🔰🏇സേതുബന്ധനം 3 🚩👑 [M.N. കാർത്തികേയൻ] 403

(ആശ്രയത്തിൽ…….)

“സേതു നീ ഇപ്പൊ തന്നെ കാശിയിലേക്ക് പോണം.”

“അച്ഛാ… ഇതെന്താ പറയുന്നേ.. ഞാനിപ്പോൾ പോയാൽ എന്റെ മേൽ സംശയം വരില്ലേ”

“ഇല്ല…. പൊലീസിന് നിന്നെ പറ്റി ഡൗട്ട് ഒന്നുമില്ല. അവർ വന്യമൃഗ ആക്രമണം എന്നു കരുതി ആണ് ഇരിക്കുന്നത്. അതോണ്ട് നീ പേടിക്കണ്ട”

“അച്ഛാ അങ്ങനെ ആണെങ്കിൽ ഞാനെന്തിന് മാറി പോകണം.ഇവിടെ നിന്നാൽ പോരെ…”

“പോര.. ടാ നിന്നോട് ഞാൻ പോകാൻ പറഞ്ഞതിന് രണ്ടു കാരണം ഉണ്ട്.
1. നിനക്കിപ്പോൾ ഈ സാഹചര്യത്തിൽ നിന്നൊരു മാറ്റം അത്യാവശ്യമാണ്.
2.നിനക്ക് അവിടെ നിന്നും ഒരു സാധനം കിട്ടും. അത് കിട്ടി കഴിഞ്ഞാൽ നീയിങ് പോന്നേക്കണം.”

” സാധനമോ എന്തൂട്ട് സാധനം. ഞാനാണെങ്കിൽ ഇത് വരെ അവിടെ പോയിട്ട് പോലുമില്ല. അവിടെ ഉള്ള ആർക്കും എന്നെ പരിചയവും കാണില്ല. പിന്നെങ്ങനെ എനിക്ക് സാധനം തരും.”

“ടാ നിന്നെ ആരും കണ്ടിട്ടില്ല. പക്ഷെ അവിടെ കാണാൻ പോകുന്ന ആൾക്ക് നീ സുപരിചിതനാണ്. അവിടെ ചെല്ലുമ്പോൾ നിനക്കു കാര്യം ഏറെക്കുറെ പിടികിട്ടും. പോയിട്ട് വാ. എന്താ ഏതാ എന്നൊക്കെ അവിടെ ചെല്ലുമ്പോൾ നിനക്കു മനസ്സിലാവും. കൂടുതൽ ഒന്നും നീ ഇപ്പൊ ആലോചിക്കേണ്ട. എല്ലാം നിനക്ക് സമയമാവുമ്പോൾ മനസ്സിലാവും”

“അച്ചോ… ഞാനൊറ്റക്ക് പോണോ…. അത്രയും ദൂരം”