??സേതുബന്ധനം 3 ?? [M.N. കാർത്തികേയൻ] 403

കമൽ സർ തന്നെ പറഞ്ഞ വേറൊരു വാക്യവുമുണ്ട്. ദൈവം ഇല്ലെന്നു പറയുന്നവനെ വിശ്വസിക്കാം. ദൈവം ഇല്ലെന്നു പറയുന്നവനെയും വിശ്വസിക്കാം. പക്ഷെ ഞാനാണ് ദൈവം, നിങ്ങളുടെ എല്ലാ പ്രശ്നവും മാറ്റി തരും എന്നു പറഞ്ഞു വരുന്നവൻ ഉണ്ടെങ്കിൽ ചത്താലും അവനെ വിശ്വസിക്കരുതെന്ന്. നമ്മൾ ഓരോരുത്തരും ആണ് നമ്മുടെ ദൈവം. അത് മനസ്സിലാക്കി ജീവിക്കാൻ ആണ് ഞാൻ ആഗ്രഹിക്കുന്നത്.

ഇപ്പോഴും മതം സമൂഹത്തിൽ ഒരു പ്രധാന ഘടകമായി നിലനിൽക്കുന്നു. അത് മദ്യം പോലെയാണ്. നമ്മളെ മത്തു പിടിപ്പിക്കും. ഉപയോഗിക്കരുത് എന്നു ആര് പറഞ്ഞാലും കേൾക്കാതെ ഉപയോഗിക്കും. എന്തൊക്കെ കുഴപ്പം ഉണ്ടെങ്കിലും ഉപയോഗിക്കുന്നവർ അതൊന്നും സമ്മതിച്ചു തരില്ല. അതിനെ ന്യായീകരിച്ച് നിൽക്കും. ദൈവം തെറ്റു ചെയ്താൽ അതിനെ വാഴ്ത്തും. അതേ തെറ്റ് വേറെ ആരെങ്കിലും ചെയ്താൽ തെറ്റ് ആണെന്നും പറയും.
പലരും പറഞ്ഞ് കേട്ടിട്ടുണ്ട് നല്ലത് ചെയ്യുന്നവൻ സ്വർഗ്ഗത്തിലും തെറ്റ് ചെയ്യുന്നവൻ നരഗത്തിലും പോകുമെന്നൊക്കെ….എന്നാൽ സത്യമെന്തെന്നാൽ സ്വർഗ്ഗവും നരഗവും ഒക്കെ നമ്മുടെ ജീവിതം തന്നെ ആണ്….

നാം ചെയ്ത തെറ്റിനുള്ള ശിക്ഷയും നാം ചെയ്ത നല്ലതിനുള്ള സന്തോഷവും ജീവിച്ചിരിക്കുമ്പോൾ തന്നെ നമ്മേ തേടി വരുന്നു….

ചെകുത്താനും ദൈവവും നമ്മൾ തന്നെ ആകുന്നു…

സ്വർഗ്ഗവും നാരഗവും നമ്മൾ തന്നെ നിർമിക്കുന്നു.

മരിച്ചു കഴിഞ്ഞാൽ നമ്മൾ സ്വർഗത്തിലെ പോവൂ. നരകം എന്നത് നമ്മുടെ ഭൂമിയിലെ ജീവിതം തന്നെയാണ്. അത് നമുക്ക് കാമം , കൊതി , വേദന ,ആശ ,കോപം ,പ്രതികാരം ,ദുഃഖം എല്ലാം തരും. അപ്പൊ ഒരർഥത്തിൽ ഈ ജീവിതമല്ലേ നമുക്ക് നരകം. ഇത് ഞാൻ പറഞ്ഞതല്ല. കഥകൾ.കോമിലെ ഡെമോൻ കിങ് അഥവാ ഡി.കെ എന്ന ഒരു പതിനെട്ടു വയസ്സുകാരൻ കില്ലാടി പറഞ്ഞതാണ്.”