🔰🏇സേതുബന്ധനം 3 🚩👑 [M.N. കാർത്തികേയൻ] 403

“ആഹാ…. കഥകൾ.കോമിൽ നിങ്ങളും ഉണ്ടോ. എന്റെ ഫേവറിറ്റ് സൈറ്റ് ആണ്. അപരാജിതൻ വായിക്കാറുണ്ടോ”

“കൊള്ളാം. സുരേഷ് ഗോപിയുടെ പടത്തിൽ തോക്കുണ്ടോ എന്നു ചോദിക്കും പോലെ ഉള്ള ചോദ്യം. ആ സൈറ്റിൽ അപരാജിതൻ വായിക്കാത്ത ആരുമുണ്ടാവില്ല. ഹർഷൻ,എം.കെ,ഡി.കെ,ജ്വാല,ജീവൻ,അഖിൽ,നൗഫു,ഷാന,ആരോ,ആദിദേവ്,ആദി,അഭി,രാഹുൽ,ജീനാപ്പു,തമ്പുരാൻ,ഖൽബിന്റെ പോരാളി,മനൂസ്,പ്രൊഫസർ ബ്രോ,പ്രണയരാജ,ഹൈദർ, വിച്ചു,ഡ്രാഗൺ,സയ്യിദ് മസൂദ്,കുട്ടപ്പൻ,ക്യൂറി,റോക്കി,കാളി,നരൻ, അജയ്,മേനോൻകുട്ടി,അനസ്,ശിവ,നെപ്പോളിയൻ, ഖുറൈശി അബ്രഹാം,സ്റ്റീഫൻ,ഡാരി,സിദ്,പാറു,രാഗേന്ദു, കിംഗ്‌ ലയർ,രാജീവ്,സുജീഷ്,ജോനാസ്,കർണൻ,ഗോകു,വാമ്പയർ അടക്കം അവിടെ ഒരു വലിയ സൗഹൃദവലയം തന്നെയുണ്ട്. മികച്ച ഒരു സൈറ്റ് ആണ്. ആ… അത് പോട്ടെ. കണ്ട ഉടനെ പ്രണയം തോന്നിയത് എങ്ങനെ എന്നു പറഞ്ഞില്ല അല്ലെ. പറയട്ടെ”

“ആ പറ കേൾക്കട്ടെ”

“പ്രണയത്തെ ഡിഫൈൻ ചെയ്യാൻ പറ്റുമോ. സയൻസ് പറയും ഹോർമോൺ മാറ്റം ആണെന്ന്. ചിലർ പറയും ചിക്കൻപോക്‌സ് പോലെ അല്പം വൈകിയിട്ടു ആയാലും എല്ലാർക്കും വരുന്ന ഒരു സാധനമെന്നു. ചിലർ പറയും മനസ്സിന്റെ ഭ്രാന്തമായ ഒരു വികാരം അല്ലെങ്കിൽ അവസ്ഥ എന്നു. ശെരിക്കും എന്താണ് പ്രണയം. പ്രണയാഭ്യർത്ഥന നിരസിക്കുമ്പോൾ ആസിഡ് കോരി ഒഴിക്കുന്നത് ആണോ അതോ മോർഫ് ചെയ്ത ചിത്രം പ്രചരിപ്പിക്കുന്നത് ആണോ പ്രണയം. സമൂഹ മാധ്യമങ്ങളിൽ ചാറ്റ് ചെയ്യുമ്പോൾ ഉമ്മ ഉമ്മ ഉമ്മ അങ്ങോട്ട് ഉമ്മ ഉമ്മ ഉമ്മ ഇങ്ങോട്ട് അയക്കുന്നത് ആണോ പ്രണയം. ഖലീൽ ജിബ്രാന്റെ ഒരു വരിയുണ്ട്.

‘ഞാനവളെ സ്നേഹിക്കുന്നു
എന്നാൽ എന്തുകൊണ്ട് ഞാനവളെ സ്നേഹിക്കുന്നു
വെന്നതിന് എന്റെ ചിന്തക്ക് ഉത്തരമില്ല.
എനിക്ക് അതറിയണമെന്നുമില്ല. എന്റെ ആത്മാവിലും
ഹൃദയത്തിലും ഞാനവളെ സ്നേഹിക്കുന്നു
അത്രമാത്രം’

പോട്ടെ വേറൊരു എണ്ണം പറയാം. വിജയുടെ തെരി സിനിമ കണ്ടു കാണുമല്ലോ. അതിൽ സാമന്ത പറയുന്നുണ്ട്. നിന്നെ ആദ്യം കണ്ടപ്പോൾ  തോന്നിയ അതേ  ഫീൽ ഒരു നൂറു കൊല്ലം കഴിഞ്ഞു നിന്നെ കാണുമ്പോഴും എനിക്ക് ഉണ്ടാകും എന്നുറപ്പ് ആണ്.അത് കൊണ്ടാണ് നിന്നോട് കണ്ടപ്പോഴേ ഇഷ്ടം തുറന്നു പറഞ്ഞത് എന്ന്. അത് തന്നെയാണ് ശെരിക്കും എനിക്കും പറയാനുള്ളത്. പ്രണയം കേവലം മനസ്സിന്റെ തോന്നൽ മാത്രം എന്നു വിശേഷിപ്പിച്ചു തള്ളിക്കളയാൻ എനിക്ക് കഴിയില്ല. പ്രാണന്റെ പകുതി ആയ ഒരാളെ ഞാൻ കണ്ടെത്തി എന്നു നിന്നെ കണ്ട അതേ നിമിഷം എനിക്ക് മനസ്സിൽ തോന്നി. അതു കൊണ്ട് ആണ് ഇഷ്ടം തുറന്ന് പറഞ്ഞത്.