക്കെ യുക്തി ഉപയോഗിച്ച്
അളന്ന് ഒരേ സമയം യുക്തിവാദിയും മതവിശ്വാസിയുമായി മാറും..!
മറ്റുള്ളവരുടെ വിശ്വാസങ്ങൾ അളക്കാൻ എടുക്കുന്ന അതേ യുക്തി സ്വന്തം മതത്തെ അളക്കാൻ എടുത്താൽ നന്നായിരിക്കും.

മതങ്ങളും രാഷ്ട്രീയവും ഒന്നും വിമർശനത്തിന് അധീതമല്ല. തെറ്റു കണ്ടാൽ എതിർക്കണം. തെറ്റുകളെ എതിർക്കുമ്പോൾ ആണ് അനാചാരങ്ങൾ ഇല്ലാതാവുന്നത്. സതി എന്ന ദുരാചാരം ഓർമയില്ലേ. എതിർപ്പിലൂടെ ആണ് അത് ഇല്ലാതെ ആയത്. മതാചാരമാണ്. അത് ശെരിയാണ് എന്നു വെച്ചു ഇരുന്നിരുന്നു എങ്കിൽ ഇന്നും നിരപരാധികൾ തീച്ചൂളയിൽ വെന്തു മരിച്ചേനെ.”

“ഓക്കേ. ഐ ആം ഇമ്പ്രെസ്ഡ്. പക്ഷെ ഇനിയും ഉണ്ടല്ലോ പ്രശ്നങ്ങൾ. ഉദാഹരണത്തിന് ഞാനൊരു കന്യക അല്ല എന്ന് പറഞ്ഞാൽ നീ എന്നെ വേണ്ട എന്നു പറയില്ലേ”

“തുഫ്…. കന്യകാത്വം. ലോകത്തിലെ ഏറ്റവും പുരാതനവും മാറേണ്ടതുമായ പഴഞ്ചൻ ചിന്താഗതി. പുരാതന കാലം മുതൽ പെണ്ണിന്റെ കാലുകൾക്കിടയിൽ ഈ വൃത്തികെട്ട സമൂഹം ബന്ധിച്ചിരിക്കുന്ന കപട സദാചാരത്തിന്റെ അദൃശ്യചങ്ങല. അല്ലെങ്കിൽ ഒന്നാലോചിച്ചു നോക്കൂ. പുരുഷന് എത്ര വേണമെങ്കിലും ലൈംഗിക ബന്ധത്തിൽ ഏർപ്പെടാം,വ്യഭിചരിക്കാം. അവന്റെ പവിത്രത നഷ്ടപ്പെടില്ല. പക്ഷെ പെണ്ണ് ഒരുതവണ ചെയ്താൽ അവൾ കന്യക അല്ലാതെ ആവുന്നു. അതെന്ത് കൊണ്ടാണ്. കാരണം നമ്മളുൾപ്പെടുന്ന സമൂഹത്തിന്റെ നൂറ്റാണ്ടുകളായി നിലയിൽക്കുന്ന ആൺമേൽക്കോയ്മാ കാഴ്‌ചപ്പാടിന്റെ ഭാഗമായി ഉണ്ടായ ഒരു വികലമായ ചിന്താഗതി എന്നല്ലാതെ അതിനെ എങ്ങനെ വിശേഷിപ്പിക്കാം. ഏതെങ്കിലും ഒരു പെണ്ണ് ഒറ്റക്ക് വ്യഭിചരിക്കുന്നത് എങ്ങനെയാണ്. വിരലുകൾ ഉപയോഗിച്ച് അവൾക്ക് ഗർഭം ഉണ്ടാക്കാൻ കഴിവില്ല. കൂടെയുള്ള ആണിന് സമൂഹം ഹീറോ പരിവേഷവും പെണ്ണിന് വേശ്യാ പട്ടവും ചാർത്തപ്പെടുന്നത് എങ്ങനെയാണ്. മാറേണ്ടത് നമ്മുടെ ചിന്താഗതി ആണ്. അതിന്റെ മാറ്റത്തിന്റെ തുടക്കം നമ്മുടെ കുടുംബത്തിൽ നിന്നും വിദ്യാലങ്ങളിൽ നിന്നുമാണ്. കുഞ്ഞിലേ വീട്ടുകാർ നീ പെണ്ണാണ് അടങ്ങി ഒതുങ്ങി ജീവിക്കണം എന്നു പറഞ്ഞു പെണ്കുട്ടികളെ വളർത്തുന്ന രീതി മാറ്റണം.